حاولت أجيب معلومات عن DS5 من الموقع بتاع مصر وملقيتش تفاصيل قمت امبارح رحت اتفرج عليها فى المعرض بتاع عز العرب اللي على الصحراوى ومليقتهاش معروضه وسألت واحد هناك قالي انها مش موجوده عشان مش بتقعد. طب انتو ازاي تبيعو العربيه المعروضه والزباين متعرفش تشوفها؟ قالي زبون كان مستعجل على الاستلام وخدها. طب مانتو محدش هيشتري منكو الا لما يتفرج وكده هتأخرو البيع لحد ما تجيبو منها تاني!

المهم قلتله طب عايز بروشور قالي خلص! قلتله ولا حتى PDF? قالي اديني ايميلك وهبعتهولك كمان ساعتين. يادوب لقيت ستاند متعلق وعليه ورقه فيها المواصفات فصورته بالموبايل لحد ما أشوف البروشور.

صوره المواصفات أهي - هيه كبيره شويتين بس لما تعمل زووم هتبقى واضحه



وطبعا ولا جالي ايميل بالبروشور ولا حاجه ! يا جماعه المفروض بما ان مفيش ثقه فى ستروين في مصر وعربياتهم مش منتشره يبقى لازم يكسبو ثقه الناس بالتعامل الكويس والاهتمام عشان يبيعو ويعملو سوق. لما الواحد لسه مدفعش الفلوس ومفيش اهتمام كده امال لما يدفع ويدبس هيعملو فيه ايه؟


المهم أنا دخلت على اليوتيوب ولقيت فيديوهات جميله ليها أكيد هتعجبكو زي ما عجبتني

2013 Citroen DS5 Hybrid Exterior Walkaround - 2012 Paris Auto Show - 2012 Mondial de l'Automobile - YouTube

2013 Citroen DS5 Hybrid - Exterior and Interior Walkaround - 2012 Paris Auto Show - YouTube

وده اعلان تليفزيوني للعربيه

Citroën DS5 Promo: "It Drove From Outer Space" - YouTube