الموضوع: كنت عايز اغير الكبالن لاقين نفسى بغير كل حاااجه؟

المشاركة الأصلية كتبت بواسطة midoazzam

شكرا على ردك بس انا كل ده ولسه مكملتش رحله العذاب بتاعتى روحت اشترى شجره المياه لاقتها فى ب 220 جنيه بالحساس يتاعها قولت قدر الله وماشاء فعل روحت للميكانيكى وركبهالى وتمام والمؤشر بأه يجى عند النصف والمروحه تشتغل وعلطول عند النصف وقولت كده تمام طلعت اديت للميكانيكى مصنوعيه 130 جنيه ومشيت وانا ماشى بالعربيه لاقيت عداد السرعه مش شغال لافيت ورجعتلو وقلتلو العداد مش شغال وعداد الكيلو متر برضه مش شغال قالى انا مجتش جمبهم خالص ولاشغلى كان نحيتهم مردتش ارد عليه عشان بصراحه متعبش قولت يمكن لما كان بيرفع الماتور عشان يحط القواعد عمل حاجه او وهو بيغير شجره المياه عمل اى حاجه او الميه مثلا نزلت على اى حاجه بوظتها روحت ماشى وقولت كفايه لغايت كده واروح اغير الكبالن الى انا اساسا عامل ده كله عشانها روحت غيرت الكوبلن الداخلى ب 100 جنيه وظبط زوايا وترصيص ب 50 جنيه وقلت اروح باه وربنا يسطر وملاقيش حاجه تانى بس برضه النحس نحس وانا ماشى سمعت صوت شخلله تحت العربيه قولت يمكن الرفرف بيخبط فى ساج العربيه عشان هو مخلوع روحت للسمكرى ولحملى الرفرف فى الصاج ب 20 جنيه قمت ماشى لاقيت برضه الصوت لسه موجود روحت لبتاع الزوايا وقولتلو اتصرف انا جبت اخرى خلاااص طلع جرب وقالى الصوت جى من مستر الفرامل فك العجله وبيبص على الفرامل لاقاها مش متسبته فى الطنبوره والمسمار بره خالص مش مربط ربطهولى فى دقيقه ومخدش شلن منى والحمدالله الصوت راح
روحت جرييييت على البيت وقولت اركنها باه وكفايه الى هى بتعملو معايا بقفل العربيه بالسنتر الريموت مش راضى يشتغل كنت بجد هاعيط باه جمبها غيرت حجاره برضه مش راضى يشتغل سنتر البيبان شغال بس الريموت هو الى مش راضى يشتغل بجد كنت هاروح للميكانيكى وهاضربو روحتلو عشان اغير قواعد رجعت من عنده بشجره مياه وعداد السرعه ولحد دلوقتى مش عارف اعمل ايه فى حل مشكله عداد السرعه والكيلو متر وريموت الانذار واسف على الاطاله بس بجد انا اتخنقت جداااااااا

يا عمي بالراحة وبهدوء
انت ماعندكش مشكلة الحمد لله
بالنسبة للسرعة والكم مفيش اي مشكلة ان شاء الله
اما وهو بيرفع خبط الفيشة بتاعة حساس السرعة او كسرها خالص - مش مشكلة ابداً
والف مبروك علي شجرة المياة - وهي دى المصلحة في الموضوع كله
اما بالنسبة للريموت - انت تقصد ريموت المفتاح الأورجينال بتاع العربية ؟؟ لو هو - تكويده سهل ان شاء الله - بس هو الكود راح ليه ؟؟؟ هو الميكانيكي فك البطارية ؟؟
بردو مش مشكلة ان شاء الله وتكويده سهل - هبقي ابعتلك لينكات طرق التكويد - ماتشغلش بالك

والله المستعان
،
،