السلام عليكم جميعا

كنا زمان زمان قوي قبل ميقع المنتدى عملنا موضوع وجمعنا فيه ايه الحاجات اللي ممكن تتضاف للماروتي باسعار كويسه وتديها قيمه كبيره...
طبعا للاسف الموضوع ده راح مع الداتا اللي راحت وقتها...

ففكرت اننا نرجع الموضوع بطريقه حلوة من تاني
كل واحد ممكن يخش يقولنا هو فعليا مركب ايه في عربيته وبالتالي هيحصل تبادل للافكار والآراء وكل واحد يتعرف على حاجات جديده ممكن تضيف لعربيته...

وهبدا بنفسي هذكر شوية حاجات وطبعا هنا بتكلم عن الاكسسوارات...

انوار الصالون ليد ابيض...
انوار العدادات ليد ابيض تلجي
مسند ايد مع اتنين مج هولدر قدام وواحد ورا وجواه درج لبعض الاحتياجات من شرايط على فلوس معدن على فيوزات...
مركب للطارة مقبض زي بتاع الميكروباص وده بيخلي العربيةكأن فيها باور بس مش بيفصل عالسرعات
هههههههههههههه
2مخادع راس في الكراسي
ستوب فرامل خلفي
غطا تابلوه فرو
طقم غطا لراس الفتيس والعصايه والهاند بريك بلون التابلوه
طبعا مفيم درجة 0-1 خفيفه جدا للعربية كلها ماعدا الخلفي والبربريز
كنت مركب ار بي ام لكن مكنش بيدي قرايه صح 100% عشان مكنش لل3 سلندر
عالعربية من الخارج:
مرايات محدبه صغيره في زوايا المرايات
حرف اس (علامة سوزوكي )ملزوقه عالشنطه في النص ورا وعلى الكبايات اللي راكبه في الجنوط
حلية شكمان
مساحات مسطره قدم وورا

كان نفسي احط سبويلر نضيف بس مدورتش عله الحقيقه...


مستني كل واحد يحكيلنا وياريت لو في صور كمان ومحدش يحرجني ويطلب مني صور لاني بره البلد
:b4_282: :b4_282: :b4_282:


تحياتي