تقرير نايل موتورز المصور عن جيلي إمجراند

**bassem.naguib** · 05-01-2014 07:58 AM

المشاركة الأصلية كتبت بواسطة afoshy

هى النوع اللى نازل منها زجاج فامية وزيادة الف جنية فى السعر ياترى الفامية دا زجاج خلفى وجانبى امامى وجانبى خلفى ولا زجاج خلفى وجانبى خلفى بس ؟؟؟؟؟ وياترى موضوع الفامية دا طالما هو فامية فبريكة بيدفعلة فلوس فى المرور ولا بتترخص عادى وكمان هى درجة الفامية بتاعها كام ؟؟؟

زجاج فامية خفيف في الزجاج الخلفي وفي الشبابيك الخلفية فقط .. الشبابيك الأمامية مفيهاش .. والمفروض بيترخص عادي في المرور وبيتكتب زجاج خلفي مظلل .

**nasr-eldeen** · 23-01-2014 09:25 AM

ما شاء الله
تقرير رائع
ومشاركات بناءة
سؤال رفيع
لظروف بعت سيارتي لانسر سبورت ، هل هتعوضني هذه السيارة عن اللانسر ؟

**bassem.naguib** · 23-01-2014 11:43 AM

المشاركة الأصلية كتبت بواسطة nasr-eldeen

ما شاء الله
تقرير رائع
ومشاركات بناءة
سؤال رفيع
لظروف بعت سيارتي لانسر سبورت ، هل هتعوضني هذه السيارة عن اللانسر ؟

لكل سيارة مذاق وطابع ومقام .. فيه فرق بين الألماني والياباني والكوري والصيني .. فلكل مقام مقال .. المتحكم في الأول والأخر هو القدرة الشرائية .. ولكن تبقى مقولة أيه اللي حتديهوني العربية مقابل ما دفعته فيها سواء في جودة أو خامات أو أوبشن أو أمان أو قوة .
وفي النهاية الكمال لله وحده

**nasr-eldeen** · 28-01-2014 12:13 AM

المشاركة الأصلية كتبت بواسطة bassem.naguib

لكل سيارة مذاق وطابع ومقام .. فيه فرق بين الألماني والياباني والكوري والصيني .. فلكل مقام مقال .. المتحكم في الأول والأخر هو القدرة الشرائية .. ولكن تبقى مقولة أيه اللي حتديهوني العربية مقابل ما دفعته فيها سواء في جودة أو خامات أو أوبشن أو أمان أو قوة .
وفي النهاية الكمال لله وحده

اشكر اهتمامك بالرد
لكني لا اقصد التعويض عنها انها تماثلها لان اكيد مفيش عربية زي الثانية ، وكلها أذواق
يعني انا كان معي فيات بيترا قبل اللانسر وكنت دائماً ومازلت على قناعة ان البيترا كانت أقوي وأثبت من اللانسر لكنها كانت ضيقة وتنقصها بعض الكماليات وعلى رأسها الجير الاوتوماتيك
لكني اقصد بالتعويض عن اللانسر
الإحساس بالأمان مع السيارة وأنها يعتمد عليها في الأجواء والطرق المصرية
يعني وانا راكبها أستطيع ان أسافر باسرتي وانا مطمئن علي من معي " كل شيء بقدر الله في الاول وفي الاخر "
هو ده مقصدي عن انها تعوضني عن اللانسر

**nasr-eldeen** · 28-01-2014 12:30 AM

وهل متوقع ان يكون منها أوتوماتيك

**bassem.naguib** · 28-01-2014 12:56 AM

المشاركة الأصلية كتبت بواسطة nasr-eldeen

اشكر اهتمامك بالرد
لكني لا اقصد التعويض عنها انها تماثلها لان اكيد مفيش عربية زي الثانية ، وكلها أذواق
يعني انا كان معي فيات بيترا قبل اللانسر وكنت دائماً ومازلت على قناعة ان البيترا كانت أقوي وأثبت من اللانسر لكنها كانت ضيقة وتنقصها بعض الكماليات وعلى رأسها الجير الاوتوماتيك
لكني اقصد بالتعويض عن اللانسر
الإحساس بالأمان مع السيارة وأنها يعتمد عليها في الأجواء والطرق المصرية
يعني وانا راكبها أستطيع ان أسافر باسرتي وانا مطمئن علي من معي " كل شيء بقدر الله في الاول وفي الاخر "
هو ده مقصدي عن انها تعوضني عن اللانسر

في البداية أنا معنديش العربية فمش حقدر أحكم عليها بشكل موضوعي .. ولكن من خلال مواضيع مالكيها في المنتدى ممكن تستشف الكثير عنها بصفة مبدئية .. والكل بيشكر في نقطة ثباتها دي بالذات والأوبشن اللي فيها ولكن في المقابل أكيد فيها بعض العيوب زيها زي أي عربية .. دي بقى نقطة ترجع ليك أنت بس هل ممكن تتقبل العيوب دي وتتعايش معاها ولا حتبقى تقيلة على قلبك .. العربيات على فكرة زي الستات ممكن تكون واحدة جميلة جداً وبنت ناس بس ريحها تقيلة على قلبك والعكس صحيح ..
أرجو أن تكون وجهة نظري وصلتلك .. ولكن علشان تاخد مني رأي بالتوجيه لسيارة معينة فدي مسئولية أنا مقدرش أتحملها حتى لو كانت السيارة خارجة من أكبر صانعي السيارات .

المشاركة الأصلية كتبت بواسطة nasr-eldeen

وهل متوقع ان يكون منها أوتوماتيك

كانوا بيقولوا حينزلوا اتوماتيك منها بس 1800 سي سي .. بس مش عارف الأخبار دلوقتي أيه .. وممكن تسأل ا/ مينا اسكندر وهو مسئول مبيعات في جيلي عن الأخبار

**MinaEskander** · 29-01-2014 02:59 PM

المشاركة الأصلية كتبت بواسطة bassem.naguib

في البداية أنا معنديش العربية فمش حقدر أحكم عليها بشكل موضوعي .. ولكن من خلال مواضيع مالكيها في المنتدى ممكن تستشف الكثير عنها بصفة مبدئية .. والكل بيشكر في نقطة ثباتها دي بالذات والأوبشن اللي فيها ولكن في المقابل أكيد فيها بعض العيوب زيها زي أي عربية .. دي بقى نقطة ترجع ليك أنت بس هل ممكن تتقبل العيوب دي وتتعايش معاها ولا حتبقى تقيلة على قلبك .. العربيات على فكرة زي الستات ممكن تكون واحدة جميلة جداً وبنت ناس بس ريحها تقيلة على قلبك والعكس صحيح ..
أرجو أن تكون وجهة نظري وصلتلك .. ولكن علشان تاخد مني رأي بالتوجيه لسيارة معينة فدي مسئولية أنا مقدرش أتحملها حتى لو كانت السيارة خارجة من أكبر صانعي السيارات .

كانوا بيقولوا حينزلوا اتوماتيك منها بس 1800 سي سي .. بس مش عارف الأخبار دلوقتي أيه .. وممكن تسأل ا/ مينا اسكندر وهو مسئول مبيعات في جيلي عن الأخبار

----------
شكرا جزيلا أ/ باسم
وحتي الان لم يتم الأفصاح عن الاوتوماتيك بسبب شائعه قرار الدوله عن البنزين سوف يتم رفع الدعم عن السيارات التي يزيد سعه السي سي عن 1600 cc ... والله اعلم