الموضوع: متي تاخد قرار الطلاق ؟

المشاركة الأصلية كتبت بواسطة shaddadfalcon1

ومين ياباشا اللي مش بيختار ذات الدين؟
كلنا بنعمل كده بس حتي الدين بقي زائف عندهم
يعني تلاقيها منتقبه ومش بتسيب فرض ومقطعة سجادتين صلاه واثناء الخطوبه تلاقيها لو قلتلها كلمه حلوه تقلك اتقي الله يااخي ولما نكتب الكتاب وانت زي العبيط تقول ماشاء الله علي الالتزام
تيجي تكتب الكتات وعايز تمسك ايدها ولا تقولها كلمه حلوه تقولك اتقي الله يااخي واعمل احترام للبيت لما نبقي نتجوز ابقي اعمل كده

ولما يابرنس تلبس العمه وتدخل وتبقي مراتك رسمي وتقول يلا بينا نشرب الشاي تلاقيها عايزاك تقوم تعتكف وتصلي وهي قاعده ولا بتنام ولو طلبت حاجه يبقي انت قليل التدين وقليل الأدب ومفيش في دماغك غير قلة الأدب علي اساس انها مش مراتك وتقو م انت مقموص يامعلم وتزعل وهي تسيبك تزعل وتتحرق بجاز مش مهم اهم حاجه انك تسمع كلام الست

وشويه شويه تكتشف ان التدين ده كله كان محرد نقاب وصلاه وهي لاتفقه شيء عن الدين اساسا

ماهو ده اللى انا بتكلم فيه مش مجرد انى بشوفها بتصلى وتصوم يبقي هو ده التدين فى حاجات كتير الراجل نفسه ميقدرش يحكم عليها يعني ايه كلامى ده يعني الست هيه اللى تقدر تحكم على الست يعني حضرتك ممكن تشوف واحدة وتقول هيه دى وبتصلى وتصوم ولما تيجي الست والدتك تقعد معاها فى مقابلة التعارف هتقولك دى متنفعكش مش ده ساعات بيحصل وللعلم ده حصل معايا انا شخصيا كنت خاطب وكان والدى ووالدتى شايفين حاجات انا مش شايفها فالشخصية دى وطلع كلامهم بعد كده صح جدا

المشاركة الأصلية كتبت بواسطة shaddadfalcon1

ربنا يكرمك ياباشا علي النصيحه بس انا مش بقذف حد في دينه لاني مش بقصد حد معين
انا بكلمك علي اللي بشوفه تقريبا من معظم الناس اللي اتجوزت من حد وكانت فاكره انه متدين وعلي فكره الموصوع مش بس في الستات لا كمان في الرجاله يعني الواحده بتتجوز واحد علي اسم انه متدين وبعديت تكتشف انه بيعمل بلاوي وده بسبب ان تدينا بقي ظاهري ومحدش عارف اللي في الباطن غير المولي سبحانه وتعالي وللأسف انت مش بتعرف ده غير بعد مالفاس ماتقع في الراس

ها؟ واضح كده ولا ايه؟

كل قاعدة وليها شواذ يعني راجل بدقن بيصلي ويصوم وبرده راجل تانى بدقن بيصلى ويصوم ظاهريا ومن تحت الدقن احنا عارفين اللى بيحصل ايه ونفس الكلام بينطبق على البنات يعني اللى لابسة نقاب في منهم محترمين وفي منهم لابسينه عياقة وانا هنا مش بعيب فى ده ولا ده كل واحد من دول حسابه عند ربنا بس انا ليا الجوهر مش المظهر