الموتور صوتوه غريب ولمبة الزيت بتعلق

**LinuxMan** · 02-11-2012 09:41 AM

السلام عليكم ورحمة الله
من ساعة ما استلمت العربية من السمكري وهي مش طبيعية .. وانا ماشي بيها احيانا صوت الموتور بيتغير ولمبة الزيت تنور .. اطفي واسيبها تهدي ربع ساعة واقيس الزيت الاقيه تمام امشي بيها عادي
لكن من يومين عملت حاجه اغرب .... خرجت بيها اصبح كالمعتاد وكانت عادية وبعدين وانا مروح بليل جيت ادور لقيت صوت الموتور بقي غريب جدا ولمبة الزيت مطفتش قمت بطلتها تاني وشيلت المفتاح فضلت شغاله فتحت الكبوت لقيت دخانه بسيطة اوي اوي من اوشاط البطارية وكان سخن جداا جدا .
فكيت سلك البطارية وغطتها ومشيت
هو ايه اللي حصل ده .. مع ان السمكري كان شغله في الابواب والرفارف والاكصدامات بس

**sanhory** · 02-11-2012 09:48 AM

دي في الغالب طرمبة الزيت باظت , خلي بالك لحسن الموتور يبوظ

**olver** · 02-11-2012 11:07 AM

المشاركة الأصلية كتبت بواسطة sanhory

دي في الغالب طرمبة الزيت باظت , خلي بالك لحسن الموتور يبوظ

ده نفس رائى فالاغلب ده طرمبه الزيت و ياريت متمشيش بيها الا لما ميكانيكى متخصص فورد يشوفهالك و لو طرمبه مش هتلاحظ اى مشاكل فنقصان الزيت فخلى بالك و انشاء الله خير

**LinuxMan** · 02-11-2012 01:10 PM

جزاكم الله خيرا
انا كنت شاكك فيها برده بس واحد قالي طالما الزيت بينقص اثناء دوران الموتور يبقي الطلمبة سليمة والعيب في اللمبه .. عامة انا هروح لميكانيكي انهاردة ان شاء الله بس المهم انا عايز اعرف ايه علاقة الطرمبة بان قشاط البطارية يسخن اوي كده لدرجة يطلع دخانه بسيطة وريحة شياط

**olver** · 02-11-2012 01:16 PM

المشاركة الأصلية كتبت بواسطة linuxman

جزاكم الله خيرا
انا كنت شاكك فيها برده بس واحد قالي طالما الزيت بينقص اثناء دوران الموتور يبقي الطلمبة سليمة والعيب في اللمبه .. عامة انا هروح لميكانيكي انهاردة ان شاء الله بس المهم انا عايز اعرف ايه علاقة الطرمبة بان قشاط البطارية يسخن اوي كده لدرجة يطلع دخانه بسيطة وريحة شياط

تصدق حضرتك انا من ساعت مرديت عليك و انا عمال اقول طيب وموضوع البطاريه ده
لما القشاط يسخن اوى كده و يبقى فيه شياط يبقى انتى عندك سلك سايح او فيه قفله عامله شورط على البطاريه و احساس كده ان المشكله فى المارش و ده كان حصل معايا فى 131 الله يرحمها نفس العيب بالشياط ده فاطمن الاول على الميكانيكا واطلع على كهربائى

**sanhory** · 02-11-2012 03:58 PM

في الغالب قصة القشاط دي مشكلة تانية تصادفت مع مشكلة الزيت و الموتور لكن ملعمش علاقة ببعض , ممكن السمكري يكون كان فك البطارية و مركبهاش كويس

**a_ali** · 13-11-2012 01:18 AM

من غير اي تفكير لازم تشوف كهربائي نظيف تبص ع العربيه في الكهرباء من الاول للاخر علشان اهم حاجه في العربيه دي الكهرباء خاصه لو العربيه سخنت شويه لازم تشيك ع الفيش كلها وحصلت معايه غيرت النجيكشن كله بسبب فيشه فيها مشكله بسيطه فلابد من الاهتمام بالكهرباء الاول بعد كده تكمل ع الميكانيكا

**LinuxMan** · 24-11-2012 07:54 AM

شكرا لردكم جميعا
انا لفيت علي كذا كهربائئ وبصراحه مش مقتنع بكلام اي حد فيهم

نهاية الموضوع : المشكلة اتحلت ومش عارف من ايه وصوت الموتور رجع طبيعي ولمبة الزيت مبقتش تعلق

**mido51eg** · 25-11-2012 09:57 AM

المشاركة الأصلية كتبت بواسطة linuxman

شكرا لردكم جميعا
انا لفيت علي كذا كهربائئ وبصراحه مش مقتنع بكلام اي حد فيهم

نهاية الموضوع : المشكلة اتحلت ومش عارف من ايه وصوت الموتور رجع طبيعي ولمبة الزيت مبقتش تعلق

المشكلة اتحلت لوحدها ؟