تقييم بسيط عن كيا ريو 2013 خليجي

**diablo1231** · 17-12-2012 11:32 PM

المشاركة الأصلية كتبت بواسطة dr_darsh

الف مبروك ياباشا ربنا يديك خيرها ويكفيك شرها ويباركلك فيها

الله يخليك يا باشا :)

المشاركة الأصلية كتبت بواسطة mkarim

الف مبروك يا ترا الكيا ريو الخليجى تختلف عن الوكيل فى العفشة والثبات وما هو النظام فى العفشة الامامية والخلفية انا اتصلت بمعرض القرش ومعرض اخر وقالو لى ان مفيهاش ebd ازاى والوكيل فيها

انا معنديش فكرة عن الفرق بس المفروض ان طبقة الدهان بتبقي اقوي في الخليجي و التكييف اداءه افضل بس انا معرفش , العفشة ناشفة انا جنط 17 وفي القرش المفروض انها ebd بس انا مش متأكد اعرف ازاي ان فيها ولا لأ بس الراجل اقسم ايمان قدامي انها فيها بس مش فارقة الفرامل ما شاء الله قوية .

المشاركة الأصلية كتبت بواسطة ramylanos

هو مكان معرض القرش فين؟؟؟

انا جبت من القرش اللي في الميرغني اللي قريب من الاتحادية ده !!

**وائل الدحار** · 03-01-2013 04:30 PM

العربية هاتشبك ولا سيدان
وبعدين انا سال على العربية الاسبوع اللى فات كانت الهاتشباك خليجى عاملها 111 الف
والسيدان كانت عاملها 108 الف

**montasereliraq** · 15-01-2013 03:15 PM

السلام عليكم و رحمة الله
اولا الف مبروك يا باشا على العربيه و ربنا يكفيك شرها

انا معايا بردو الريو اشتريتها اخر يوم رمضان موديل 2013 خليجي اعلى فئة
و للعلم انا نزلت من الماني و ركبت ريو العربيه مبسوط منها جدا جدا جدا
و اهم حاجة العربيه متفوقة على باقي منافسيها في نفس السعر و الفئة
عربيه من وجهة نظري ممتازة جدا جدا جدا عن تجربه و انا رأي يخص الخليجي
لان عربيتي خليجي مش وكيل , و ربنا يوفق الكل و الي محتار في شراء العربيه
انا نصيحته له اشتريها و انت مغمض

**mostafaelfayed** · 19-01-2013 08:38 PM

المشاركة الأصلية كتبت بواسطة spidars

يا جماعه ممكن اعرف ايه كمليات الهاي لين وكيل وهل العربيه الوكي فيها بصمه و سنسوار بارك وبلتوث ومثبت سرعه وتكيف تتش وتبريد في الدرج ولو مفيش ممكن اطلبها من الوكيل
معلش سؤال كمان هو فيه تقسيط تبع التوكيل علي سنه بدون فوائد

للاسف انا سألت في موضوع التقسيط ده بس اكتر من 50% مقدم و لازم هيكون فيه فوايد و اي بنك هيتمنى انك تقسط من عنده
اما مثبت السرعه انا شخصيا معنديش .. بس لو حد عنده معلومة معانا ياشباب

**zicooo2008** · 22-01-2013 09:35 AM

بارك الله تعالى لك فيها و كفاك شرها

**islam1600** · 16-02-2013 02:58 PM

و ربنا يباركلك فيها و يكفيك شرها

بالنسبه للملاحظات بتاعتك على العربيه هى مفيهاش وحده رفع يعنى انت لازم تقفل الزجاج قبل ما تنزل
و بردوا المرايات لازم تدوس على زرار الضم الكهربا بتاعها قبل متنزل منها علشان مش بضم من اللوك
,,,,,,,,,,,,,,,,,,,,,,,,,,,,

لو عربيتك جنط 17 هتواجه شويه مشاكل بسيطه قريب , زى نحل الكاوتش او ظهور عيوب فيه ( كالو )
و ده نتيجه ان الكاوتش كثافته قليله و بيبوظ بسبب الظلط و الطوب و المطبات الى فى شوارعنا
بردوا ممكن لو اخدت مطب هتحس ان العربيه بتهبد جامد و ده مش عيب عفشه ده بردوا بسبب الجنط ال 17
علشان كده عربيه الوكيل نازله جنط 15 حتى فى الهاى لاين

شكرا و مبروك مرة تانيه

**BeSoTarif** · 24-02-2013 08:53 PM

المشاركة الأصلية كتبت بواسطة diablo1231

العفشة كويسة مش ناشفة اوي سافرت بيها و كانت مريحاني والثبات رائع 150 ومفيش اي مشاكل خالص والعزل ممتاز , انا مش متأكد من موضوع ال ebd المفترض انه عندي و البائع اكدلي ده بس انا معرفش ازاي اتأكد من انه موجود ولا لأ عاما انا اصلا خليجي ممكن التوكيل مختلف الله اعلم بالنسبة لكومبيوتر الرحلات انا مش فاهم قصد حضرتك ايه بالمربع الكبير ولا الصغير ؟؟

احب اقول انا سائلت كويس فى حوار ال ebd و abs هتلاقى على موقع الكيا نفسو ان الهاى لاين بس هو الى فيه abs و ebd

**popmsary** · 23-04-2013 02:16 AM

مبروك يا باشا بس ليا استفسار بعد اذنك
بسم الله الرحمن الرحيم
ارجو افاده الشباب زوي الخبر انا فى قمة حيرتي انا رحت حجزت كيا ريو خليجي 2013 فئة الex من عند سمير ريان بس بصراحه لما دخلت على وقريت تعليقات شباب نيل موتر زادت حيرتي نظرا لقلة خبرتي فى هذا المجال
1 - انا بقيت مقلق جدا من حوار سمير ريان وانو بيبقي فى عربيات معيوبه ونظرا لانعدام الضمير بيلبسها لاى حد
2- موضوع خليجي سعودي دى مش عارف اعرفها ازاى و لو سئلتو وقلي سعودي اكدبه باي دليل
3- مدي كفائت العربيه في مصر وما هي عيوبها ومميزتها
4-ايه الي ابص عليه وايه الى اتكد منو وانا بستلم مع العالم انا اول مره اجيب زيرو وايه اجرائات الترخيص
5-ولو لغيت الحجز بيرجعو الالف بتاعت الحجز عادى ولا لازم حوار
ارجو الافاده وارجو توضيح البدائل من خلال خبراتكم ان كان هناك بدائل اخري ولكم جزيل الشكر
معلش طولت عليك