تجربتي مع توكيل ڤارتا للبطاريات(ممدوح مبروك غطاطي)

**emmoneam** · 04-11-2012 01:15 AM

المشاركة الأصلية كتبت بواسطة dedi

برافو عليك انا ماحبش حد يضحك على
المفروض انها لو شركة محترمة انها سياستها و اسعارها موحدة سواء مع البطارية المستعملة او سعر البطارية الجديدة

بالظبط ياباشا بس الغريب انك تلاقي حد بيقولك احسبها صح ديه مش فارقه الناس اتعودت علي اللامبالاه

**mido_the_7th** · 05-02-2013 11:16 AM

اللي إنت عملته ده هو الصح يا باشا ... البلد لازم تتغير ... و إحنا اللي دايما بنسيب حقنا

أنا اتصلت بيهم و قالولي برضه أسعار مختلفة
واحد قاللي ب 450 و التاني قاللي ب 500 و ال 2 قالولي القديمة ب 50
لو مكنتش إنت عملت موضوع زي دا مكنتش أنا هتصل ب كذا فرع ... ربنا يبارك لك

بس فيه سؤال : ليه مادام ال acdelco قعدت معاك 3 سنين و كانت كويسة و هي سعرها كويس ليه مش ناوي تجيبها
أنا سألت في سمير بيومي قاللي ب 350 + القديمة
علما بأن توكيل acdelco في مصر مجموعة منصور اتصلت بيهم و قاللي بعد الخصم ب 475 و هناخد القديمة ب 25 يعني 450

أنا بفكر في ال acdelco >>> إيه رأيكوا ؟؟؟

ملحوظة : بعد تدوير كتير لقيت كل الناس بترشح واحدة من ال 3 الفارتا الألماني ( اتحاد أوروبي ) - acdelco - Bosche
البوش لقيته عند موزع معتمد ب 600 و هياخدوا القديمة

**S O P H O S** · 05-02-2013 11:49 AM

تسلم علي نقل التجربة ..

**Ahmod** · 05-02-2013 02:19 PM

على فكرة مش بس ممدوح غطاطي هو اللى كل فرع اسعاره مختلفة عن الفرع التاني !! ؟ لا ده محلات كتير اوي كدة

ده حتى لما جيت اشتري تيل فرامل و فلتر بنزين من موزع تويوتا المعتمد !! كل موزع كان بيطلع اسعار غير التاني

بالنسبة لممدوح غطاطي اللى فهمته من خلال تعاملي معاه لاني برضوا اشتريت منه البطارية من حوالي سنتين ونص تقريبا

هما بيتعاملو على اساس ان كل عميل بيروح يشتري بيطلع يتكلم مع موظف منهم

وكل موظف بيبيع بسعر غير التاني !! على سحب انت وشطارتك في الفصال

يعني ممكن اروح انا وانت لنفس الفرع نجيب نفس البطارية في نفس الوقت انا اخدها ب 550 وانت تاخدها ب 500 !!!

لو تلاحظ حتى مش هتلاقي واحد معين هو اللى مسؤل عن البيع او الدفع !! لا ده كذا مكتب في الدور اللى فوق بتاعهم ده وكل مكتب عليه موظف مسؤل عن البيع

**Sehsss** · 05-02-2013 05:37 PM

حد يتعامل مع مبروك غطاطي يا راجل يا طيب.. (تصرفك ممتاااااااز.. أحييك)

**A.Saad** · 06-02-2013 04:07 PM

المشاركة الأصلية كتبت بواسطة ahmod

على فكرة مش بس ممدوح غطاطي هو اللى كل فرع اسعاره مختلفة عن الفرع التاني !! ؟ لا ده محلات كتير اوي كدة

ده حتى لما جيت اشتري تيل فرامل و فلتر بنزين من موزع تويوتا المعتمد !! كل موزع كان بيطلع اسعار غير التاني

بالنسبة لممدوح غطاطي اللى فهمته من خلال تعاملي معاه لاني برضوا اشتريت منه البطارية من حوالي سنتين ونص تقريبا

هما بيتعاملو على اساس ان كل عميل بيروح يشتري بيطلع يتكلم مع موظف منهم

وكل موظف بيبيع بسعر غير التاني !! على سحب انت وشطارتك في الفصال

يعني ممكن اروح انا وانت لنفس الفرع نجيب نفس البطارية في نفس الوقت انا اخدها ب 550 وانت تاخدها ب 500 !!!

لو تلاحظ حتى مش هتلاقي واحد معين هو اللى مسؤل عن البيع او الدفع !! لا ده كذا مكتب في الدور اللى فوق بتاعهم ده وكل مكتب عليه موظف مسؤل عن البيع

ياما بيكون ليهم سعر بيتحركوا فيه يعنى يتقال بيع بس مش تنزل عن 500 مثلاً والمبلغ كله بيروح خزينة المحل
والبائع بياخد العمولة
او الطريقة التانية وشفتها فى الملابس الجاهزة ان مبلغ الزيادة نفسه بيروح للبائع
كلا الطريقتين سخيف جداً

**SYD** · 07-02-2013 01:56 AM

اولا تصرفك جيد كعميل بيطالب بحقه
ثانيا : رغم اني ساكن جمب ممدوح غطاطي لكني مش بحب اتعامل معاه بسبب غلاء اسعاره المبالغ
ثالثا : نقطة ان الوكيل اغلي من الموزعين دة طبيعي وهتلاحظه في كل السلع وليس فقط البطاريات او الكاوتش ودة لأن الوكيل لما بيبيع لزبون بيبيع بخصم اقل بكتير من الخصم اللي بيحصل عليه الموزع ودة لفرق الكمية يعني بمعني ادق ان الموزع بياخد خصم علي الكمية اكتر من العميل اللي بياخد خصم علي الدفع النقدي
هتقولي طب ما كدة الناس كلها هتشتري من الموزع وليس الوكيل
هقولك طب وايه يعني ؟؟؟ ما اهو اصلا الوكيل مش بيتارجت علي العميل - بيتارجت علي الموزع وكله في النهاية مكسب ليه مش خسارة

تحياتي