الموضوع: عايز افوق العربيه

ألف مبروك العربية وربنا يباركلك فيها اسمحلى اكتبلك شوية نصائح من واقع الخبرة

بالظبط زى ما الرجالة قالت بس تعليق كشرى باشا بتاع تفويلة بنزين 95 ده مافيش داعى ليه الافضل هتجيب منظف الانجكشن من اى بنزينة في حدود 30 جنية وهتحطة لما يكون التنك عندك فيه الربع أو أقل بعد كده هتفول بنزين 92 ويفضل لو هتطلع على طريق مفتوح أو سفر أو عندك مشوار طويل وتمشى بيها شوية هتلقى الدنيا ظبطت معاك ...

و بالاضافة للكلام اللى اتقال هتكشف وتبص لو في رشح زيت من عند وش التكهيات أو الكرتيرة تحت يبقى هتغير الجوانات والاويلسلات اللى محتاجه تتغير

النقطة دى مهمة جداً وهو عيب شائع في الهوندات القديمة بسبب قله الصيانة و جهل الصنايعى وأنت بتغير سير الكتينه والبليه هتفك طنبورة الكرنك وتبص عليها لو المشرشر بتاعها متأكل ومفوت يبقى تغيرها عشان متعملهاش معك على الطريق وتبقى مشكلة هتلقيها في حدود 200 جنية والمسمار والبنز بتوعها بـ 50 دة لو احتاجتهم معاها

واخيراً وده مهم تكشف على خراطيم المياه كلها والضعيف فيهم تغيره فوراً

لو دورة المياه عندك تمام والمياه مبتنقصش يفضل تحط مياه خضراء عشان الرواسب والصدأ وتطمن على كاوتش الكبالن وتيول الفرامل