مساعدة فى فرش النيو صنى

**anona** · 01-11-2012 03:09 PM

شكرا على كل الردود الجميلة واللى فيها احساس اخوى وخوف على مصلحة الجميع
ربنا يديم الحب والود بيننا

**Bishoy.Girgis** · 02-11-2012 12:28 AM

و عايز انصحك نصيحة اخوية و انت بتركب الفرش الاسود طبعا لشياكته متنساش تركب فرش جلد لأرضية العربية بالمرة مدام فيها اطفال و هتلاقي الزبادو و الشيبسي و المياه مغرقة ارضية العربية

**anona** · 02-11-2012 09:03 AM

المشاركة الأصلية كتبت بواسطة peaceman

و عايز انصحك نصيحة اخوية و انت بتركب الفرش الاسود طبعا لشياكته متنساش تركب فرش جلد لأرضية العربية بالمرة مدام فيها اطفال و هتلاقي الزبادو و الشيبسي و المياه مغرقة ارضية العربية

ده فعلا اللى بيحصل

**Ahmed.TV** · 02-11-2012 02:12 PM

لو حضرتك حاجز الex حاول تجيب الفرش الداخلى بيج .. لان الطابلوه حيكون بيج .. وبصراحة فى الطابلوه البيج بيكون راقى اكتر عشان الex كلها فيبر .. والبيج بيكون راقى فيها وبيكسر الشعور ان العربية فقيرة من الداخل .. وكمان حضرتك ممكن الفرش نفسه تركب كسوة وتحافظ عليه .. مع انى مش بحب الكسوة لانها بتبوظ الفوم الداخلى بتاع الكرسى .. فممكن الافضل تركب فرش جلد تفصيل .. وتركب ارضية جلد كمان وتحافظ على العربية من اى شقاوة اطفال .. ولو الفيبر بتاع الابواب اتوسخ .. بيتنظف

اما لو حضرتك حاجة السوبر صالون .. يبقا عليك بالاسود .. لان الاسود مع النواكل جميع ومع العدادت .. وكمان الفيبر قل كتير .. لانها حطوا فرش قماش فى الابواب فبالتالى الاشيك والعملى هو الاسود فى الحالة دى
ومعطى برستيج للعربية من جوة

ودى كانت وجهة نظرى الشخصية
تحياتى

**engamin** · 03-11-2012 09:15 AM

انا معايا exالاسود اشيك لان درجة البيج الموجودة مش اد كده بجانب ان الاسود لما بتسخ بالمقارنة بالاتساخ فى البيج ما بيباقش ظاهر قوى زى البيج

**anona** · 03-11-2012 09:58 AM

المشاركة الأصلية كتبت بواسطة engamin

انا معايا exالاسود اشيك لان درجة البيج الموجودة مش اد كده بجانب ان الاسود لما بتسخ بالمقارنة بالاتساخ فى البيج ما بيباقش ظاهر قوى زى البيج

بارك الله فيك

**dodyam** · 03-11-2012 11:04 AM

المشاركة الأصلية كتبت بواسطة Ahmed.TV

لو حضرتك حاجز الex حاول تجيب الفرش الداخلى بيج .. لان الطابلوه حيكون بيج .. وبصراحة فى الطابلوه البيج بيكون راقى اكتر عشان الex كلها فيبر .. والبيج بيكون راقى فيها وبيكسر الشعور ان العربية فقيرة من الداخل .. وكمان حضرتك ممكن الفرش نفسه تركب كسوة وتحافظ عليه .. مع انى مش بحب الكسوة لانها بتبوظ الفوم الداخلى بتاع الكرسى .. فممكن الافضل تركب فرش جلد تفصيل .. وتركب ارضية جلد كمان وتحافظ على العربية من اى شقاوة اطفال .. ولو الفيبر بتاع الابواب اتوسخ .. بيتنظف

اما لو حضرتك حاجة السوبر صالون .. يبقا عليك بالاسود .. لان الاسود مع النواكل جميع ومع العدادت .. وكمان الفيبر قل كتير .. لانها حطوا فرش قماش فى الابواب فبالتالى الاشيك والعملى هو الاسود فى الحالة دى
ومعطى برستيج للعربية من جوة

ودى كانت وجهة نظرى الشخصية
تحياتى

أحمد باشا فى الـ Ex الفرش الداخلى بيج و الطابلوه رمادى فاتح لكن السوبر صالون ما شوفتهاش بصراحة خالص و كل كلامى قبل كده كان على الـ Ex