الموضوع: الحقووني يا رجالة الرخصة أتسحبت بسبب الفاميه

المشاركة الأصلية كتبت بواسطة Nistelrooy

علي فكرة التصالح الفوري بـ 40 جنية ..

والكماين كتير الايام دي علي الفامية خصوصا يعني لو لقيت لجنة 95 % بدور علي فامية ..

والله انا اللي كنت اعرفه ١٥٠ ،،، بس الله اعلم ممكن برضه ،،،، انا قبل كده كمين وقفني و قالي الرخص جيت اطلع الرخص اكتشفت ان اخويا كان اخر مره ركب العربيه خد رخصتها معاه طلعتله توكيل باسمي خده و مشي راح يدور علي عربيات تاني في الاشاره واقفه اديت انتظار و فضلت مستنيه بكل برود في و سط الاشاره حتي لما فتحت لحد ما رجعلي تاني قولتله عايز التوكيل قالي مع الضابط في اول الاشاره روحتله قالي انا انت مش معاك رخصه فانا هاخد التوكيل لحد ما تروح تدفع مخالفه و تستلمه تاني قولتله طب و ليه ما لو حضرتك فاضي بقي انا كمان فاضي و خلينا قاعدين لحد ما اكلملك خويا يجيلك من التجمع لحد رابعه العدويه هنا يوريلك الرخصه قالي طب و علي ايه كل ده ما انت ممكن تعمل تصالح فوري قولتله كام قالي ٥٠ جنيه و هديلك تصالح بمخالفة عدم اتباع قواعد المرور
ههههههههه عرفت انه بيصبح عليا و عايز فلوس علشان يسبني امشي علشان اصلا مفيش مخالفه اسمها كده اديتهومله و اداني ايصال بالمبلغ و عليه المخالفه الجهنميه دي و انا ماشي بيقولي طب ما تخليك اشرب معايا شاي

المشاركة الأصلية كتبت بواسطة darkmagician

مفيش حاجة اسمها تصالح فوري للفاميه ده الظابط بس بيمشيها كده ويكتب اي مخالفة تانية ب 50 جنيه مثلا ويكتفي انك تفك الفاميه يعني حسب الظابط في ظابط ملتزم انو ينزلك فحص وفي ظابط بيمشي الامور

+١١١١١١١١

انا قولت هو غالبا كده يعني بياخد اي مصلحه منك باي اسم مخالفه و خلاص و يعديك ،،، انا كنت شاكك في كده و كنت عايز اسال هو حاجه قانوني يعني لو قالي لا ارخم و اقوله مش ماشي ولا مش قانوني و مادام طلعت مش قانوني يبقي متقدرش تبجح لو قالك لا

المشاركة الأصلية كتبت بواسطة darkmagician

انت لو فتحت بقك وعندت معاه ممكن يعمل فيك تقرير يبهدلك ساعت الفحص وتدفع مخالفة اكبر

احسن حاجة تتكلم مع الظابط بهدوء لو قالك حسحب الرخص قولو طب ممكن اشيل الفاميه وااخد الرخصة ومتحاولش تتحجج كتير يعني متقولش اصل عندي حساسية في عيني

اصل الغلط غلط وافضل حاجة ساعت الغلط الاعتراف بيه بس فيه ظباط معندهاش تفاهم سحب يعني سحب

تقرير ازاي مش فاهم ؟ و طبعا مادام هو مش شيء قانوني خلاص مش هتعرف تقوله تلت التلاته كام
بس حوار التقرير ده ايه يعني بيكتب حاجه مش في العربيه و يلبسني فيها ولا ايه مش فاهم