الي الاخوه المتزوجون: العيال هتجنني و اريد حلول

**Ahmed_Adham** · 01-11-2012 12:10 PM

بالنسبه للنوم. متخليهوش ينام فى الوقت اللي هوه عايز ينام فيه عشان تخليه ينام في الوقت اللي انت عايزه ينام فيه.

**ahmedeihab** · 01-11-2012 12:42 PM

ربنا معاك يارب

و على فكره الخلفه مفيش احسن منها

و كل الناس على هذا المنوال مش انت لوحدك

^_^

**msobhy** · 01-11-2012 12:52 PM

بص حضرتك انا هاكرر كلمة الاعضاء ان كلنا هذا الرجل
احب اضيف ملحوظه رفيعه كده على السريع
انا عندى ولدين 4 سنوات و 5 سنوات
مش هاقول هما بيعملوا ايه لكن أول يوم ليهم فى المدرسه واحنا رايحين نجيبهم عادى زى بقيت الناس
مدرسة الفصل بتاعهم أول لما شافتين باللفظ كده
هو انت والد مروان وحسام ------ بمنتهى البلاهه رديت - أيوه
الست (اللى هيه المدرسه) الله يكون فى عونكم - هو انتوا مستحملينهم ازاى
مشرفة الدور نفس الجمله بالظبط لا زادت حرف ولا قلت حرف
تانى يوم مدرسه (والرجاله بدءت تتعود على المدرسه بقى) المدرسه جابت مراتى تقريبا من قفها وهيه ماشيه وبمنتهى العصبيه قالت لها
هو انتى لما بتحبى تسكتى عيالك بتعملى ايه
اليوم الثالث (وربنا المدرسه بتستننا زى ما نكون حراميه) يا استاذ حرام عليك اللى بتعلمه لأبنك ده - الولد عمال يضرب الاطفال ولما بكلمه بيزعق لى ويقولى بابا قال كده (ابن الفتانه)
اليوم الرابع .......... اروح اخد دوا الضغط وارجع اكملك

**aif** · 01-11-2012 12:57 PM

يا باشا احنا الكبار لنا نظرة مختلفة عن الطفل
بينما نحن ننظر لصدر المرأة انه عورة وذو ايحاء جنسي وما الى ذلك
الطفل يراه المكان الذي يستمد منه الغذاء والحنان من امه
واكيد بعد الفطام يظل بداخله حنين لصدر امه
وهو اكيد مش فاهم ليه امه منعته من الرضاعة من صدرها وفي نظره انها منعته من حبها وحنانها
علشان كدة لما بيشوف اي امرأة اخري بتلاطفه او تلعب معاه في هذه المرحلة بيحاول يجد عندها ما فقده عند أمه ... عشان كدة بيتجه مباشرة نحو صدرها محاولا تعويض ما حرمته امه منه
...
انا شايف تصرفه في هذا العمر منطقي وطبيعي وليس به اي شيء غريب او شاذ
والفطام زي ما هو ضروري للطفل لكنه شيء صعب ولا يخلو من القسوة .... لكنه لابد منه كما ذكرت
......
اما موضوع النوم ده هو الطبيعي بتاع الاطفال
حاول بدل ادوية الحساسية تخليه يلعب ويبذل مجهود جثماني كتير يفرغ الطاقة اللي عنده الاطفال لازم يجرو في البيت ويلعبو ويروحو نادي وحضانة لتفريغ طاقتهم
ربنا يخليهملك ويباركلك فيهم
....
عرفت بقى انت كنت بتعذب والدك ووالدتك قد ايه وانت صغير ؟؟؟
:-)

**احمد المصرى** · 01-11-2012 01:34 PM

دا المشكله مشكله جيل بحاله مش انا لوحدى

**msobhy** · 01-11-2012 01:49 PM

روح يا عم ربنا يسامحكوا - قلبتوا علينا المواجع

**shaddadfalcon1** · 01-11-2012 04:45 PM

المشاركة الأصلية كتبت بواسطة tamer_a7

ههههههههههههههه انت مش متخيل كميه الضحك اللي انا ضحكتها بدايه من اول الموضوع لغايه الاخر
يا باشا دا انت عايش معايا في البيت انا عندي كريم واحمد 5.5 و 3
دا حضرتك انا والمدام خلاص اخوات ههههههههههههههه
انا بقي عندي احمد معتبرني الاب الروحي بتاعه يعني سيدتك حاجه لازقه فيه والله لدرجه انه لما يجي ينام ينام في حجري ويرفض ينام علي السرير وما يتحطش علي السرير غير لما يروح في النوم تماما
انا ما بعرفش افتح لاب ولا حتي ايباد لان ايده سبقاني في كل حاجه حتي يا ربي الموس التاتش بتاع الاب عرفه وايديه علي طول طلقه عليه
بص موضوع النوم دا حله في الحضانه هيه اللي هتظبط نومه لانه هيبذل مجهود كبير جدا جري ولعب وكمان صحيان بدري
وربنا معانا جميعا ههههههههههه دا احنا طلعنا في الهوا سوا كلنا هههههههههههه

انا قررت اعيش لوحدي :)
قاعد في اوضتي معايا لابتوبي ومريح دماغي وهما يضربو ويقلبو الدنيا بره

ياعم ده الواد عايزني انا اللي احميه وانا اللي البسه وانا للي عدم اللامؤاخذه بغسله لما يعمل حمام
يصحي بالليل يفضل يعيط بالساعه وامه تسكت فيه وده فاتح السرينه اقوم انا واخده في حضني يقوم نايم وطبعا المودام ماصدقت واول مايقول واء تقوم غزاني في جنبي وتقولي قوم سكته عشان مش هيسكت معايا

**BESO516** · 01-11-2012 05:34 PM

ايه الرجوله المشرده دى

انتو كل شويه تطلعوا بموضوع تخلونى افكر افركش خطوبتى وبأذن الله يحصل
الواحد عنده24 سنه يلحق يعيشلو يومين قبل الهم اللى انتو بتحكوا فيه ده (: ربنا معاكوا

-

-

الموضوع: الي الاخوه المتزوجون: العيال هتجنني و اريد حلول

LinkBack

أدوات الموضوع

عرض

-

-

-

-

-

-

المواضيع المتشابهه

ممكن تقع في الموقف دا(المتزوجون)

فضفضه للاخوه المتزوجون و غير المتزوجون

سؤال إلى السادة المتزوجون ؟

سؤال الى الاخوه المتزوجون

نكت على المتزوجون - جامدة وتحدي

الكلمات الدلالية لهذا الموضوع

المفضلات

المفضلات

ضوابط المشاركة