الموضوع: استعمال طبيب !! استعمال سيدة !!!

المشاركة الأصلية كتبت بواسطة mahmoudysf

بيتهايالي افتكاسة استعمال سيدة او طبيب
دي بتاعة التجار
وبعد كدة بدا الطبيب او السيدة
يكتبوا كدة في الاعلان
عموما انا لو بشتري عربية عن طريق اعلان
هنبسط جدا لو موجود في الاعلان استعمال سيدة او طبيب
عشان ده هيكون سبب اني متصلش واضيع وقتي وابعد عن العربية دي

فعلا كده يبقوا وفروا علينا السكة ههههههههه

المشاركة الأصلية كتبت بواسطة alu

اكبر مشكله الشراء من طبيب عن تجربة مريره مع طبيب
اولا اشتريت عربيه سعرها اعلى من مثيلاتها 4000 جنيه بحجة انها استعمال السيد الطبيب واول يد واكيد انة محافظ عليها وبعد الشراء ثبت لى ان سيادة السيد الطبيب لم يكن يملك من الوقت ما يفقدة لعمل اى اصلاحات بها وخد عندك تغيير كبالن وطنابير امامى وخلفى وفتيس اوتوماتيك وقواعد ماتور ومصاريف 7000 ولعلمك العربية فابريقة بالكامل وبعد سنتين بعتها اقل من تمنها 6000 يعنى خساره 13000 علشان السيارة استعمال طبيب

يااااااه
ربنا يكون في عونك !!
وفعلا العربيات اللي مكتوب عليها استعمال طبيب بتبقى أدعى إن الواحد يبعد عنها لأنه أكيد بحكم شغله مش هيبقى فاضي يعملها أي صيانة فبالتالي هتكون عيب مش ميزة في العربية

المشاركة الأصلية كتبت بواسطة m_adeleid

احدي العادات السيئه اللي بننفرد بيها عن باقي الشعوب
الفشخره الفاضيه
العنصريه و التصنيف
انعدام المنطقيه
النتيجه
الاعلان بالطريقه اللي حضرتك بتتكلم عنها دي
تصدق وانا بكتب جه في بالي استعمال برضو حيكون ظريف و يشد المشتري ان العربيه مش متهانه و مش بتتحرك كتير
استعمال قتيل

هههههههههههه
حلوة استعمال قتيل دي
بس ما ممكن الورثة يكونوا مبهدلينها برده عشان مال سايب مش تعبانين فيه فبالتالي هتكون عيب مش ميزة