الموضوع: الى خبراء نيسان: محتاج تقييم Nissan Tiida 2013

اجمل عربية موجودة الان فى الفئة السعرية دى ثباااااات و كماليات العربية يابانى 100% بس بتتجمع فى البرازيل عشان الايدى العاملة الرخيصة وده اللى بتعمله كل الشركات دلوئت حتى البافارية عندها مصنع فى الصين السيارة دى تكسب فى مقارنتها مع الالنترا القديم والانسر البومة والكيا سيراتو بس انصحك بالهاتش باك ثباتها اعلى وهتحس معاها بقوة الموتور اكتر من السيدان

المشاركة الأصلية كتبت بواسطة peaceman

حضرتك يا باشا عندك فوق في المواضع المثبة موضوع اسمه فهرس العام لقسم نيسان هتلاقي فيه كمية موضوعات رائعة و تقييمات عن التيدا و بصراحة الاعضاء اللي اشتروا العربية حتي الان مشتكوش حتي مش هتلاقي مواضيع شكاوي عن التيدا و الف مبروك مقدما

شكراً يا باشا على الرد ولكن انا شفت بعض المواضيع هنا فى المنتدى عن نيسان تيدا ومحدش الحمد لله كان عنده شكوى منها
انا كنت عاوز حد يكون معاه العربية وماشى بيها ومجربها يتكلم عن الاداء بتاعها وهل الاداء مستقر ام هناك عيوب ظهرت وهو راكب العربية
فى ناس قالت الطنابير بتاعتها سيئة وبتتغير على كيلو متر قليل
يعنى انت عارف يا باشا محدش يقدر يحكم على العربية الا لما يكون ركبها شوية..
انا اصلى اتقرصت فى كيا ريو الشكل الجديد ومكملتش معايا يا دوب 12000 كيلو متر وبعتها

مع الشكر

المشاركة الأصلية كتبت بواسطة dodopop2

اجمل عربية موجودة الان فى الفئة السعرية دى ثباااااات و كماليات العربية يابانى 100% بس بتتجمع فى البرازيل عشان الايدى العاملة الرخيصة وده اللى بتعمله كل الشركات دلوئت حتى البافارية عندها مصنع فى الصين السيارة دى تكسب فى مقارنتها مع الالنترا القديم والانسر البومة والكيا سيراتو بس انصحك بالهاتش باك ثباتها اعلى وهتحس معاها بقوة الموتور اكتر من السيدان

اشكرك على الرد يا باشا
فعلاً منتدى محترم وناس محترمة وقسم نشط
وان شاء الله انا لو هجيب التيدا هتكون هاتش باك
انا كنت فاكر مساحة التخزين الخلفية صغيرة ولكن الحمد لله طلعت معقولة
مش زى العربيات السيدان طبعاً لكن اكبر من عربيات تانية كتير من فئة الكومباكت والهاتش باك ..

المشاركة الأصلية كتبت بواسطة 7amza

اشكرك على الرد يا باشا
فعلاً منتدى محترم وناس محترمة وقسم نشط
وان شاء الله انا لو هجيب التيدا هتكون هاتش باك
انا كنت فاكر مساحة التخزين الخلفية صغيرة ولكن الحمد لله طلعت معقولة
مش زى العربيات السيدان طبعاً لكن اكبر من عربيات تانية كتير من فئة الكومباكت والهاتش باك ..

جزاك الله خيرا وعلى فكرة العربية دى فيها ميزة مش موجودة فى عربيات كتير انك ممكن تحرك الكنبة كلها للامام فهتلاقى الشنطة كبرت جداااااااااااااااااااا معاكز

انا لسه جايب العربيه من كام شهر , وعامل بيها حوالى 1,5 كم , العربيه بسم الله ما شاء الله ممتازه من حيث التقفيل والعزل يعنى تقفل الشباك متحسش بالدنيا واللى فيها ويا سلام بقى مع تكييفك وكاسيتك, عالم تانى خالص,
ومتحسش نهائى بالنقلات بتاعة الاتوماتيك , والاستجابه بتاعوة الموتور ممتازه ,
عموما انا بقالى قرابه سنه ونص قاعد اقرا وافلى وادور يمين وشمال ملقتش على العربيه دى اى كلمه فى حقها بالعكس الناس كانت تقعد تشتكى مننيسان علشان بعض المشاكل اللى فى الصنى القديمه تقول تيدا محدش ينطق كلمه, عموما صلى استخاره وتوكل على الله.وبالتوفيق

بسم الله الرحمن الرحيم
اولا000اهلا وسهلا بيك في المنتدى الجميل
ثانيا000اهنيك على تفكيرك في التيدا الرائعة وباذن الله تكون عربيتك القادمة
انا معايا تيدا هاتشباك اعلى فئة بدون فتحة سقف كنت جايبها في اواخر شهر رمضان00ودلوقتي عاملة 5000كلم وباذن الله هعمل صيانة الخمسة الاسبوع الجاي
مبدئيا هى ياباني تجميع مكسيكي
العربيةجميلة جدا بكل المقاييس00بمعنى
الموتور000هادئ جدا ناعم جدا لكن000جباااااااااااار
التكييف000اسكيمو
استهلاك البنزين000رااائع00بيعمل معايا بالتكييف وزحمة مابين 11.5 و12 كيلو لكل لتر
التساع الداخلي000لايمكن تتخيله الا لما تقعد جواها00ومهما وصفتلك مش هتصدقني
الشنطة000متوسطة الحجم لكن مع الحركة الجميلة للكنبة الخلفية وانك تدفعها بالكامل للامام بتلاقى ان الشنطة حجمها بيتضاعف بدون تاثير كبير على مساحة الجلوس الخلفي
الباور000كهرباء ناعم جدا وفي نفس الوقت بيتقل مع السرعة
الثبات000كتير هاجمو التيدا علشان نقطة الثبات000
اولا-العربية تسارعها جميل جدا بمعنى انك فجأة بتلاقي نفسك على 120 او 130 بدون ماتحس ان العربية ماشية اصلا
ثانيا-انا جبت بيها لغاية 155كلم00ماكنتش حاسس بفرق عن ال70 او ال80 مع مراعاة ان كان معايا سكودا فابيا ودي طبعا وحش في الثبات 000بجد مفيش فرق بينهم
العفشة000 هي ناشفة شوية وبامانة انا كنت فاكر عفشة الياباني انعم من كده بس انا حاسس ان في عندي مشكلة في الكاوتش000هو صحيح بريدجيستون ياباني بس انا حاسس انه ناشف جدا ومديني احساس بكل شئ في الطريق ودي الحاجة الوحيدة اللي مضايقاني وباذن الله هقولهم عليها في الصيانة الجاية
انا طولت على حضرتك وانا اسف
لكن بجد التيدا محترمة اوي وحبيبتي اوي وفيها كل اللي انا محتاجه واللي اكتر من كده انا مش عاوزه
صلي الاستخارة وربنا يوفقك في الاختيار00وانا تحت امرك في اي سؤال
سلام

المشاركة الأصلية كتبت بواسطة dodopop2

جزاك الله خيرا وعلى فكرة العربية دى فيها ميزة مش موجودة فى عربيات كتير انك ممكن تحرك الكنبة كلها للامام فهتلاقى الشنطة كبرت جداااااااااااااااااااا معاكز

فعلاً ّ!! ما شاء الله انا اول مرة اعرف
هى عربية محترمة الصراحة وان شاء الله انا ناوى عليها وربنا يكرم