الموضوع: كنت عايز اغير الكبالن لاقين نفسى بغير كل حاااجه؟

المشاركة الأصلية كتبت بواسطة syd

قدر الله وما شاء فعل
للأسف شجرة المياة غالية نوعاً ما سواء جديدة او مستعملة
المستعملة ممكن توصل ل400 جنيه في احسن حالتها

اما بالنسبة لمشكلة المروحة - فدي مشكلة حساس الحرارة الموجود اسفل شجرة المياة بجوار فرن الشكمان
وهو مش غالي علي العموم - في حدود 80 جنيه

شكرا على ردك بس انا كل ده ولسه مكملتش رحله العذاب بتاعتى روحت اشترى شجره المياه لاقتها فى ب 220 جنيه بالحساس يتاعها قولت قدر الله وماشاء فعل روحت للميكانيكى وركبهالى وتمام والمؤشر بأه يجى عند النصف والمروحه تشتغل وعلطول عند النصف وقولت كده تمام طلعت اديت للميكانيكى مصنوعيه 130 جنيه ومشيت وانا ماشى بالعربيه لاقيت عداد السرعه مش شغال لافيت ورجعتلو وقلتلو العداد مش شغال وعداد الكيلو متر برضه مش شغال قالى انا مجتش جمبهم خالص ولاشغلى كان نحيتهم مردتش ارد عليه عشان بصراحه متعبش قولت يمكن لما كان بيرفع الماتور عشان يحط القواعد عمل حاجه او وهو بيغير شجره المياه عمل اى حاجه او الميه مثلا نزلت على اى حاجه بوظتها روحت ماشى وقولت كفايه لغايت كده واروح اغير الكبالن الى انا اساسا عامل ده كله عشانها روحت غيرت الكوبلن الداخلى ب 100 جنيه وظبط زوايا وترصيص ب 50 جنيه وقلت اروح باه وربنا يسطر وملاقيش حاجه تانى بس برضه النحس نحس وانا ماشى سمعت صوت شخلله تحت العربيه قولت يمكن الرفرف بيخبط فى ساج العربيه عشان هو مخلوع روحت للسمكرى ولحملى الرفرف فى الصاج ب 20 جنيه قمت ماشى لاقيت برضه الصوت لسه موجود روحت لبتاع الزوايا وقولتلو اتصرف انا جبت اخرى خلاااص طلع جرب وقالى الصوت جى من مستر الفرامل فك العجله وبيبص على الفرامل لاقاها مش متسبته فى الطنبوره والمسمار بره خالص مش مربط ربطهولى فى دقيقه ومخدش شلن منى والحمدالله الصوت راح
روحت جرييييت على البيت وقولت اركنها باه وكفايه الى هى بتعملو معايا بقفل العربيه بالسنتر الريموت مش راضى يشتغل كنت بجد هاعيط باه جمبها غيرت حجاره برضه مش راضى يشتغل سنتر البيبان شغال بس الريموت هو الى مش راضى يشتغل بجد كنت هاروح للميكانيكى وهاضربو روحتلو عشان اغير قواعد رجعت من عنده بشجره مياه وعداد السرعه ولحد دلوقتى مش عارف اعمل ايه فى حل مشكله عداد السرعه والكيلو متر وريموت الانذار واسف على الاطاله بس بجد انا اتخنقت جداااااااا

المشاركة الأصلية كتبت بواسطة ehab_mansour

الحمد لله قدر الله و ما شاء فعل
شوف حضرتك انا واثق ان مشكلة عداد السرعه و الكيلومتر هو السبب فيها لأن فيه ميكانيكية كتير بيرفعو الموتور من اي مكان ولا في دماغهم و الحساس ده في اسفل الفتيس

ممكن يكون فيشته اتخلعت او اتكسر و دي بسيطة تروح لأي حد يغيرهالك

فرامل العربية انصحك تبص عليها كلها مرة واحده عن حد بتاع فرامل و يظبطلك كل حاجه بس المهم تنقي صنايعيه بيفهمو و بلاش العكاكين دول

موضوع الريموت ده اعتقد انه محتاج يتكود تاني علي العربية و لكن ايه سبب ضيع تكويده مش عارف و بيتكود ببعض الخطوات البسيطة و لكن محتاج تستخدم المفتاح الاحتياطي معاك

كبالن العربية أنصحك تشتريها استيراد و تغيرهم داخلي و خارجي علي بعض و الجنبين مع بعض عشان تشتري دماغك منهم خالص

و معلش يمكن عربيتك اللي كان راكبها قبلك مهمل شويتين و محتاجه شوية تظبيط و لكن بعدها هتستمتع بيها ان شاء الله

الحمدالله على كل شئ روحت النهارده لبتاع عدادات قالى ده كهربه الارضى كانت فاصله ظبطهالى وظبط الفيشه وكان كله تمام وخد 30 جنيه كده ناقص ريموت الانذار روحت لكهربائى قولت يمكن يكون الارضى برضه فصل قالى لا تمام روح لواحد بتاع اجهزه انذار هاينفعك اكتر وربنا يستر

المشاركة الأصلية كتبت بواسطة agaty1st

شجرة الميه هاتسمع فيها أسعار كتير
و انا لقيتها عند فتح الباب الـ........... يالا ماعلينا بمبلغ غالي جدا بأمانه مش فاكر كام
المهم جبتها من واحد جنبه بربع التمن و قال هاتلها أويل سيل من لهيطه ب5 جنيه
و ركبتها و زي الفل

انا ملفتش خالص انا دخلت على فتح الباب علطول وكنت سامع انها غاليه قوى لما لاقتها ب 220 بصراحه ارتحت شويه والحمد الله على كل شئ