الموضوع: الى خبراء نيسان: محتاج تقييم Nissan Tiida 2013

المشاركة الأصلية كتبت بواسطة ehab78

بسم الله الرحمن الرحيم
اولا000اهلا وسهلا بيك في المنتدى الجميل
ثانيا000اهنيك على تفكيرك في التيدا الرائعة وباذن الله تكون عربيتك القادمة
انا معايا تيدا هاتشباك اعلى فئة بدون فتحة سقف كنت جايبها في اواخر شهر رمضان00ودلوقتي عاملة 5000كلم وباذن الله هعمل صيانة الخمسة الاسبوع الجاي
مبدئيا هى ياباني تجميع مكسيكي
العربيةجميلة جدا بكل المقاييس00بمعنى
الموتور000هادئ جدا ناعم جدا لكن000جباااااااااااار
التكييف000اسكيمو
استهلاك البنزين000رااائع00بيعمل معايا بالتكييف وزحمة مابين 11.5 و12 كيلو لكل لتر
التساع الداخلي000لايمكن تتخيله الا لما تقعد جواها00ومهما وصفتلك مش هتصدقني
الشنطة000متوسطة الحجم لكن مع الحركة الجميلة للكنبة الخلفية وانك تدفعها بالكامل للامام بتلاقى ان الشنطة حجمها بيتضاعف بدون تاثير كبير على مساحة الجلوس الخلفي
الباور000كهرباء ناعم جدا وفي نفس الوقت بيتقل مع السرعة
الثبات000كتير هاجمو التيدا علشان نقطة الثبات000
اولا-العربية تسارعها جميل جدا بمعنى انك فجأة بتلاقي نفسك على 120 او 130 بدون ماتحس ان العربية ماشية اصلا
ثانيا-انا جبت بيها لغاية 155كلم00ماكنتش حاسس بفرق عن ال70 او ال80 مع مراعاة ان كان معايا سكودا فابيا ودي طبعا وحش في الثبات 000بجد مفيش فرق بينهم
العفشة000 هي ناشفة شوية وبامانة انا كنت فاكر عفشة الياباني انعم من كده بس انا حاسس ان في عندي مشكلة في الكاوتش000هو صحيح بريدجيستون ياباني بس انا حاسس انه ناشف جدا ومديني احساس بكل شئ في الطريق ودي الحاجة الوحيدة اللي مضايقاني وباذن الله هقولهم عليها في الصيانة الجاية
انا طولت على حضرتك وانا اسف
لكن بجد التيدا محترمة اوي وحبيبتي اوي وفيها كل اللي انا محتاجه واللي اكتر من كده انا مش عاوزه
صلي الاستخارة وربنا يوفقك في الاختيار00وانا تحت امرك في اي سؤال
سلام

ياريت لما تعرف حل موضوع العفشة الناشفة دى تقولنا ويا ترى العربية عندك بجنوط ولا من غير لانها لو من غير جنوط وفيه خشونة فى العفشة تبئى مشكلة فعلا لان الجنوط بيديك احساس بكل حاجة فى الطريق تحت رجليك

المشاركة الأصلية كتبت بواسطة dodopop2

ياريت لما تعرف حل موضوع العفشة الناشفة دى تقولنا ويا ترى العربية عندك بجنوط ولا من غير لانها لو من غير جنوط وفيه خشونة فى العفشة تبئى مشكلة فعلا لان الجنوط بيديك احساس بكل حاجة فى الطريق تحت رجليك

بس خد بالك عفشة الصنى ناشفة جدا

المشاركة الأصلية كتبت بواسطة dodopop2

ياريت لما تعرف حل موضوع العفشة الناشفة دى تقولنا ويا ترى العربية عندك بجنوط ولا من غير لانها لو من غير جنوط وفيه خشونة فى العفشة تبئى مشكلة فعلا لان الجنوط بيديك احساس بكل حاجة فى الطريق تحت رجليك

بص يا باشا موضوع العفشة انها ناشفة شوية دى مش مشكلة لما تلاقى قصاد دة ان هى كلها مميزات

- ثبات عالى متلاقيش تعويم ولا تحس ان العربية طايرة من على الارض كما هو الحال فى بعض السيارات الكورى
- اجزاء العفشة ما شاء الله معمرة جداً
- التحكم فى السيارة فى المنحنيات والمنعطفات ممتاز ومميزات اخرى..

موضوع ان الجنوط بتدي احساس بكل حاجة تحت رجليك انا مش مع حضرتك فى كدة غير فى حالة انك تكون مركب جنوط مقاس اكبر من المقاس الافتراضى للعربية والعفشة مش مستحملة او ان يكون وزن الجنط تقيل..

او نوع كاوتش سئ او منتهى الصلاحية "متهالك" كما هو الحال فى النيسان صنى الشكل الجديد
بتنزل بكاوتش سئ بيخليك تحس ان العربية غير مريحة اطلاقاً
ولكن بعد تغيير الكاوتش بنوع جيد كما هو الحال مع بعض الزملاء فى المنتدى "العربية بقت حرير" ما شاء الله..

واعتذر على الاطالة

المشاركة الأصلية كتبت بواسطة 7amza

شكراً يا باشا
واضح من كلامك انك حبيت العربية
هو ان شاء الله انا هستخير ربنا وللخير إن شاء الله

وبالنسبة للموتور - نيسان طول عمرها مواتيرها جبارة وقوية - "اللهم لا حسد"

و تكييف اليابانى مشهور بالقوة ايضاً - انا كان عندى فيات بونتو ايفو كان التكييف بتاعها دينسون يابانى وفعلاً كان ثلاجة

موضوع ان الكنبة كلها بتتحرك للأمام انا كنت اول مرة اعرف بصراحة - حتى ممثل المبيعات اللى كان بيفرجنى على العربية مقليش علية خالص

بص موضوع العفشة انها ناشفة ممكن يكون ليها اكثر من سبب
بس من منطلق انى ركبت اكثر من عربية من فئة الكومباكت والهاتش باك - اى عربية ثباتها عالى بتكون عفشتها ناشفة نوعاً ما

- راجع ضغط الكاوتش الصحبح وان شاء الله تكون نتيجة كويسة

بس انا عندى سؤال - هو الفرق ما بين جميع الكماليات بدون فتحة سقف و جميع الكماليات بفتحة سقف اية ؟

فتحة السقف فقط ولا فى حاجات زيادة..

واعتذر على الاطالة :s_thum1[1]:

العفو ياباشا وتحت امرك في اي شئ
بالنسبة لموضوع فتحة السقف00هي دي الزيادة الوحيدة عن الفئة السابقة لها
موضوع العفشة00انا شبه متأكد انه من الكاوتش وعموما هشوفه في الصيانة القادمة باذن الله
ربنا يوفقك للخير يا استاذ حمزة
سلام

المشاركة الأصلية كتبت بواسطة kliken

دكتور ايهاب ازاى حضرتك يت رب تكون تمام
الله ينور يا دكتور على الكلام الجميل و المرتب جدا
انا متفق مع حضرتك تماما فى كل نقطه ما عدا
الثبات هو معقول جدا لحد 140 ممكن لكن اكتر من كده مش تخليك مطمن حسيت كده الصراحه. انا وصلت بيها 190 كم\ساعه للامانه بكل بساطه و بعدين مشيت بيها مسافه على نفس السرعه و اقل شويه من 170 الى 190 لدرجه انى نسيت انى ماشى على كام و بعدين جيت خدت ملف فى الطريق ملف بسيط او متوسط مش عاصى يعنى لقيت العربيه عومت منى من ضهرها بس لميت نفسى الحمد لله و ساعتها طبعا حسيت بغلطى و ان المفروض الواحد يالتزم بالسرعات المعقوله و ثانيا يبقى مقدر امكانيات ثبات العربيه بس هى برضه اثبت من عربيات كتير من تويوتا كورولا مثلا مع والدى موديل 2007 و من الياريس اقصد لو حد من هاواه الجرى و السرعات الفوق طبيعيه العربيه مش هترضيه لان العربيه عمليه و عاليه عن الارض

باشمهندس محمد ازي حضرتك00والله واحشني جدا وكل عام وسيادتك بخير
انا للاسف الشديد دائم الدخول للمنتدى لكن مش عارف اشارك لان كل المواضيع الجديدة عن النيو صني ودي عربية مجهولة بالنسبالي فا مش عارف اتكلم عنها خالص وعلشان كده بكتفي بالمشاهدة والاعجاب
بالنسبة لثبات التيدا00انا قلت اني جربتها لغاية 155 وكانت ممتازة00بعد كده انا مش عاوز لاني اصلا مش من هواة الجري المفتري وغرز الموت
هو زي ما حضرتك قلت العربية عملية وعالية عن الارض وعائلية لاقصى درجة وشبابية الى حد بعيد
بس عموما مفيش عربية هتجمع كل المميزات مرة واحدة
يعني لو عاوز موتور مرعب وثبات رائع00خش على الهوندا سيفك بس هتتنازل عن الوسع الداخلي الفظيع وعن الارتفاع عن الارض بكل مطباتها المختلفة
لو عاوز عربية عائلية واسعة عالية موتور رائع ثبات مرضي00خش على التيدا بس هتتنازل عن السرعات الخرافية وغرز القطم والذي منه
بصراحة00التيدا صفقة ممتازة للي بطل جري وشبع منه او حتى اللي عاوز يجري على خفيف
بس انا بشكر صاحب الموضوع اللي خلى في فرصة اتكلم مع حضرتك واستفيد من نظرتك في تفاصيل صغيرة ممكن تكون غايبة عن الواحد
دمتم جميعا بالف خير

المشاركة الأصلية كتبت بواسطة kliken

دكتور ايهاب ازاى حضرتك يت رب تكون تمام
الله ينور يا دكتور على الكلام الجميل و المرتب جدا
انا متفق مع حضرتك تماما فى كل نقطه ما عدا
الثبات هو معقول جدا لحد 140 ممكن لكن اكتر من كده مش تخليك مطمن حسيت كده الصراحه. انا وصلت بيها 190 كم\ساعه للامانه بكل بساطه و بعدين مشيت بيها مسافه على نفس السرعه و اقل شويه من 170 الى 190 لدرجه انى نسيت انى ماشى على كام و بعدين جيت خدت ملف فى الطريق ملف بسيط او متوسط مش عاصى يعنى لقيت العربيه عومت منى من ضهرها بس لميت نفسى الحمد لله و ساعتها طبعا حسيت بغلطى و ان المفروض الواحد يالتزم بالسرعات المعقوله و ثانيا يبقى مقدر امكانيات ثبات العربيه بس هى برضه اثبت من عربيات كتير من تويوتا كورولا مثلا مع والدى موديل 2007 و من الياريس اقصد لو حد من هاواه الجرى و السرعات الفوق طبيعيه العربيه مش هترضيه لان العربيه عمليه و عاليه عن الارض

عربيتك هاتش باك ولا سيدان؟؟