محتاج المساعده من صقور المنتدى

**amer_el7op** · 31-10-2012 12:41 PM

عربيتى شيفروليه لانوس 2010ماشيه 49000بقالى فتره بعانى من حجتين اولهم ان العربيه وانا ماشى سلانسيه فى الاولانى والتانى الاربى ام ينزل تحت الواحد كانها واقفه وبعدين احس انها تتشد لقدام والخلف اضغط سنه بنزين تظبط تانى لواحدها مع العلم انى لما بضغط سنه البنزين بلاقى العربيه كانها بتتفجا مره واحده وبعدين تظبط المشكله التانيه بقه ان العربيه لما اجى اعدى مطب مثلا الاقى الاربى ام يبقى فوق الواحد يعنى واحد ونص او واحد وربع بس الكلام ده وانا ضاغط على الدبرياج اول لما ارفع رجلى من على الدبرياج الاقى الاربى ام يبقى طبيعى فوق الواحد بسنه صغيره جربت ايدل تانى وتبى اس تانى وطرمبه بنزين وشيله فيشه حساس الشكمان وبرده المشكلتين موجودين مع العلم انى كشفت عليها كمبيوتر يجى ثلاث مرات وبلاقى كله سليم اخر مره اما كنت عند الميكانيكى قلى دى رشاشات بس انا بقيت محتارقولولى اعمل ايهمع العلم ان المشاكل دى دايما بتحصل فى الحر ونادرا اما تحصل بااليلل ومع التكيف اكتر من غيره

**amer_el7op** · 31-10-2012 12:52 PM

مع العلم ياجماعه عشان نسيت اقول انى مغير بوجيهات وسلوك بوجيهات ngkواحد سمعه وفلتر هوه وبنزين

**amer_el7op** · 31-10-2012 06:29 PM

ايه ياجماعه كل المشاهدات دى ومحدش عارف يدلنى على الحلول بتاعه المشكلتين دول

**samehenany05** · 31-10-2012 07:09 PM

انا عندى نفس المشكله ومتعايش وخلاص

**mero100** · 31-10-2012 08:09 PM

المشكله التانيه .. مش مشكله .. ده طبيعي .

المشكله الأولي :
حتنضف بلف الأيدل و تعمل أيدل ليرن .
ال ‏tps ‎‏ مابيتنضفش .. وطالما عملت ‏scan ‎‏ يبقي سليم .
نضف الرشاشات ضروري جدا .
نضف البوابه .
حط منظف دوره بنزين في التانك و إطلع مشوار طويل و إحرق علي البنزين . مع تثبيت رجلك علي الدواسه سرعه 90 مثلا لو أمكن .
بعد ما ترجع حتغير فلتر البنزين . و طبعا متنساش فلتر الهواء قبل ما تطلع المشوار.
أظبط فيشه الأوكتان علي ظبطه ال 95 و حط بنزين 92 .. ممتازه عن تجربه .
طبعا أكيد إنت غيرت سير الكاتينه بمشتملاتها .
و قولنا إيه الأخبار.

**amer_el7op** · 31-10-2012 11:31 PM

استاذ عمروانا نضفت الايدل وعمله ايدل ليرن ونضفت البوابه لدرجه انى شكه فى الايدل فغيرته لقيت نفس المشكله يبقى كده عيب الرشاشات عايزه تنضف ممكن تشرحلى بالتفصيل شويه معلش هتعبك معايا ولو كانت قبلتك المشكله دى قولى على الحل الامثل معلش هتعبك معايا