الموضوع: تغيير الزيت

المشاركة الأصلية كتبت بواسطة linuxman

السلام عليكم
انا اشتريت عربيتي "فورد اسكورت كربراتير 1600 موديل 1999" من اربع سنوات وكان العداد عامل 77000 كيلومتر وسألت البائع اكدلي وقالي انها مركونه الله اعلم
دلوقتي العداد لف تاني وعمل 6000كيلومتر.

1- انا عايز افضل نوع زيت مناسب لعربيتي واغيره كل اد ايه؟
2- حد قالي اعمل فلاش قبل ما اغير الزيت عشان الموتور مش نضيف .. هو الفلاش ده ليه اضرار ولو ليه هل فوائده اكثر من اضراره ولا العكس؟
3- سمعت مؤخرا عن مادة السيراتك .. ممكن احد الاخوه يفهمنا لازمتها وايه مدي فائدتها لحالة عربيتي؟

السلام عليكم ورحمة الله وبركاته

اولا : معنى كلامك ان عربيتك عاملة 106 ألف كيلو متر ، ومضى على صنعها 13 سنة ، ربنا يديلك خيرها ويكفيك شر فتحة بؤها آمين

ثانيا : بخصوص تساؤلاتك :
1- بالنسبة لي انا عربيتي اسكورت 1998 1300 cc بستعمل لها زيت شل هيلكس الأصفر ، ممتاز وبيريح الماكينة وبيتغير على 3000 كيلو ، وكتير من الشباب هنا بيستعمله.
2- مافيش داعي نهائياً لموضوع الفلاش ده ، والسبب ان موتورك قديم وهتلاقي فيه سلخات في الشمايز الكربون ساددها والدنيا بيس ، لو عملت الفلاش هتزيل الكربون ده وبالتالي كبس الموتور هيهرب وتبقى جبت أجل موتورك لاقدر الله ، موضوع الفلاش ده للعربيات الجديدة بس.
3- بخصوص مادة السيراتك معنديش فكرة عنها وفي انتظار رد باقي الأخوة.