الموضوع: إيه إللى بستلمه عند إستلام السيريون الجديدة ؟

الف شكر ليك على الرد
يعنى هوا المفروض الورق بيبقى مختوم والا ده حسب المعرض
يعنى اقصد المعرض واجب عليه يختملى الورق والا مش شرط
وبعدين فيه حاجه انا سالت المعرض قالى الافراج طالع من مرور الدراسة لازم تاخده تعمله تحويل للمرور بتاعك هل المفروض التحويل ده يعمله المعرض والا مش اجبارى
وهل لو الورق ده هياخد وقت هل فيه ضرر انى امشى بالعربية
وشكرا ليك مرة تانية
على فكرة انا كنت ناوى اجيب الهوندا سيتى بس ملحقتش موديل 2008
وطبعا ك
موديل 2009 غالى قوى عليا
ربنا يباركلك فيها ان شاء الله

الف الف مبروك ... ربنا يحافظ عليك و عليها و يباركلك فيها ان شاء الله .
لو ممكن تقولنا جبتها منين و بكام ؟؟؟ و قسط و لا كاش؟؟؟ و كده يعنى ؟؟؟
و اختيار موفق ان شاء الله ...

الف شكر ليك يا ابو هلموس
جبتها من التوكيل عبد اللطيف جميل تمنها 80500
قسط تقسيط مباشر

مبروك عليك انضمامك للشعب السيريونى ..
طب يا ترى التقسيط تبع عبد اللطيف مطلوب فيه ايه ورق و الفائدة قد ايه و بيأخد وقت قد ايه لما يسلمك ؟؟؟؟؟؟
و بالمرة ماشوفتش سيريون وان هناك ؟؟؟
و لو فيها رزالة ليه مفكرتش فيها مع ان الفرق حوالى 10000 . يعنى هل الفرق بين 1300 و 1000 فى رايك يستاهل انك تدفع فيه 10 الاف جنيه يعنى و كمان اكتر بالفوائد و لا ايه ؟
لحسن انا محتار اشد الحيرة بين الاتنين بين انى اوفر 10 الاف جنيه و اجيب ال 1000 سى سى و لا اضغط على نفسى و اجيب 1300 بالمرة ؟؟؟؟
و شكرا لردك ... و مبروك عليك مرة تانية ..

الف مبرووووووك
ننتظر التقييم بتاع العربية

الف شكر ليكم كلكم يا جماعه
مع ان لحد دلوقتى محدش فادنى في سؤالى الرئيسى غير واحد
ياريت حد يرد على سؤالى علشان انا رايح استلم النهاردة ان شاء الله

بالنسبة للتقسيط عند عبد اللطيف جميل
اقل مقدم 20% بس الضامن لازم يكون نفس مواصفات مرتبك
ولو هتدفع 25% هتجيب اى ضامن هما بيفضلوا الزوجه حتى لو مش بتشتغل
الفايدة على موديلات دايهاتسو 8% مع التأمين 9% من غير تأمين
باقى الموديلات 9% مع التأمين 10% من غير تأمين
يعنى الفايدة بتزيد 1% لو مش عايز تأمن
لو هتدفع 50% مافيش تأمين وكمان من غير مايزود الفايدة
القسط لايزيد عن 40% من المرتب
الورق (صورة البطاقة و صورة بطاقة الضامن ووصل نورو مفردات مرتب) بس كده
الاستلام حسب توافر الموديل واللون
يعنى انا كنت عايز اللون النبيتى بس قالى مش موجود لسه في المينا
اللى جاهزة دلوقتى السماوى لو كان الورق بتاعها جاهز كنت استلمت يوم الخميس وانا كنت مقدم السبت
بالنسبة للفروق بين السيريون وان وال xl وهى
1300 سىسى 91 حصان والكاسيت
انا اخترت ال 1300 علشان انا اسرتى اربع افراد وواطفالى صغيرين فيبقى فيه شنط وحمل باستمرار على العربية فا فضلت 1300
لكن انت لو وحدك ممكن تجيب ال 1000 سىسى
ده رايى لو حد من الاعضاء ممكن يفيدك في الموضوع ده اكتر منى برضه ياريت
والسيريون وان موجوده شوفتها في فرع شارع النزهة جنب دار الدفاع
وكان لونها احمر
اتمنى انى افادتك وربنا يهديك للخير وكل الاعضاء يارب

يا جماعه هوا ليه مافيش حد عايز يرد عليا
انا فاضلى ساعتين على الاستلام
عايز رد على السؤال الرئيسى