easytronic

**wgdaif123** · 09-07-2008 04:53 PM

أنا جربتها بسرعة حسيت أنها كويسة مش للدرجة دى , بس أنا بسأل اللى عندهم من فترة أيه الأخبار بعد سنة أستعمال مثلا هل المشكلة دى بتزيد ولا بتقل .
على العموم شكرا ليكم ياجماعة أنا هتوكل على الله و أشتريها و اللى فيه الخير ربنا يعملة .

**Mzeid** · 09-07-2008 04:56 PM

هو حضرتك ناوي تشتري أسترا و لا فيكترا ..
:):)

**Ahmed Samy** · 09-07-2008 04:57 PM

الف الف مبروك مقدما
اختيار موفق ان شاء الله

**wgdaif123** · 09-07-2008 08:03 PM

أنا حجزت أسترا أستيشن و على بركة الله

**Ahmad Allawy** · 09-07-2008 08:09 PM

المشاركة الأصلية كتبت بواسطة wgdaif123

أنا جربتها بسرعة حسيت أنها كويسة مش للدرجة دى , بس أنا بسأل اللى عندهم من فترة أيه الأخبار بعد سنة أستعمال مثلا هل المشكلة دى بتزيد ولا بتقل .
على العموم شكرا ليكم ياجماعة أنا هتوكل على الله و أشتريها و اللى فيه الخير ربنا يعملة .

يا باشا المشكلة ولا بتويد ولا بتقل..
النقطة كملها ان بعد سنة.. هتحس ان مفيش مشكلة اصلا..
بس لسبب واحد..
انك هتكون اتعودت علي العربية.. و مش هتحس باي حاجة..
وعموما.. اللي مش عاجباه العربية بالفتيس ده.. (اقصد جربها و معجبتوش)
يبقي البديل المناسب ليها البيجو.. ال307,, و اللي عايزها يلحقها عشان بتخلص..

و الف مبروك عليك العربية ان شاء الله..
ربنا يحفظهالك و يكفيك شرها و يباركلك فيها..
و في الانتظاؤ.. إنضمام سعاتك لينا هنا في اسرة اوبل..

**Mzeid** · 09-07-2008 08:11 PM

1000 مبروك مقدماَ ..
:):)

**wgdaif123** · 10-07-2008 09:16 AM

أشكركم جميعا على حسن تعاونكم معايا على أتخاذ القرار و أول ما هستلم العربية هنضم معاكم و أقولكم أخبارها أيه .

**Mustafa_Farouk** · 10-07-2008 09:28 AM

المشاركة الأصلية كتبت بواسطة wgdaif123

أشكركم جميعا على حسن تعاونكم معايا على أتخاذ القرار و أول ما هستلم العربية هنضم معاكم و أقولكم أخبارها أيه .

أنا مش عارف أزود إيه على الاشخاص الحلوين اللي ردو عليك، تقريباً كل الكلام مظبوط.
١٠٠٠ مبروك وربنا يحميك، بجد لو عايز تجربها، أنا معاك، ارسلي على الخاص، أصل دول زيادة عن ..... ألف جم.

**okokok** · 12-10-2008 02:52 PM

انا كان معايا لانسر اوتوماتيك وغيرت ل فيكترا - فرق كبير فى السحب فى السرعات المنخفضة وجوة البلد لصلاح الانسر- غيرت السوفتوار فى التوكيل والوضع اتحسن شوية لكن النتشة موجودة لسة ... طبعا العربية على السريع شديدة جدا وثابتة جدا احسن كتير من الانسر و 190 كم/ساعة توصلها بسهولة لكن لو كان الزمن يرجع ماجبهاش تانى واشوف بديل يكون اوتوماتيك عادى زى الجيتا او الباسات