Good Bye Ibiza, Wellcome Daewoo

**sala7** · 04-11-2012 12:45 AM

المشاركة الأصلية كتبت بواسطة SYD

حرام عليك يا جدع تقفل الراجل من عربيته
مبروك عليك العربية يا عجاتي وربنا يديك خيرها وتستمتع بيها
والدايو بردو بتكنولوجيا اوبل وفي جروب gm
قطع غيارها رخيصة السنين وسهل تلاقي جي ام اصلي
دة التيل ب 35 اصلي - المساعدين ب 65 اصلي
دة انا بفكر اجيب دايو
هههههههههه

ربنا يباركلك فيها

تحياتي

بهرج مع الراجل يا جدع

... منا باركت له
انا زعلان انه جاب دايو علشان رجالة السيات هينقصوا كدا واحد ..
اتفرج اهو دلوقتي هيروح لقسم الدايو و مش هيعبرنا تاني

**SYD** · 04-11-2012 12:51 AM

المشاركة الأصلية كتبت بواسطة sala7

بهرج مع الراجل يا جدع

... منا باركت له
انا زعلان انه جاب دايو علشان رجالة السيات هينقصوا كدا واحد ..
اتفرج اهو دلوقتي هيروح لقسم الدايو و مش هيعبرنا تاني

لا ياعم
الراجل قال - انا معاكوا ومش هسيب القسم
طبعا قسم سيات خسر والواحد زعلان علي افتقاده لموضوعاته وارائه
بس ربنا يباركلوا في عربيته ويباركلنا في الموجوديين

**ehab_mansour** · 04-11-2012 08:37 AM

مبروك عليك العربية الجديدة يا هيثم باشا و ربنا يباركلك فيها
و انا عندي تجربة مع العربية دي و اختها الاكبر نوبيرا 1 مع اخواتي ..... والله المستعان

**agaty1st** · 05-11-2012 12:19 PM

المشاركة الأصلية كتبت بواسطة khaled lanos

ألف مبروك ياباشا وربنا يديك خيرها ويكفيك شرها.

الله يبارك فيك يا باشا

**agaty1st** · 05-11-2012 12:20 PM

المشاركة الأصلية كتبت بواسطة dr.rayyan

مبروك على الجديده ربنا يديك خيرها ويكفيك شرها

الله يبارك فيك يا باشا

**agaty1st** · 05-11-2012 12:39 PM

المشاركة الأصلية كتبت بواسطة SYD

الف مبروك يا صديقي

الف مبروك السيارة الجديدة وربنا يديك خيرها ويكفيك شرها

بس عايزين مقارنة بنت جنيه بين الأتنين - ماتسيبش فتففوتة
تقييم اداء كامل للدايو - ومقارنة شاملة كل الجوانب بين السيارتين (رغم عدم تقاربهم في نقاط كتير - ابسطها الفئة السعرية)

وبعدين يا باشا - القسم قسمك - اوعي تغيب عننا
حرام تحرم الأعضاء من خبراتك

تحياتي

الله يبارك فيك يا باشا، و بعدين أنا عمري ماغيب عن القسم ده أبدا
و القسم ده فعلا غير أي قسم تاني و لو دخلت قسم زي دايو او هيونداي او كيا او بيجو او ....او
هاتلاقي اصحاب كل موديل مع بعض اكتر شويه من الباقي و فيه روابط لكل موديل......
أما السيات يعني أبيزا و بس
حتى الأخوه أصحاب التوليدو متحسش انهم راكبين موديل تاني

أما بالنسبه للمقارنه هاعملها ان شاء الله بس لما اعرف شوية معلومات عن اللانوس زي استهلاك البنزين مثلا
مع ان المقارنه ظالمه للأبيزا لأننا بنقارن 94 ب2003 و العدل يبقى 2003 قدام 2003 أو 94 قدام 94

لكن برضه الأبيزا منافس مش سهل أبدا و طلعت وتد برضه

وفيه نقط الأبيزا تفوز فيها بالضربه القاضيه زي الفرامل و الاتزان في الملفات
و فيه بعض النقط التانيه تحس ان الأبيزا بتراعي اللي راكبها أكتر من اللانوس زي مثلا نور الصالون بيطفي في الابيزا بعد ما تقفل الباب بكام ثانيه فابيديك فرصه تحط المفتاح في الكونتاكت اما اللانوس اول ما تقفل الباب النور يطفي فاتفتح الباب او تنور النور من المفتاح، حاجه تاني حامل الكبوت في الأبيزا في عز الضهر في عز الصيف في عز سخونة الموتور تمسكه عادي جدا اما اللانوس أول مره مسكت الحامل لسع أيدي لأنه سخن زي الشكمان كده
و في نقط تانيه اللانوس تفوز فيها بالقاضيه زي التجميع و الجري

**agaty1st** · 05-11-2012 12:48 PM

المشاركة الأصلية كتبت بواسطة sam_eh420

عايزيين نعرف بعت علي كام وقعدت معاك كام سنة واخبار الابيزا معاك كانت اية وبعتها لية ؟

بعت ب 27000 و السبب الأساسي لبيعها عدم وجود شنطه ولا تكييف ولا باور
و التكييف و الشنطه دول أساسي لأن ابني عنده 9 شهور دلوقتي

و الصيف ده لما كان بيركب العربيه في الحر مع الفرش الجلد كنت بحس انه لو بيتكلم كان قالي حرام عليك اللي انتا عامله فيه
أما العربيه كانت ممتازه في كل حاجه ماعدا حاجه واحد و هي ظبط الكربراتير لأن بجد محدش بيعرف يظبطه بنسبة 100%
و في حاجه تانيه الألماني لما بيقدم بيحتاج مجهود أكبر من الأسيوي عشان تحافظ عليه
و راجع مواضيع القسم هاتلاقي ناس كتير اتعاملت مع صنايعيه مش بتوع فولكس بهدللهم الدنيا
أما الأسيوي أسهل شويه في شغله

**agaty1st** · 05-11-2012 01:11 PM

المشاركة الأصلية كتبت بواسطة sala7

مبروك الدايو ... ربنا يكفيك شرها
الدايو عربية قوية هيكليا .. لكن اداء موتورها ضعيف ، عائلية من الدرجة الاولى ، لكن غير اعتمادية من حيث السحب و الجري ،، مشاكلها كلها عادية و تتحل عن اي ميكانيكي لكن مشكلتها ان لو الحاجه الاصلية اتفكت علشان تتصلح او تتغير العربيه ما بترجعش زي الاول
كان معايا 2002 كانت عفشتها مغلباني ، و ده لان الصنايعية نص كم .. ثانياً مهما جبتلها او عملتلها صيانه في التوكيل بتحس انها لسه ما اتظبتتش

انا مش بخوفك منها .. ولكن كلامي الغرض منه ما تخليش حد يلعبلك في عربيتك ..

انا تجربتي مع الدايو و تقيمي لها .. العربية دي قطعة من الفولاذ ماشية على الارض .. لكن موتورها اديلة 2/10 - قطع الغيار 9/10 لان الاصلي فيها بـ كلام فاضي و متوفر جدا - عفشة 4/10 لان مشاكلها كتيرة و عفشتها رغمة .

و بعدين ياراجل يا مفتري تسيب الالماني و تركب كوري ؟؟؟
هههههههههههههههههه انا حسك هتقفل من العربية .... نصيحة مني ارجع تاني للالماني و القسم بتاعك ياراجل هههههههههههههههههههه بلاش كلام كوري
احنا بتوع الالماني يا ريس

الله يبارك فيك يا كبير
و شكرا على المعلومات دي
بس بالنسبه لأداء الموتور انا حاسس ان المشكله في موتور عربيتك لأن العربيه معايا طياره
و الألماني الجديد غالي أوي و ربنا يكرم و نرجعله تاني

-

-

الموضوع: Good Bye Ibiza, Wellcome Daewoo

LinkBack

أدوات الموضوع

عرض

-

-

-

-

-

-

-

-

المواضيع المتشابهه

cbr 250 good

انطلاق نسخة جديدة من سيات seat ibiza good stuff

how about Suran VW? is it good to buy

my new toyota in uae see it and tell it good car or no

I want buy a good car

الكلمات الدلالية لهذا الموضوع

المفضلات

المفضلات

ضوابط المشاركة