الموضوع: قصة إستلام الكيت الجديدة

بجد روح حلوة وطيبة جدا
ودي من اكثر الحجات الي شتدني في النتدى هنا روحة الطيبة بين الاعضاء وانهم بيعملوا حجات كتيرة في سبيل ابتغاء وجة الله بدون مقابل
وحقيقة انا في الغالب لا ارتاح للمنتديات ومش منزوارها بكثرة
لكن لما دخلت هنا وبدأت اتابع حسيت بروح حلوة بين اعضاء القسم خلتني احس بعشرة نحيتهم من غير ما أعرف ولا واحد فيهم
حتى غالبا بدخل كل يوم اطل علي القسم واشوف جديدة حتى لو مشاركتش
بجد روح طيبة واخلاق نبيلة وربنا يدم النعمة دي علينا ويجمعنا في دار مستقرة .. آمين

بس مقلتليش .. الحج أحمد شربكم عصير أية ؟ :)))

المشاركة الأصلية كتبت بواسطة abono

سلام الله عليكم و بركاته يا صقور نيسان:

النهاردة مش حكتب تقرير رسمى عن الكيت لأ حأحكيلكم عن قصة جميلة و تجربة رائعة انا عشتها اليوم (دى قصة فىها أحداث و حاجات كتير فأرجوا من الأخ القارئ سعة الصدر حتى النهاية).

بدأت الأحداث قبل يومين عندما قرأت موضوع بعنوان (هدية للي هيغير زيت) من الأخ العضو المحترم محمد زعتر opelawy دخلت ووجدت محمد غيز زيت العربية و باقى معاه لتر فائض و الراجل مشكورا متبرع بيه لأحد الأعضاء ردت عليه فى نفس الموضوع و قلت ماشى لأزمنى الزيت و إتفقنا على المقابلة يوم الجمعة عند الحج أحمد (جينز كار) علشان محمد كان طالب الكيت الجديدة من أحمد رحيم. و فعلا رحت المقابلة الساعة 3:30 العصر و كان أحمد رحيم بيراجع أسماء الناس اللى حاجزة و انا مش منهم و بعدين جه محمد و تعرفت عليه و إدالى الزيت شوية و جاء أحمد مصطفى (الكبير) وبدأت عملية التسليم و شرح كيفية الأستخدام الأمثل للكيت من واقع تجربة أحمد مصطفى و أحمد رحيم من الأعضاء السابقة فى شراء الكيت و بإختصار حصل أمامى كام موقف جميل ان دل على شيئ يدل على روح التعاون و الحب السائد فى هذا المنتدى 1) بعد لما أحمد مصطفى وزع الكيتات أحمد رحيم أعد على كرسى و الناس طابور علية علشان ينقلهم أجزاء الريموت الداخلية الى الكيت الجديدة حوالى 10 ريموتات من دون أى مقابل ولا ملل علما بإن والد احمد رجل كبير كان معاه و هو كمان بروح جميلة بيرشد الناس و ينصحهم بوضع اللوجو الخاص بالكيت بعد عمل المتاح و التأكد من عمله بشكل صحيح و ده فدنى انا شخصيا فى الكيت بتعتى. حيججى واحد يسألنى هو انت خدت كيت اصلا حقوله نعم و هنا الموقف رقم 2) بعد ما الكيتات إتوزعت كلها و حتى فى ناس خدت كيتات كانت فيضة و كنت فى اول المقابلة قلت لأحمد مصطفى لو فى حاجة زيادة عرفنى قلى نوزع المحجوز اولا قلت ماشى وقبل ما نمشى من المكان فى عضو محترم اسمه محمود خد 2 كيت فأحمد إستأذنه بكل أدب ممكن تدى وحدة لأحمد أبو النور (العبد لله) فالراجل مشكورا متأخرش و تنازل عن وحدة ليا (بجد شكرا لمحمود اوى على روحه الطيبة ديه) و كان احمد رحيم تقريبا خلص كل الناس رجيت عليه و قاته خد يا أحمد الكيت دى رد بهزار ز قال شكر عندى وحدة و فعلا ركبهالى و دلوقتى جه دور عمل مفتاح الكيت. الموقف 3) الحج أحمد مشعل (جينز كار) انا بجد مش لاقى كلام اوصف فيه كرم الراجل دة مش كفاية إنه مستضيف ناس كتير فى مكان أكل عيش ومكلف نفسه جايب لنا عصير قبل ما نمشى سامع منا إننا بندور على حد بتاع مفاتيح راح مكلم بتاع المفاتيح جاره و باعت معانا حد من عنده علشان يكرمنا فى المفاتيح (شكر خاص للحج أحمد على ذوقه وكرم ضيافته و أخلاقه). جربت المفتاح و شغال مية مية و بعد كدة رحنا نعد فى مكان قريب من جينز كار المهم الكيت بعد أحمد رحيم ما مشى صابه شلل و مش عايز يشتغل أعمل إيه انا دلوقتى؟!!!!! الموقف 4) الذى يدل على خبرة أهل هذا القسم العظيم حسين جمال (sona steel) قلى إرجع للراجل وخليه يهوى المسمار اللى فى النص شوية فعلا رحتله تانى و جه معايه شاب محترم إسمه إبراهيم من المنتدى و الراجل عمل الكيت و كل شيئ تمام الأن. و توتا توتا خلصت حدوتت الكيت و الأحلى حكاية اليوم الجميل إللى قضنا سوا مع إخواتى الأحباء. بجد شكر من القلب و السلام عليكم و رحمت الله و بركاته

اولا أنا اللي عايز اشكر حضرتك علي القعدة الحلوة اللي قاعد ناها مع بعض مع محمود وإبراهيم و احمد بك مصطفي كبير النيسان
و فعلا كان يوم رائع بمعني الكلمة وشكر تاني للحج احمد بصراحة راجل اكتر من زوق و بجد الصنف ده نادر انك تلاقيه

الف شكر علي الكت يا احمدين ( احمد رحيم و احمد مصطفي )
بجد كل اللي شافوا اعجب بيه

و بإذن الله مع بعض في الخير علي طول

و السلام ختام

المشاركة الأصلية كتبت بواسطة mohammedgido

بجد روح حلوة وطيبة جدا
ودي من اكثر الحجات الي شتدني في النتدى هنا روحة الطيبة بين الاعضاء وانهم بيعملوا حجات كتيرة في سبيل ابتغاء وجة الله بدون مقابل
وحقيقة انا في الغالب لا ارتاح للمنتديات ومش منزوارها بكثرة
لكن لما دخلت هنا وبدأت اتابع حسيت بروح حلوة بين اعضاء القسم خلتني احس بعشرة نحيتهم من غير ما أعرف ولا واحد فيهم
حتى غالبا بدخل كل يوم اطل علي القسم واشوف جديدة حتى لو مشاركتش
بجد روح طيبة واخلاق نبيلة وربنا يدم النعمة دي علينا ويجمعنا في دار مستقرة .. آمين

بس مقلتليش .. الحج أحمد شربكم عصير أية ؟ :)))

امين يا رب

بصراحة كان في كذا نوع عصير بس أنا أخدت جوافة :)

والله هو دا حاجه مش جديده على قسم نيسان, امال انا ليه اشتريت نيسان رغم انها مكانتش فى دماغى خالص ومفكرتش فيها الا لما بدات ادخل على القسم هنا وشوفت الروح الحلوه , وان الواحد حاسس ان ليه ضهر يتسند عليه فى الشده.
وربنا يوفق الجميع لما يحب ويرضا.

المشاركة الأصلية كتبت بواسطة ahmed_selmy

والله هو دا حاجه مش جديده على قسم نيسان, امال انا ليه اشتريت نيسان رغم انها مكانتش فى دماغى خالص ومفكرتش فيها الا لما بدات ادخل على القسم هنا وشوفت الروح الحلوه , وان الواحد حاسس ان ليه ضهر يتسند عليه فى الشده.
وربنا يوفق الجميع لما يحب ويرضا.

والله عند حق
تحس انك مش بتشتري عربية بس .. انت بتشتري العربية ومعاها مهندسين ومساعدين ومستشارين
بجد دي أكبر ميزة هنا في قسم نيسان

المشاركة الأصلية كتبت بواسطة mohammedgido

والله عند حق
تحس انك مش بتشتري عربية بس .. انت بتشتري العربية ومعاها مهندسين ومساعدين ومستشارين
بجد دي أكبر ميزة هنا في قسم نيسان

انتوا عند كو ا حق بس لازم نفيد بعض و نكبر القسم لحد ما يبقي في القمة دائماً

تفاعلاتكم و مشاركة الاعضاء سواء بتقارير و صور و تجارب و حلول هيا اللي هتنهض بالقسم كمان و كمان

الي الامام يا نسيان