متي تاخد قرار الطلاق ؟

**ibn_seena** · 02-11-2012 04:24 PM

اللهم ارزقنا زوجة صالحة تقيه تقر بها اعيننا وتسكن اليها نفوسنا

لو الجواز ما فيهوش غير خناقات وزعيق وضغط وسكر وعكننه يبقي بلاه جواز

.
علشان كده الاختيار ثم الاختيار.
يا رب وفقنا جميعا في الاختيار .
وليعلم كل شخص ان المراة خلقت من ضلع اعوج. اذا اردت ان تقيمه كسرته. ...
.

**yousef1978** · 02-11-2012 04:28 PM

المشاركة الأصلية كتبت بواسطة shaddadfalcon1

معني ايه الحياه مستحيله؟
يعني لو بقيت مش بتحبها مثلا؟ ولا بتكرهاا؟
ولا عايش كانك مش متجوز والدنيا ماشيه وخلاص؟

الموضوع ده يقدر حسب الحالة

عن تجربة شخصية ممكن أحكيهالك بعدين

ما حدش يقدر يحدد اصل الخلل فين غير ربنا سبحانه وتعالى ثم الزوجين فقط

لو دخلوا أيييييي حد هتلاقي كل واحد من الزوجين ممكن يجيب أي سبب إلا الأسباب الحقيقية

وساعات بيكون الطلاق حل وأسمع أن سيدنا عمر كان يرسل حكما من أهل هذا وذاك فإن لم يستطيعوا الحل انزعج وقال لهم فيما معناه لو نويتم الإصلاح لتوصلتم إليه ويذكر قوله تعالى (( إِنْ يُرِيدَا إِصْلَاحًا يُوَفِّقِ اللَّهُ بَيْنَهُمَا) )

وأسمع أن سيدنا عثمان كان يرسل الوفد فيقول لهم إن رأيتم الطلاق فطلقوا فإن في بعض التطليق إصلاح

وعلى فكره قرار الطلاق صعب جدا على الرجل بغض النظر عن التفكير المادي لكن مسألة الإضرار بتطليقها صعب عليه

في حين أن طلب الطلاق سهل على المرأة

.

**Hussein_Emara** · 02-11-2012 04:29 PM

الموضوع ده خطر, و غالبا حيقلب بغم.

**khaled_legend** · 02-11-2012 04:30 PM

المشاركة الأصلية كتبت بواسطة A7MED_PHARMA

هو قرار الطلاق
المفروض يتاخد يوم الصباحية على طول

هاهاهاهاهاهاهاهاهاهاهاها

المشاركة الأصلية كتبت بواسطة waelfarid

المرأة كالضلع استمتع بها علي عوجها واذا ذهبت تقيمها كسرتها لان اعوج مافي الضلع اعلاه اللي هو دماغها المتركب شمكال وكسرها هو طلاقها كلام سليم بس في بعض الاحيان الامور بتخرج عن دائره المنطق و "الواحد مرارته مفقوعه لوحدها"

الراجل في مصر واكيد كمان في تونس ومعظم بلاد الدنيا زي امريكا بتاخد نص ثروته هو الخسران ماديا اكتر في موضوع الطلاق ياليتها بتقف عند هذا الحد

الرجل زي الفيل والجمل لا ينسي الاساءة ابدا ولو بعد 50 سنة ولكن لا يظهرمشاعره تجاهها في حينها في حين انه مايعرفش يداري فرحته و هذا هو اكبر خطأ لان لو تم حل كل مشكله في وقتها مكنش هيبقي هو هذا حال المتزوجون ودا كله عكس النساء (بالفحص التشريحي والفسيولوجي بيأكد الكلام ده)
حيث ان
النساء صعب تبدي فرحتها لكن من السهل ابداء غضبها بسهولة ده علي الفاضيه و المليانه حضرتك (بالفحص التشريحي والفسيولوجي بيأكد الكلام ده)

ناهيك عن ان -سبحان الله -طبقات ونبرات صوت البنات والستات في الغالب بتكون حادة وده في حد ذاته بينرفز tell me about it لو الواحد مش مستحمل

**khaled_legend** · 02-11-2012 04:31 PM

احدي اسباب الطلاق ايضا عدم فهم كل طرف لطبيعه الطرف الاخر

**Hussein_Emara** · 02-11-2012 04:33 PM

المشاركة الأصلية كتبت بواسطة yousef1978

وعلى فكره قرار الطلاق صعب جدا على الرجل بغض النظر عن التفكير المادي لكن مسألة الإضرار بتطليقها صعب عليه

في حين أن طلب الطلاق سهل على المرأة
.

اسمحلي احييك على الجملة ديه تحديدا

قليل ان تلاقي حد فاهم إيه وقع خراب بيت على راجل, اللي ماشي اليومين دول, ده راجل يعمل ما بداله, طب يا جماعة ما ربنا حيحاسبنا على الكلام ده؟؟!!

**shaddadfalcon1** · 02-11-2012 04:53 PM

من الأسباب ايضا لما يبقي الطرفين مش بيتعلمو من اخطاهم
يعني انت قلت كلمه ضايقتها او عملت حاجه ضيقتها تقوم عملها تاني وتالت سواء بقصد او بدون وهي نفس الكلام
والموضوع ده بيغيييييييييييييظ ويحسسك انك متجوز حد مش انسان

**hossam_elwani** · 02-11-2012 04:57 PM

المشاركة الأصلية كتبت بواسطة aif

مرة واحد صاحبي كان متجوز ومخلف بنت
ومش قادر يعيش مع زوجته وحياته جحيم وعاوز يطلقها
وبالفعل طلقها
وكل اللي حوله ضغطوا عليه ( وانا منهم ) ولازم تستحمل عشان البنت والكلام اللي انتو اكيد حافظينه
وبالفعل رد زوجته قبل نهاية فترة العدة بأيام واعتبرنا ان ده درس لها وح ينصلح حالها بعد كدة .... لكن هو كان على حق
رجع لزوجته وعاش معاها 4 او 5 سنوات عبارة عن مشاكل يومية وخناق مستمر .... انجب طفلين تاني
وبردو رجع طلقها نهائي ..... بس بعد ما بقى عنده 3 عيال
ولما عرفت انه بيفكر يتجوز جابت العيال بشنطة هدومهم وسابتهم عند بيت امه ومشيت ... وكان اصغرهم اقل من 3 سنوات
مش عاوز اقولكم ان حياته اتدمرت مابين شغله وبيته واطفاله
لو كان طلقها ولم يستجيب لضغوط من حوله في المرة الاولى كان زمان معاه طفل واحد بدل 3 مطلعين عينه تربية ومصاريف
والحمد لله اتجوز تاني بعد سنوات .... وربنا يوفقه
احيانا بيكون الطلاق حل .....
مش لازم الطلاق يكون فشل
ممكن يكون بداية صحيحة
وكل حالة لها وضع خاص بها

انت الى عملت فيه كده يا حاج هههههههههه

**أحمد كمال** · 02-11-2012 08:10 PM

بلاش انا اتكلم

**khaled_legend** · 02-11-2012 08:23 PM

المشاركة الأصلية كتبت بواسطة أحمد كمال

بلاش انا اتكلم

نتمني ان نعرف وجهه نظر حضرتك و "شكلك شايل و معبي زينا"

الموضوع: متي تاخد قرار الطلاق ؟

LinkBack

أدوات الموضوع

عرض

-

-

-

-

المواضيع المتشابهه

حكم يمين الطلاق المعلق

أريد الطلاق (قصه)

الطلاق الصامت

ازاي تاخد قرار شرا عربيه معينه ؟ ( موضوع في غايه الاهميه )

الطلاق فى مصر انتشر بصورة بشعة

الكلمات الدلالية لهذا الموضوع

المفضلات

المفضلات

ضوابط المشاركة