الموضوع: الي الاخوه المتزوجون: العيال هتجنني و اريد حلول

محمد الكبير الحمد لله هادي لكن لو واخد عين محترمه الاقيه بقي نرفزه وصوت عالي بغباء ومفيش اكل ويتهته وعلي اقل حاجه يفضل يصرخ ويرمي في اي حاجه زي المجنون وانا اقصد فعلا مجنون يعني مجنون وببقي ساعتها عايز اخنقه بايدي بس بقول جايز تعبان وافضل اهدي فيه لحد مايهدي

التاني ده بقي باااااااااااااااااااااااا ااارد عيل سقيل ورخم موووووت ومش بيحس لدرجة اني ساعات بتنرفذ عليه واقوم لاطشه بالقلم لدرجة ان كف ايدي والله العظيم بيوجعني وسعات بيعيط وفي الغالب يبص ويضحك كانه بيقولي موجعتنيش

اكتر حاجه مقفرفه فيه هي المياه
عنده اعقده من اي قزازة مياه مقفوله لازم يفتحها ويكبها علي الأرض ولسه من ساعتين كابب قزازة المياه علي المرتبه اللي بنام عليها واخر مره كان قزازة المياه اللي بسيبها في العربيه كبها علي الكرسي

نسيت اقولك انهم تقريبا خلوني بنام في اوضة لوحدي من اكتر من سنه

يعني بقينا خوات رسمي ههههههههههه

عموما احمد ربنا انك قضيت فتره من غيره خلفه وعشت حياتك شويه
انا دخلت علي الجواز علي خلفه علي طول
من اول شهر لما محصلش خلفه لقيت امي وامها هيموتو من القلق وكان نفسي ااجل الخلفه بس محدش كان موافق خالص غير اني كنت عايش في بيت عيله فلك ان تتخيل المشاكل والقرف

يعني من اول الجواز تقريبا مشفتش يوم عدل والحمد لله العيال بتكمل عليا

المشاركة الأصلية كتبت بواسطة maheralsisi

يا باشا كلنا هذا الرجل بس يظهر انت اللي جديد
و انت فاكر أنهم لما يكبروا حالك هايتعدل ؟؟؟؟ أبقى قابلني
ده انت لسة ماشوفتش حاجة لما حد بالعيال يتعلق بحد فيكم و يغير عليه من الطرف الثاني
و بس لو ندهت تبقي عملت جريمة
انا عندي ابني 3.5 لو ندهت بس علي والده الاقي وشه قلب عاوز اييييييه
و لا بنتي 7 سنين لو والدتها احتاجت مني حاجة ضررررة
انت كده في المرحلة الأولى
المرحلة الثانية عصبية بلا حدود و بلا داعي و خناقات علي اقل حاجة منكم انتم الاتنين
المرحلة الثالثة صمت و خرس زوجي
المرحلة الرابعة البحث عن متنفس خارج البيت (ماتفهمنيش غلط ) انا أقصد انك تنضم لينا منتدى أزواج و لكن عزاب
و لينا فرعين فرع في المؤسسة
و فرع في فيصل
(دي قهاوي علي فكرة عشان برضه ماحدش يفهمني غلط )
و عموما اوعي الشيطان يضحك عليك و يخليك تفكر تتجوز تاني اذا كنا مش سالكين بواحدة هانعمل ايه في اتنين !!!!
اعمل اي حاجة الا الجواز الثاني. اي حاجة (مش عارف ليه مصممين تفهموني غلط )
نياهاهاهاها
نياهاهاهاها

الله يبشرك يا فندم و لكن لا يوجد بيني و بين زوجتي اي خناقات و لا عصبيه و لا خرس و لا اي شئ من هذا القبيل بالعكس احنا بنخرج مره كل اسبوع و بنتكلم باستمرار و الحمد لله و انا اصلا لا استطيع ان اتزوج مره اخري عشان "مروحش اللومان" المشكله فقط في الاولاد فقط لا غير

المشاركة الأصلية كتبت بواسطة AHMEDCAR

احب اقولك انا امبارح كنت هضرب الواد بالسكينه من نرفزتى اه و الله زى ماتقول الشيطان لعب فى دماغى انى اغزه و هو مش هيحس بحاجه علشان اخلص من زنه

صلي علي النبي و استعيذ من الشيطان الرجيم

المشاركة الأصلية كتبت بواسطة Ahmed A.Maksoud

يا باشا أنت فهمتني غلط فى موضوع فرق السن

أنا قصدي فرق السن بين أولادك و بعض فرق قليل شوية مخليك حاسس بالموضوع بزيادة

يعنى مثلاً لو كان الفرق 3 سنين بين الأتنين كنت هتلاقي الصغير على ما يكمل سنة يكون الكبير عنده 4 سنين و بدأ يفهم شوية..........فكنت هتاخد العلقة دى على جرعتين

أنت دلوقتي بتاخد العلقة جرعة واحدة مكثفة :)

اه فهمت بس الجرعه بقت overdose علي الاخر

المشاركة الأصلية كتبت بواسطة sanhory

احنا ناسيين حاجة مهمة جدا

اننا نقول الحمد لله غيرنا مش لاقي يتجوز و غيرنا مستعد يبيع اللي وراه واللي قدامه عشان حتت عيل

نقول الحمد لله يا جماعة , بعد كده نشتم فيهم براحتنا نيههههههها

الحمد لله علي كل شئ و علي كل حال

المشاركة الأصلية كتبت بواسطة tifa55555

والله يا باشا موضوعك موتنى من الضحك لأنه بيعبر عن حالنا جميعا وبعدين زى ما الاخوه قالو انت لسه شوفت حاجه
لسه التقيل جاى بس انا عندى كام ملحوظه احب انبهك ليهم
اولا اياك انك تسيبهم عند جدهم او جدتهم لان ده حيبوظ العيال اكتر واكتر لان العيل بتكون كل طلباته مجابه لأن الحفيد بيبقى حاجه غاليه اوى عند الجد وكمان الجد مش بيدور على ناحية تربيويه ولا حاجه كل اللى يهمه انه يسعد حفيده وبالتالى حتتعب اوى مع العيال علشان ترجعهم زى الاول اللى هو مش عاجبك دلوقتى انا لا اترك الاولاد لاي شخص اي كان الا في اضيق الحدود

ثانيا ان كل دواء الحساسيه بيعمل حاجه من اتنين يا اما يهدى الطفل يا اما يزيد من عصبيته وده كلام الدكاتره لا هم غير عصبيين اطلاقا بس المشكله في موضوع النوم ده

ثالثا لحل مشكلة النوم دى لازم العيال يصحوا بدرى معاك الصبح ومايناموش ابدا ابدا ابدا بالنهار
بالشكل ده حيكونوا مهيئين انهم ينامو بالليل بس لازم انت تهيىء ليهم الجو المناسب للنوم يعنى تطفى النور والتليفزيون والجو يبقى سكون حتلاقيهم ناموا على طول وبعدين عيش انت بقى
ده لو انت مانمتش قبليهم علشان الجو ده اكيد حيخليك تنام لانك صاحى معاهم وتعبان فى الشغل هههههههههه

بيناموا علي 12 تقريبا و بتلاقيهم فوق دماغنا من قبل 6 الصبح لما حاجه تجيب الشلل

المشاركة الأصلية كتبت بواسطة shaddadfalcon1

محمد الكبير الحمد لله هادي لكن لو واخد عين محترمه الاقيه بقي نرفزه وصوت عالي بغباء ومفيش اكل ويتهته وعلي اقل حاجه يفضل يصرخ ويرمي في اي حاجه زي المجنون وانا اقصد فعلا مجنون يعني مجنون وببقي ساعتها عايز اخنقه بايدي بس بقول جايز تعبان وافضل اهدي فيه لحد مايهدي الولد شكلي هيطلع عصبي جدا

التاني ده بقي باااااااااااااااااااااااا ااارد عيل سقيل ورخم موووووت ومش بيحس لدرجة اني ساعات بتنرفذ عليه واقوم لاطشه بالقلم لدرجة ان كف ايدي والله العظيم بيوجعني وسعات بيعيط وفي الغالب يبص ويضحك كانه بيقولي موجعتنيش ربنا يصبرنا جميعا لان بنتي بدأت تمشي في هذا الطريق بس الموضوع مش مستاهل ضرب اصلا

اكتر حاجه مقفرفه فيه هي المياه
عنده اعقده من اي قزازة مياه مقفوله لازم يفتحها ويكبها علي الأرض ولسه من ساعتين كابب قزازة المياه علي المرتبه اللي بنام عليها واخر مره كان قزازة المياه اللي بسيبها في العربيه كبها علي الكرسي هاهاهاهاهاها انا بنتي عندها هوايه "دلق الميه علي جوه هدومها عمدا" و لك ان تتخيل لما تكون في مكان عام (عيال ولاد تيت)

نسيت اقولك انهم تقريبا خلوني بنام في اوضة لوحدي من اكتر من سنه هاهاهاها ليه بجد ؟ انا بنام في غرفتي بشكل طبيعي و معود الاولاد علي النوم في غرفتهم و مفيش حاجه اسمها يناموا معانا الا فيما ندر

يعني بقينا خوات رسمي ههههههههههه

عموما احمد ربنا انك قضيت فتره من غيره خلفه وعشت حياتك شويه قضيت 5 سنين زي الفل
انا دخلت علي الجواز علي خلفه علي طول
من اول شهر لما محصلش خلفه لقيت امي وامها هيموتو من القلق وكان نفسي ااجل الخلفه بس محدش كان موافق خالص غير اني كنت عايش في بيت عيله فلك ان تتخيل المشاكل والقرف

يعني من اول الجواز تقريبا مشفتش يوم عدل والحمد لله العيال بتكمل عليا

sorry معلش بس كله في ميزان حسناتك و ارجع و اقولك انك غلطان ان رضيت بتدخل والدتك و والدتها في هذا الامر و اضعف الايمان كنت تعيش في شقه ايجار و خلاص