كتالوج العربية بيقول !!!!

**ayman_kamal** · 31-10-2012 01:35 PM

في موضوع مهم و انا بدعبس كده في كتالوج العربية لاقيت ان لو العربية شغالة في ظروف قاسية يبقى المفروض بعض بنود جدول الصيانة تنقسم على اتنين زي مثلا تغير الزيت بدل ما يكون كل 10000 كم يكون كل 5000 كم و حاجات تانية
طاب ايه هى الظروف القاسية ؟؟
-القيادة في الزحام (القاهرة طبعا حدث و لا حرج و اسكندرية تقريبا قربت تكون زيها)
- مشاوير قصيرة (أقل من 15 كيلو) (غالبية المشاوير كده)
-تدوير متكرر للسيارة على البارد خلال اليوم (تدويرها بعدما تبرد تماما – طبعا لو راكن في جراج و سايب المفتاح و لا واقف صف تاني و لا... و لا...)
-القيادة في جو بارد جدا أو في جو حار جدا (طبعا كلنا عارفين الجو في مصر في الفترة الاخيرة بقى جحيم)
-القيادة في جو مغبر (عمار يا مصر على نظافة شوارعك

)
-القيادة في الرمل أو الطين (عمار يا مصر على سلكان الصرف الصحي و البلاعات فيكي

)
-ترك السيارة على السلانسيه لمدد طويلة
-أحمال عالية أو قطر سيارات أخرى
-تدوير المحرك على دوران عالي لمدد طويلة

من الكلام اللي فات اكيد الغالبية منا عربياتهم بتتعرض لنفس الظروف
السؤال بقى هل نغير الزيت كل صيانة 5000 كم في الخباثة كده

و هما بيغيروه فى التوكيل كل 10000 كم و لا حانتكشف لأني سمعت هنا ان تغير الزيت بيطلع المكنة من الضمان !!!

**wassim_nasser** · 31-10-2012 03:16 PM

بص يا باشا انا عشان استخدامى للعربية قليل فا بحط زيت 10 وباغيره كل 5

**ayman_kamal** · 31-10-2012 05:12 PM

المشاركة الأصلية كتبت بواسطة elmokadim

زيوت الـ 10 الاف افضل لانها زيوت تخليقة وليست زيوت معدنية مثل زيوت الـ 5 الاف و الـ 3 الاف

ايوه ده كلام سليم بس انا قصدي انا عربيتي لسه في الضمان يعني كده كده التوكيل بيغير الزيت كل 10000 كم في الصيانة الدورية و ده اللي مكتوب في كتالوج العربية ده لو استخدامك مريح للعربية لكن في ظروف القاسية ديه (ده برضو كلام الكتالوج ) يفضل ان زيت 10000كم التخليقي ده تنزله كل 5000 و تغيره .... التوكيل في مصر ماشي على الظروف العادية في الاستخدام مش القاسية اللي انا قلت عليها قبل كده في الاول فأنا بأفكر انا اللي اغير الزيت مرة برة التوكيل عند صيانة 5000 و مرة مع الضمان في التوكيل كل 10000 كم فهل هناك ممكن يكتشفه ان الزيت اتغير في النص و يطلعوا المكنة برة الضمان و لا خليني ماشي على كلامهم كل 10000 و خلاص .... لان انا بتكلم من ناحية الحفاظ على الموتور بحالة ممتازة على المدى البعيد و انا فعليا بعرض العربية كل يوم للظروف ديه .... القيادة في الزحام غالبية الوقت العربية (ساعات الذروة) ماشية لوحدها على (d) من غير ما ادوس بنزين... اسكندرية صغيرة مقارنتا بالقاهرة فغالبية المشاوير بتكون صغيرة (6 – 10 كم).... تدوير متكرر للسيارة على البارد خلال اليوم و تحريكها .... القيادة في جو حار جدا.... حركة البناء في اسكندرية بعد الثورة فالشوارع كلها رمل و طين و الجو غبار ده انا العربية مش بتكمل الغسلة لتاني يوم حتى

فهل انا مبالغ و محسوك زيادة عن اللزوم و لا ايه

**miguel** · 01-11-2012 03:43 PM

افضل زيت هو زيت التموين انا بغيرة كل 10 كيلو اولا السحب عندي اتحسن وصوت الموتور هدي وبقي 100 100
وزيت كريستال حلو اقوي

**ahmedeg1** · 01-11-2012 03:50 PM

المشاركة الأصلية كتبت بواسطة miguel

افضل زيت هو زيت التموين انا بغيرة كل 10 كيلو اولا السحب عندي اتحسن وصوت الموتور هدي وبقي 100 100
وزيت كريستال حلو اقوي

طب جرب زيت صولو الجديد اهو منك تخفف الدهون فى الدم و يمكن يطلعلك اشرف عبد الباقى و لا حاجه

**amriar** · 02-11-2012 06:32 AM

العربيه دى معموله عشان الاماكن القاسية زينا بتصنع فى الهند ورومانيا وروسيا و اعتقد ان الزيت على ١٠٠٠٠ ك كافى
لو فى حد جرب التغيير كل ١٠٠٠٠ وكل ٥٠٠٠ يقولنا تجربته