الموضوع: متي تاخد قرار الطلاق ؟

المشاركة الأصلية كتبت بواسطة msobhy

الغريبة ان فى بداية الموضوع كنت متضايق جدا ونفسى اكتب حاجات كتيييييييييييييره - وبعد ما قرأت المشاركات اتضايقت اكتر
لكن فى اخر الموضوع - بدأت احس لنفس الاحساس المقرف
احساس اللا مبالاه
تقريبا الشعب المصرى (اقصد الرجاله) يعتبر من اتعس الشعوب فى الزواج - كل واحده تقف قدام المرايه وتحط شوية الوان فى خلقتها تفتكر نفسها ملكة جمال الكون - يا سلام بقى ويا مصيبة اهلك لو فعلا مراتك كانت جميله - ويا ايام اهلك السوده لو كانت مراتك جميله ودلوعه وهيه فى بيت اهلها
.
بجد انا بأشكر كل شخص واطى كان فى التليفزيون بيساهم فى تدمير أى بيت
وده طبعا كالتالى
البنت من وهيه صغيره شايفه مهند وزفت الطين ووحل البرك قدام عنيها - يبقى اتوماتيك الكلب اللى هيه اتنازلت واتجوزته لازم يقدر التضحيه المهوله اللى هيه عملتها
.
البنت وهيه صغيره شايفه ان أى واحده بتتجوز لازم عربيات ونوادى وسفر وفسح وفلوس ملهاش أول من أخر - يبقى لما تتجوز الشحات ابن الكلب اللى كبيره يخليها تسافر مرتين تلاته فى السنه يبقى لازم يقدر التضحيه المهوله اللى هيه عملتها
.
البنت وهيه صغيره شايفه أى واحده بتخلف فده فى حد ذاته اعجاز لا يقدر بثمن والمفروض انها تتشال على الراس وكل اللى حواليها يبقى خدامنها (والاولويه طبعا لأهلك) مش هيه اول واحده تخلف فى التاريخ ولو ده ما حصلش يبقى لازم كل 12 دقيقه تبوس ايديها على الخدمه الجليله اللى هيه قدمتها لك وبرضو لازم تقدرالتضحيه المهوله اللى هيه عملتها
.
طبعا تبدأ المصيبه اللى الكل مش متوقعها ولا حتى البرت اينشتاين - ان الحلوه لما بتخلف لازم تربى - وانها تقوم بالموضوع ده انت بقى لازم تقدر تييييييييييييييت أم التضحيه ديه ليل نهار وتبوس ايديها على انها بتدمر عيالك قدام عينك وانت ما باليد حيله !!!!!!!!!!!!!!!!!!!!! طيب ليه ما باليد حيله ؟؟؟؟؟؟ علشان الحمار مطلوب منه حاجات اهم اللى هيه الفلوس والفلوس والفلوس والفلوس - وطبعا لازم تقدر التضحيه اللى هيه بتعملها لما بتصرف الفلوس بتاعتك على كميات تفاهات تشل - والغريبه لما تبقى قاعده بتتكلم مع اى حد تلاقيه بتقول انا عارفه انى مسرفه ومبذره - ولما تقول لها انت الكلمتين دول - الدنيا تقوم ومتقعدش - وبرضو لازم تقدر تضحيتها بانها بتدمر عيالك وبتدمر فلوسك
.
الجميل بقى فى الحوارات الزباله ديه انك تبقى فعلا متجوز أنثى جميله جدا لمدة 6 شهور فقط (طبعا انا بتكلم على الناس المحظوظه) مع اختلاف المده سؤال احب اطرحه على كل السيدات والرجاله برضو
هو ليه كل الستات بتتفنن فى انها تبقى شبه البقر الفرزين بعد الخلفه ؟؟؟؟؟؟؟؟؟؟؟؟؟؟
حاجه تقرف
والله العظيم انا فعلا باضرب نفسى ميت جزمه انى معملتش زى اصحابى
اصحابى بقوا ماشين بمبدأ رائع عند الجواز - اهل البنت بيطلبوا كمية طلبات مهوله بمناسبة انك هاتتجوز شجرة الدر بنتهم - ده غير الشبكه والمؤخر والقايمه (انا عارف انى هاتوقف بس مش قادر وباعتذر للأداره على اللفظ ده - هو مين ................ اللى اخترع القايمه ده) تعرفوا ان القايمه الظريفه ديه مش موجوده غير فى مصر
الرجاله بجد بقى بتعمل ايه؟؟؟؟؟؟؟؟؟؟ قبل الجواز والله بيمضى مراته انها أستلمت قائمة المنقولات واستلمت مؤخرها - واستلمت كل مستحقاتها فى حالة حدوث طلاق وانه فى حالة مطلبتها بأى مستحقات عليها برد مبلغ 100.000 أو 300.000 وخلص الكلام على كده - وطبعا كل ورقه بيبقى منها 3000 نسخه احتياطى

فى النهايه (وللأسف مفيش نهايه) اللى يحصل معاه - اللى بيحصل معانا كلنا عنده اكتر من حل - والغريب ان هاقول الحل ده - اللى عنده اطفال - اخر حاجه ممكن يفكر فيها هيه الطلاق - بلاش أم مبدأ انا ومن بعدى الطوفان - وبالمناسبه احنا مش ملايكه الرجاله كلها عيوب ومساوئ - وأكبر دليل على كده اننا احنا اللى بنختار الستات اللى من النوعيه ديه
أكبر الخساير فى الموضوع ده انك تدمر أولادك بإيدك - وصدقونى اللى يقول ان مراته هيه اللى بوظت الدنيا - اسف يبقى غبى - انت لما مديرك بيحرق دمك أغلبنا بيحط فى قلبه ويسكت علشان اخر الشهر تاخد الكام ملطوش اللى بالعافيه بتاكل بيهم - نفس القصه حط فى قلبك وربى عيالك وخليهم قدام عينك .
.
واحد هايقول لى قدام عينى ازاى وهيه اللى معاهم 24 ساعة وانت حمار فى ساقيه 24 ساعة
والله العظيم مجرد وجود الاب فى حياة اولاده ولو بشكل بسيط بيفرق جدا
وفى النهايه هايبقى عندك احتمال من اتنين
لو انت مع اولادك - يبقى اولادك هايبقوا محترمين أو فاشلين
لو انت مش مع اولادك - يبقى اولادك هايبقوا فاشلين (أحسن الحالات) أو مدمنين أو حراميه أو اى مصيبه زرقه
وياريت كلنا نخلينا فاكرين الكلمه ده حلو قوى - من شب على شئ شاب عليه
حسبى الله ونعم الوكيل فى اللى خلانى اتجوز
....................
الامضاء - حمار كان نفسه يخلف علشان يشوف أولاده قدام عينه زى ما هو عايز - ضيع كل حاجه يملكها - علشان فى الاخر يكتسب لقب حمااااااااااااااااااار

ههههههههههههههههههههههههه هههههههههههههه

مفيش فايده

ان لما اشوف واحد عمال يتنطط 24 ساعه عشان يجوز

ست الحسن و لا شروط بعض الاباء

بافتكر ان القانون لا يحمى المغفلين

المشاركة الأصلية كتبت بواسطة the_last_rebel

السلام عليكم ورحمة الله وبركاته

النفقة ...العفش ....البيت ....حتى انتم أولادي ....ثمن قليل ....اشتري به كرامتي

ولا حول ولاقوة إلا بالله ....

المشاركة الأصلية كتبت بواسطة msobhy

الغريبة ان فى بداية الموضوع كنت متضايق

علشان فى الاخر يكتسب لقب حمااااااااااااااااااار

أولاً : أنتوا أو صاحب الموضوع كان بيطالب بمشاركة الجنس الآخر ، وعلشان كدة بشارك ، وعلشان كمان عايزة أوضح إن مش أنتوا بس يا رجال مصر اللي مظلومين مع ستتاكوا أو مظلومين مع القوانين الجهنمية اللي في البلد .
يعني زي ما أنتوا بتلفوا في الساقية علشان الفلوس والفلوس والفلوس – ما هو في كمان ستتات مطحونين – وشغلهم (زي أنا مثلاً ) من الصبح لغاية الساعة 7 يعني الست تدخل البيت بعد صلاة العشاء – ومطلوب منها تكون أم (تذاكر للعيال) وربة بيت (تنظف البيت) وطباخة ( تجهز الغدا اللي هوا أصبح العشا ) ، وفي الآخر زوجة وأنثى – ولو معملتش حاجة من دول تبقى مقصرة في حق جوزها وبيتها – ولو أتكلمت تتهدد بالطلاق – ولما عاتبت تتعاقب بالهجرة ( بس مش في المضاجع – لأ عند مامته أو أصحابه باليوم أو اليومين ) وشيلي الشيلة كلها يا حمارة – علشان ما تقوليش بم بعد كدة .
ولما تفكر تفكير الستات وتسيب البيت شوية – علشان تدلل زي باقي الستات المتستتين – اللي نايمين طول النهار ويدوب بيصحوا على الساعة 2 علشان تعمل الأكل وتستقبل العيال وممكن كمان تقول له ملحقتش أعمل أكل علشان العيال مجناني – بدل ما تدلل تشوف الزل – ولما ترجع بيتها لوحدها لأنه مرديش يروح ياخدها أو يصالحها من بيت أهلها ويعززها – ترجع تلاقي كالون باب الشقة متغير .
تعمل أيه هي وأبنها– والله في ستات ما كان قصدها تطلق ولا كانت عايزة طلاق خاااالص – وهي الدنيا كدة وراضية وخلاص – لكن لما ترجع لأهلها تقول لهم إن الكالون أتغير – تفتكروا هيعملوا أيه : دخلوا في القواضي والمحاكم والذي منه – ولما تم الطلاق – وكأنه ملوش عندها أمانة بتربيها له – لا سؤال ولا فلوس ولا اي حاجة – لدرجة أنها كانت تجيب ملابس لأبنها فتجيب بعضها واسع علشان تقول له أصل باباك مسافر وهو اللي جايب لك اللبس ومش عارف مقاسك ( شوف بيحبك آد أيه ) .
وكان كل حلمها إنه يسأل على أبنه علشان أبنه مشتاق يشوفه – لكن لا حياة لمن تنادي – ولما كانت تكلمه علشان يبعت مصروفات لأبنه بتتلكك علشان يسأل عن أبنه – كان يقول لها أعلى ما خيلك أركبية – مش هصرف على حد غير في بيتي .
لدرجة أنها راحت لمحامي علشان تقول له : أرفع لي قضية أطالب بيها برؤية الأبن لأبوه – قال لها : ما فيش قضية أسمها كدة بس ممكن تكون أول قضية من نوعها – علماً بأن الأب لا يترك صلاة خارج المسجد .
ولما تتجوز علشان كلام الناس وعلشان الوحدة وعلشان المصروفات اللي كل يوم بتزيد عن طاقتها وعن مرتبها – أبتدى يطالب بالولد اللي هو ميعرفش شكله أصلاً – مش علشان بيحبه أو عايزه لأ علشان يكسر قلبها فقط .
وفي الآخر القواضي كلها علشان ماما سوزان ( ربنا يجحمها ) في صالح الزوجة لكن هيهات ( ما فيش تنفيذ ) ولو عرفت تنفذ حاجة منها تدفع آد اللي هتخده .
أنا تعبت من الموضوع دا بصراحة لما بقرأ شكاوى الرجالة المطحونة ولما أفكر في حالات بعض الستات المظلومين
وحاسة : بس مش قاعدة ومش دين ، مجرد تجربة شخصية من اللي بشوفه – إن الإنسانة أو الإنسان المؤدب هو أول واحد بياخد فوق دماغة من الطرف التاني .
ياااااااه – كفاية كدة أنا مش هشارك تاني حتى لو كل الرجالة المشاركين أنتقدوني – علشان حسيت من مشاركتي السابقة إنكم ما صدقتوا تلاقوا حد من الجنس الآخر تتلككوا له وتهجموا عليه إلا القليل – رغم إن المشاركة اللي فاتت كانت مجرد أبدأ لرأيي وظروفي .