الموضوع: الى خبراء نيسان: محتاج تقييم Nissan Tiida 2013

المشاركة الأصلية كتبت بواسطة dodopop2

ده لين فيات !!!!!!!!!!

تمام هو لينك فيات

عذراً .. انا فهمت ان حضرتك عاوز تعرف الاختلافات فى الفيات بونتو ايفو

المشاركة الأصلية كتبت بواسطة د.اشرف هنداوى

استاذ حمزة حضرتك بتقول كان معاك ايفو -- يا تري ايه راي حضرتك فيها ؟ و هل بتفضل التيدا عنها و لا بيعها كان لأسباب لا تتعلق بالعربية ؟

انا بعدت شوية بس انا باقارن بين التيدا و الايفو

مشكلة التيدا الوحيدة ان شكلها اتغير برة و ممكن الشكل الجديد ينزل السنة الجاية او اللي بعدها بالكتير

و شكرا مقدما

د. اشرف السلام عليكم
بص حضرتك الايفو عربية ممتازة بمعنى الكلمة من حيث:

- الخامات المصنعة منها السيارة
- التقفيل الممتاز
- عوامل الامان ممتازة - العربية حاصة على 5 نجوم فى اختبارات الامان
- ثبات عالى جداً فى السرعات العالية
- تحكم عالى جداً فى المنحنيات والمنعطفات
- فرامل العربية ممتازة
- شكلها مميز
- موفرة جداً فى البنزين
- مفيش فيها عيوب نهائى طالما الاستخدام صحيح

مساحة التخزين الخلفية صغيرة لو معاك اسرة ومسافر مش هتعجبك.
امكانيات العربية حلوة جداً فى الفئة الثانية اوتوماتيك او يدوى..
سعر اعادة البيع سئ

العربية موجودة من 2006 فى السوق مفيش شكاوى منها..

هى قطع غيارها وصيانتها غالية شوية بس معمرة

خلاص الدفعة اللى فى السوق دلوقتى هى آخر دفعة ايفو التوكيل نزلها.

الموديل الجديد نازل هيكون اسمه نيو جراند بونتو
هيكون التغيير فى شكل الاكصدامات والمسطرة النيكل اللى على الكبوت مش هتبقى موجودة وشكل الجنط هيختلف وبعض الفئات منها الصالون والكراسى كمان شكلهم هيتغير وهينزل فئة السقف بتاعها بانوراما وتكييف ديجيتال..
هتنزل 4 او 5 فئات وسعرهم هيكون من 85 الف الى 128 الف جنيه
والبونتو الكلاسيك خلاص دى اخر دفعة فى السوق هى كمان

الفيات عربيات محترمة جداً بس مشكلتها الوحيدة هنا فى مصر هو التوكيل
انا بس عاوز اقول لحضرتك انا عربيتى عملت بيها حادثة كبيرة مبعتهاش ( ربنا يحفظ الجميع )

لو حضرتك العربية هتبقى لأسرة وعاوز تركب فيات انصح حضرتك باللينيا..

التيدا جميلة ونيسان عربيات ما شاء الله ناجحة فى السوق المصرى انا ان شاء الله ناوى اشتريها.. وافضلها عن الكيا و الهيونداى

وهى احسن من الايفو فى ان مساحة التخزين اكبر والموتور اقوى والتوكيل ما شاء الله ممتاز وسعر اعادة بيعها هيكون ان شاء الله احسن من الايفو ومنتشرة عن الايفو

وموضوع الشكل دة مش بيسبب مشكلة طالما انت مرتاح مع العربية
ممكن الشكل الجديد ينزل ويكون فى مشاكل او يطلع الشكل القديم احلى..

واعتذر لحضرتك على الاطالة..

السلام عليكم
ما سعر اول فئة اوتوماتيك 2013

المشاركة الأصلية كتبت بواسطة kliken

115 الف للسيدان
120 الف للهاشباك

اشكرك على الاهتمام و الرد
هل يوجد تسليم فوري بلا زيادة في السعر من المعارض

المشاركة الأصلية كتبت بواسطة samyyousef

اشكرك على الاهتمام و الرد
هل يوجد تسليم فوري بلا زيادة في السعر من المعارض

حضرتك ارفض اى زيادة فى السعر علشان الحجة المشهورة للمعارض "اصل انا عندى تسليم فورى"..

احجز مع الوكيل او اى موزع معتمد للوكيل.. بالسعر الرسمى دون اى زيادة وممكن تلاقى عندة استلام فورى او بعد 45 يوم..

المشاركة الأصلية كتبت بواسطة د.اشرف هنداوى

ايه الاخبار حضرتك جبت التيدا و لا لأ

ياحدث الموضوع علشان نبعد عن الصني شوية --

لأ يا دكتور اشرف والله لسه..

شفت الياريس الهاتش باك 2013 ؟