الموضوع: أنا مخنوق اوي يا جماعة

عشان تريح نفسك من تأنيب الضمير وانك تسيبها او تفضل معاها
انت قولها كل اللي نفسك فيه وعيوبها اللي انت شايفها فيها
وقولها عصبيتك دي انا مش هستحملها ولو مش هتتغيري هنسيب بعض
لازم تجمد قلبك ولو متغيرتش يبقي متلومش نفسك لانك صارحتها بعيوبها وحاولت تغيرها
غير كدا لو فضلت بعصبيتها هتدمر حياتك وحياة اولادك
ولازم كمان تبقي شخصيتك قوية معاها يعني المفروض تخاف منك ومن زعلك
مش تزعلك وترجع تقولك متزعلش !
اسمحلي اقولك انك المفروض تقرصها بشوية تجاهل منك وحسسها انك هتضيع منها وزي ماقولتلك صارحها بكل اللي انت شايفه فيها مدايقك
واحد صحبي كان خاطب واحدة عصبية جداً وكل شوية تقولة انا هتغير بعد الجواز هتغير وهبقي زي مانت عايز !
قولتله وانت اية اللي يضمنلك انها تتغير ولو متغيرتش تلبسها بقيت عمرك !؟
صارحها بعيوبها زعقت فيه وقالتله انا كدا ومش هتغير ! سابها ومش ندمان
وربنا كرمه بواحدة تانية الحمد لله مبسوط معاها جدا
الجواز زي العربية - لازم تكون مطمن 200% ليها من كل الجوانب عشان تبقي مستريح ونفسيتك تمام

اختيار المراة للزواج مبنى على ركنين اساسين
الاول المقاييس العقلية والتى حث عليها الشرع والدين (فاحظى بذات الدين تربت يداك) ومن وجهة نظرى افتقاد هذا الشرط ابتداء يجعلك تصرف نظر نهائيا عن الموضوع لانه كما قال المعصوم صلى الله عليه وسلم تربت يداك يعنى بالبلدى ايدك والارض من الجوازة دى
الثانى الميل القلبى وهو احساسك بالحب والانجذاب تجاه الطرف الثانى وهذا الامر خارج عن سيطرة سعادتك بالكامل بل هو شعور قلبى غير مبرر تجده تجاه امراة معينة قد تكون اقل جمالا وثقافة ومستوى اجتماعى من اخرى اكثر منها فى كل شئ لانه امر روحانى والروح لا يعلمها الا خالقها
فاذا توفر لك الشرطان انصحك بالتمسك بيها لاقصى درجة ممكنة والتجاوز عن امور شخصية يمكن تعديلها بالتفاهم والنقاش ولا يوجد انسان تتوقف طباعه وشخصيته عند حد معين -فانا كنت فى يوم من الايام من اهدى الناس واقدرهم على الصبر والتحمل والان بعد ان قاربت الخامسة والاربعين من العمر صرت حاد الطباع جدا سريع الغضب وعصبى جدا بالرغم من محاولاتى التغلب على ذلك فلا تجعل هذه الاشياء تؤثر فى قرارك فان حصولك على امراة يميل اليها قلبك جوهرة يجب الحفاظ عليها
تقبل تحياتى

انت لسه علي البر بلااااااااااااااش

الاستخاره اهم شىء
بس واضح انك مستبيع لانك فكرت فى انك تنفصل وده فى حد ذاته مؤشر مهم بيقولك ابعد

المشاركة الأصلية كتبت بواسطة lanos2004

شوف لو هيه عصبيه وانته عصبى الطلاق بعد شهرين جواز-لو انته هادى وهيه عصبيه ممكن تكملوا جواز حوالى 20 سنه وبعدين تطلقوا-عن نفسى مكملتش سنتين--والزوجه الى فى الطريق عصبيه برضه يعنى سنتين وتاخد طريق الى فاتت-ان شاء الله- ويا اكمل لوحدى يا هشوف التالته

هههههههه
ماعرفش ماقدرتش امسك نفسى من الضحك ليه
كويس انك واخدها ببساطة