الموضوع: فيديوهات تحفه ستروين ds5

على فكره انا اتصلت النهارده من ساعتين بالكول سنتر بتاع عز العرب وحكيتلهم الموضوع وخدو ايميلي وقالولي هنبعتلك البروشور دلوقتي ولسه مفيش حاجه وصلت. زي ما يكون مفيش بروشور من أساسه ولا ايه!

حضرتك زعلان عشان لقيت ال brochure خلصان و عملتله request و مردوش عليك
ده فيه شركات بتبيع العربية من غير كتالوج مش brochure دعاية !!!!!!!

بالنسبة لعرض العربية ,لو جالك واحد هيدفع ربع مليون جنيه أو أكتر كمان
مش هتديهاله ؟؟!!

انا بفكر بجدية ابيع السوبارو واشترى ds 5 بس نفسى اعرف ادنى خلوص ارضى للسيارة. دخت فى النت وفشلت فى معرفته. السوبارو عقدتنى فى المطبات خصوصا لو الاسرة معايا.

المشاركة الأصلية كتبت بواسطة fathy72

انا بفكر بجدية ابيع السوبارو واشترى ds 5 بس نفسى اعرف ادنى خلوص ارضى للسيارة. دخت فى النت وفشلت فى معرفته. السوبارو عقدتنى فى المطبات خصوصا لو الاسرة معايا.

هدور لحضرتك و إن شاء الله الاقيها :)

@ahmed-adham

حضرتك فيه صور كتير للنسخة المصرية موجودة على ال page بتاعت citroen على ال FB

https://www.facebook.com/media/set/?...3937762&type=3

والمواصفات مع حضرتك

ممكن تبص عليهم لحد مايبعتوا ال brochure
و لو حابب ممكن أبعت لحضرتك brochure بس بتاع UK

المشاركة الأصلية كتبت بواسطة ahmed-adel

حضرتك زعلان عشان لقيت ال brochure خلصان و عملتله request و مردوش عليك
ده فيه شركات بتبيع العربية من غير كتالوج مش brochure دعاية !!!!!!!

العربيات اللي بتقول عليها دي ممكن تكون مغرقه الشارع والناس هارساها ولو سألت عن أي حاجه تخصها هتلاقي 100 واحد يرد عليك لكن انا بتكلم عن عربيه لسه نازله جديد ومن شركه مش بتبيع كتير وبالتالي محتاج مجهود أكتر عشان أخد قرار الشرا وأنا رايح أشوفها مخصوص عشان اتقدم خطوه فى القرار ده لكن في ال 48 ساعه الاخيره رجعت خطوتين لورا.

بالنسبة لعرض العربية ,لو جالك واحد هيدفع ربع مليون جنيه أو أكتر كمان
مش هتديهاله ؟؟!!

لاء الصح ان أنا ادفع الربع مليون وأكتر وأنا مش عارف انا هاخد ايه بالظبط؟ طب دانا افتكرت حاجه كمان. بقول للبياع هوه الفرق ايه بين ال 245 ألف وال 285 الف قالي مش هقدر اقولك عشان الحاجات دي بتتغير في كل دفعه بتنزل! طب أعرف ازاي ان كنت أنا محتاج ال 245 ولا ال 285؟ ولا أسيب 285 عندهم احتياطي لحد ما يجيبولي العربيه وبعدين أقرر؟

وعلى فكره لو سألت أي حد اشتل في مجال المبيعات هيقولك ان بيع القطعه المعروضه اكبر خطأ لأنه بيوقف بيع الحاجه دي لحد ما الستوك يرجع تاني وفي نفس الوقت بيع القطعه المعروضه بيبقى حاجه هايله للمبيعات لو المنتج Discontinued مش هييجي منه تاني.

المشاركة الأصلية كتبت بواسطة ahmed-adel

@ahmed-adham

حضرتك فيه صور كتير للنسخة المصرية موجودة على ال page بتاعت citroen على ال fb

https://www.facebook.com/media/set/?...3937762&type=3

والمواصفات مع حضرتك

ممكن تبص عليهم لحد مايبعتوا ال brochure
و لو حابب ممكن أبعت لحضرتك brochure بس بتاع uk

الصور دي بيجيبوها من الشركه الام ومش بالضروره اللي يبقى فيها يكون هوه اللي بييجي مصر ومش هعرف ده فى اللي ب 245 ولا 285. وبروشورات الدول التانيه نفس النظام.

أنا مش هقولك أنا طلعت العربيه دي من حساباتي عشان الموقف ده بس بالتأكيد نسبه اقدامي عليها قلت شويه. وعلى فكره أنا لحد دلوقتي طلبت البروشور مرتين لكن شكلهم كدا أول ما بتقفل معاهم او تمشي من قدامهم بيقلبو على اللي بعدك.

انا كنت بفكر فى ال x1 من فتره ورحت اتفرجت والبياع قابلني كويس جدا وجاب البروشور من نفسه واتكلم معايا فى المواصفات وفي الاخر كتبلي اسمه ورقمه على البروشور وخد رقمي وبعد يومين كلمني وقالي لى حبيت تسألني فى أى حاجه متترددش وفي الوقت ده سيفت نمرته عندى وقلت لو يوم جبت العربيه هيكون عن طريقه.

أما الكارينز فمليش تجربه فى الفرجه عليها لأني شوفتها بالصدفه قمت رايح على البنك ساحب الفلوس وراجع مستلمها وياريت متضحكش