الموضوع: دخان ابيض من الكربراتير والعربية بتدور كونتاك بس مبتلقطش

للرفع لو سمحتم

استكمالا للموضوع برضة وانا بدور وادوس بنزين احس انها هتدور وهوب تقوم عاملة صوت امبلية من الربراتير ودخنة بيضة ياريت تقولوى المشكلة منين

دي غالبا مشكلة اسبراتير او موبينة لو رحت لاي كهربائي شاطر هيصلحها وراجع برضه علي سلك بيك السلانسيه في الكربراتير ممكن يكون واقع وراجع برضه علي الفيوزات احتمال يكون فيوز اللي بيشغل بيك السلانسيه قاطع وممكن تقولي انت مكانك فين لو قريب مني ممكن ابصلك عليها

المشاركة الأصلية كتبت بواسطة tareksakr

دي غالبا مشكلة اسبراتير او موبينة لو رحت لاي كهربائي شاطر هيصلحها وراجع برضه علي سلك بيك السلانسيه في الكربراتير ممكن يكون واقع وراجع برضه علي الفيوزات احتمال يكون فيوز اللي بيشغل بيك السلانسيه قاطع وممكن تقولي انت مكانك فين لو قريب مني ممكن ابصلك عليها

شكرا جدا يا استاذ طارق الله يسعدك ...حضرتك بتقول راجع على سلك بيك السلانسية وفيوز البيك
انا عربيتى جولف 2 مانيوال اعتقد البيك من غير فيوز ولا سلك ياريت توضيح
انا عاوزها بس تمشى لحد الميكانيكى
بس المشكلة انها مبتكملش دوارة وتضرب مدافع .........هل ممكن يكون بجوهات؟؟

الجولف 2 1300 كربراتير ليها بيك سلانسيه بيشتغل كهرباء انت لو بصيت وانت فاتح الكبوت يمين الكربراتير تحت العمة هتلاقي بيك السلامسيه وطالع منه سلك كهربا ام بخصوص المدافع فده ممكن تكون سلك بوجيهات معكوس او العربية خالفة تقسيمة او سلك من سلوك الموبينة متوصل غلط

المشاركة الأصلية كتبت بواسطة tareksakr

الجولف 2 1300 كربراتير ليها بيك سلانسيه بيشتغل كهرباء انت لو بصيت وانت فاتح الكبوت يمين الكربراتير تحت العمة هتلاقي بيك السلامسيه وطالع منه سلك كهربا ام بخصوص المدافع فده ممكن تكون سلك بوجيهات معكوس او العربية خالفة تقسيمة او سلك من سلوك الموبينة متوصل غلط

اولا شكرا لاهتمامك استاذ طارق
ثانيا انا عارف بيك السلانسية جدا لانى بطلعة وانضفة وارجعة تانى ولو العربية مخنوقة ومبرجلة بهوية شوية
بس نقطة سلك الكهربا للبيك دى بتهيقلى مش عندى لان مفيش ولا سلك كهربا واصل بالكربراتير ...كلها خراطيم ان بحل العمة بس عمرى ما لاحظتة ...يمكن انا غلط وحضرتك عارف مكانة
بخصوص المدافع الى بتحصل سلوك البوجيهات مبلعبش فى مكانها نهائى
ومن يوم ما جبت الاسبراتير جديد بتاع جولف 3 من حوالى سنتين وهوا تمام وعمرى ما لعبت فى كهربتة
هل ممكن يكون الكهربة خلفت رغم عدم حركة الاسيراتير؟؟؟ احل المسمارين بتوعة واقدم او اخر الاسبراتير يمكن تظبط؟؟؟؟
انا شلت كابل الاسبراتير الرئيسى الى فى النص ((الى جاى من الموبينة )) وقربتة من مسمار ودوت مارش لقيت عمل شرارة وكهربنى كمان هههه
انا عاوز بس اوصل للمشكلة واسايسها لحد الميكانيكى ......خير باذن الله

طيبممكن تبص علي سير الكاتين ممكن العربية تكون خالفة تقسيمة