الموضوع: أنا مخنوق اوي يا جماعة

عصبي = نص مجنون! إخلع وش - مش من قلت الستات

انت مش بتحبها ..و متأكد ان هي بتحبك ..
عايز ايه تاني ..كفايه قوي كده ..

وكل البنات كده ..والراجل الصح اللي يعرف يحتويها ويشكلها زي ماهو عايز..
انا مره مراتي مثلا عيطت علشان مجبتش طحينه مع السمك ..نزلت جبتلها الطحينه ..قامت معيطه علشان خليت شكلها وحش لما نزلت جبت الطحينه ..ومن ساعتها و بطلت تاكل طحينه :)
وانت قولت موقف انكم كنتم متخانقين ولما قابلتها ضحكت ولا كأن حاجه حصلت ..والبنت المعقده مستحيل مستحيل تعدي خناقه كده بسهوله ..فديه حاجه تحسب ليها :)

بص اناحاسس بيك انت اصلا في غربه وعواطفك وحالتك النفسيه كلها في الارض ..فالحجات ديه عمله فيك تأثير جامد دلوقتي ..فمتتسرعش في اتخاذ قرار ممكن تندم عليه بعد كده..

انا متفق تماما مع كلام الاعضاء المحترمين ان العصبية مشكلة مينفعش اغفوا عنها ولكن قبل كل شىء لازم تعرف اية سبب العصبية خصوصا ان اصلا فى الموضوع عامة فى عاملين انا شايف انهم ممكن يكونوا سبب العصبية
اولا الغربة وبعدك عنها اى بنت فى الفترة دية بيبقى نفسها تخرج مع خطيبها وتروح هنا وتروح هنا وتعيش نفس اللى عيشينوا صحبتها وهنا تسال نفسك هو انا لما ببقى موجود معاها هل بتبقى عصبية بردة
ثانيا موضوع قراءة الفاتحة اكيد الموضوع دة مسببلها ضغوط نفسية و ضغوط من قبل اسرتها وفى الغالب دة السبب
لان سنة كتير جدا وفعلا زى مالعضو الفاضل قال ان على الاقل لازم يكون فى خطوبة وشبكة وخلى بالك ان اصلا عدم الاستقرار بيتولد عنة العصبية وانت كدة مش محسسها بالاستقرار دة
وشوف بقى حضرتك هل كل المدة مكانت بتزيد بينكم بعد قراءة الفاتحة كانت العصبية بتزيد ولا لا بمعنى العصبية بدات تبان امتى
وانا لا ارجح فكرة التمثيل لانها لو كانت بتمثل كانت كملة دورها للاخر الغيط متتجوزوا عشان ساعتها مينفعش تسيبها
فى الحالة دية انا شايف ان المواجهة افضل حل تتكلم معاها بس تكونوا ادام بعض تواجهه بعصبيتها وتقولها اللى بيضيقك بالظبط
وهقول لحضرتك على حاجة فى حاجات تانية حضرتك بتقول انها متوفرة فيها حضرتك بتقول ان اخلاقها عالية وتعاملها وكلامها راقيين وحضرتك كمان متاكد انها بتحبك اوى اوى ودى كفاية جدا ودى نقطة حضرتك تلعب عليها عشان تغير من عصبيتها
وانا شايف ان اى حد ممكن يتغير بس لازم يكون فى عزيمة وارداة ونية فعلا للتغيير وحضرتك ممكن تغيرها وربنا ان شاء الله هيوفقك لانك عايز تغيرها للافضل والاحسن
وبردة حضرتك حاول مرة واتنين وتلاتة انك تغير من عصبيتها عشان لا قدر الله لو مفيش نصيب يكون ضميرك مستريح انك سبتها اة ولكن بعد معملت اللى عليك وزيادة مع العلم انك عشان تغير حد لازم يكون وجودك مرئى فى حياتك مش سمعى
واخر حاجة هقولها لحضرتك اى حد فينا فى طبع او صفة وحشة بيبقى نفسة يغير من الصفة او الطبع دة وبيتمنى ذلك وبيدعى ربنا بكدة فلو العصبية دى طبع او صفة او عيب فيها اكيد هى بتتمنى انها تتخلص منها وبتدعى ربنا بكدة لية بقة متفكرش ان ربنا سبحانة وتعالى جعلك سبب عشان تخليها تبطل العصبية دى
وفى النهاية هدى حضرتك مثال بسيط
لو انا بشتكى ان العربية مثلا سحبها ضعيف شوية وانا عارف ان انا مقصر فى حق العربية يعنى عارف ان العربية محتاجة اصلا بوجيهات وفلاتر وسيور وكدة وانا مش بعمل الصيانات دى هل هنا ينفع اشغل دماغى ان العيب ممكن يكون فى الديسك والاسطوانة ولا اشوف اية اللى انا مقصر فية الاول واصلحة واجربها لو لقيتها يتسحب حلو خير وبركة لقيتها مش بتسحب يبقى ساعتها اسال نفسى اية سبب المشكلة دية
انا شايف ان الموضوع فى فراغات زى موضوع انك بعيد عنها وموضوع طول مدة الفاتحة يبقى نسد الفراغات الاول ونشوف بعد كدة هل العيب لسة موجود ولا مش موجود
اسف على الاطالة
والله اعلى واعلم فيما قلت