المراية الشمال للفنتازيا إتسرقت كلها ومحتاج مشورتكم ضروري

**شاهين - بنز** · 02-11-2012 11:36 AM

قدر الله وما شاء فعل واحسبها ان لا قدر الله جات فى حاجه كبيره كنت حتعمل ايه ده ممكن يهون عليك شويه.
رجاء الى الاعضاء مالكى فانتازيا مساعدتك لان ده موقف ممكن اى حد فينا يتعرضله و ربنا معاك

ربنا يخليك وأنا إللي مهونها عليا شوية إن العربية لسه فابريكة

قل اللهم أجرني في مصيبتي وأخلف لي خيراً منها.

شوف يا سيدي الفاضل..المراية الشمال دي كفة المرايا بتاعتها مش عادية..لأنها بتبقي aspheric mirror و auto dimming يعني محلله للضوء..وكفة المرايا دي لوحدها غيرتها في عربيتي المرسيدس بـ 2600 جنيه..عشان كده سعر المرايا 5200 جنيه عندك..والتيواني بتبقي كفة المرايا عادية مش كده عشان كده سعرها رخيص.
أمامك حلين :-

- لو عامل تأمين علي العربية ممكن تغيرها علي حساب التأمين.
- أو إنك تشتريها إستيراد وترشها بلون العربية وهتعمل معاك وفرة حوالي 2000 جنيه من تمنها جديد.

تحياتي.

شكرا ياأستاذ إنسبايرون بس حضرتك متأكد إن التياوني مفهياش تعتيم لإني سألت المحل وأكدت عليه على موضوع التعتيم قالي زي الأصلية بالضبط

الحمد لله علي كل حال
قدر الله وماشاء فعل
وحسبنا الله ونعم والوكيل في اللي سرق
اعتقد ان من الافضل تروح للتوكيل وان كانت التكلفه اعلي
ده رقم تليفون الاستاذ ياسر نصر(01222645925) مسؤل مبيعات بمركز خدمه غمره(دير الملاك)
راجل محترم وخدوم اساله عن كل حاجه( التكلفه وموضوع الضمان )وبعد كده خد قرارك.
ربنا يعوض عليك بالحلال ويباركلك في عربيتك

متشكر جدا ياأستاذ ماهر

**inspiron** · 03-11-2012 02:05 PM

المشاركة الأصلية كتبت بواسطة شاهين - بنز

ربنا يخليك وأنا إللي مهونها عليا شوية إن العربية لسه فابريكة

شكرا ياأستاذ إنسبايرون بس حضرتك متأكد إن التياوني مفهياش تعتيم لإني سألت المحل وأكدت عليه على موضوع التعتيم قالي زي الأصلية بالضبط

متشكر جدا ياأستاذ ماهر

اللي أعرفه إنها مفيهاش التعتيم زي الأصلية..لأن ده أغلي حاجة فيها

**mazher_m** · 04-11-2012 12:22 AM

الحمدلله علي كل حال
وربنا يعوض عليك بالحلال

**UndEr_GrOuNd** · 04-11-2012 12:40 AM

ربنا يسترها وما تتسرقش تاني.
ويعوض عليك. ....

بس هو سرقها كلها ازاي. دي بتبقى مربوطة بمسامير من جوه وشغلانه. ولا هو كسرها كلها. ولا اخد كفة الازاز بس ؟؟؟؟؟؟

**dozo** · 04-11-2012 12:46 AM

المشاركة الأصلية كتبت بواسطة شاهين - بنز

الحمد لله بعد لف في الحرفيين لقيت آخر سعر إستيراد ليها 2700 جنيه
ورحت إنهاردة مركز دير الملاك وطلعت ب 3700 جنيه وتركيب ورش ب 160
(مش 5200 زي ماواحد غبي بتاع مركز متعمد قالي معرفش ألفلي السعر ده منين)
وقررت أعملها في التوكيل لإن فرق السعر بينها وبين الإستيراد ميستاهلش إني أجازف بحاجة مستعملة وطبعا فكست للتياواني وأن إن شاء الله حعملها في التوكيل بكره أو بعده
ومتشكر قوي ياجماعة

ونداء للحرامي لو شفتك بتقرب للعربية تاني أقسم بالله رقبتك مش حتكفيني يابن الحرام

ههههههههههه لو شفت الحرامى هاتو المنتدى و كل واحد فينا يفش غله فيه
الحمد لله انك لقيت المرايه بسعر كويس و حاول تركنها فى جراج و ربنا هو الحارس

**شاهين - بنز** · 04-11-2012 11:13 PM

الحمدلله علي كل حال
وربنا يعوض عليك بالحلال

ربنا يخليك

ربنا يسترها وما تتسرقش تاني.
ويعوض عليك. ....

بس هو سرقها كلها ازاي. دي بتبقى مربوطة بمسامير من جوه وشغلانه. ولا هو كسرها كلها. ولا اخد كفة الازاز بس ؟؟؟؟؟؟

ربنا يكرمك هو كسرها زي ما في الصورة وبعدين قطع السلك بكتر يعيني لو حب يبعها مش حتجيبله 500 جنيه بس واضح إن كسرها كان صعب لإنه مالحقش ياخد المراية اليمين الحمد لله
ولسه شايف بي إم 318 2012 إمبارح شايلين مراياته الإتنين بنفس طريقتي يعني حيكعله بتاع 15 باكو وربنا يسترها علينا جميعا

ههههههههههه لو شفت الحرامى هاتو المنتدى و كل واحد فينا يفش غله فيه
الحمد لله انك لقيت المرايه بسعر كويس و حاول تركنها فى جراج و ربنا هو الحارس

نفسي والله أقفش حرامي من إللي بيسرقوني دول بالذات في موضوع العربيات ده الواحد إتهرى سرقة وماشاء الله موجودين في أي مكان وتحت أي ظرف حتى لو ركنتها قدام قسم شرطة برضه مش بعيد تتسرق
دنا مرة طلعت من العربية ونسيت أقفل اللوك ونزلت بعدها بساعة من اليبت لقيت الجاكيت مسروق من العربية وكانت ساعتها الساعة 8 بليل في شارع إحسان عبدالقدوس !!

**ashraf_hamed** · 05-11-2012 10:48 PM

طيب شوف مركز الاقصى فى شارع جمال عبد الناصر بالحرفين وهو تابع لمركز الاقصى الى فى المعادى وهو عنده ارخص الاسعار وانا شخصيا جربته فى اكثر من حاجه منها غطاء المرايا ز كان موجود فى شارع دمشق من 600 الى 1100 الغطاء مع الاشاره كان صينى زباله ولما اشتريته من الاقصى الاصلى مع الاشاره ب 390 جنيه لو امكن تروح وتسئل ومش هتخصر