لا و الله الصوت مارحش و انا مستنى يكلمونى بس لو محدش اتكلم هاروح اوتوا ايجيبت و اشترى نفسى
عرض للطباعة
لا و الله الصوت مارحش و انا مستنى يكلمونى بس لو محدش اتكلم هاروح اوتوا ايجيبت و اشترى نفسى
أنا طبعا من رأيى صاحب الموضوع يرجع للسبع تانى طالما ما اتحلش الموضوع و يخليهم يحلوا المشكلة و ما أعتقدش انهم ممكن يتأخروا
وانا كنت روحت السبع من اسبوع كنت عاوز اركب حاجات و كانت معاملتهم كويسة جدا و دخلونى جوا الورشة و كنت مسافر من اسكندرية و وصلت متأخر الساعة 1 الضهر و مع ذلك دخلونى الصيانة وكانت مهندسين غاية فى الذوق و التفهم بصراحة
أنا مشكلة الفرامل عندى لسه جديدة وهى لما اضغط دواسة الفرامل و انا ماشى اسمع صوت صفارة زى فرامل النقل و لما اكون واقف و اشيل رجلى من على دواسة الفرامل اسمع صوت تخبيط من تحت
السلام عليكم ورحمة الله وبركاته جميعا
كل سنة وانتم طيبين واستهدوا بالله كده وصلوا على الرسول الكريم عليه الصلاة والسلام وكمان صلوا على سيدنا عيسى عليه السلام وعلى كل انبياء الله السلام ( خلااااااااص هدينا )
ندخل فى الموضوع بقه / انا حصللى مشكلة قبل كده بسبب الضغط الموجود على مركز خدمة السبع لأنه مركز محترم والناس بتجيله من كل المحافظات تقريبا المشكلة انى كنت بعمل صيانة ال10000 ك وقتها وهى بتاخد 3ساعات والساعة كانت 12ظهرا يعنى المفروض استلم العربية الساعة 3عصرا بس اللى حصل انى استلمت العربية الساعة 5.30مساء وكانت اخر عربية خرجت من المركز فى نهاية يوم العمل عندهم طبعا كانت اول مرة يحصل كده معايا خصوصا انى عميل دائم عندهم لما استلمت العربية لقيت الصالون فيه اثار وساخة من ايد العمال اتجهت الى مدير المركز الباشمهنس معتز الرجل المحترم جدا والمهذب جدا وقلتله المشكلة وطلب مهندس الإستقبال وطلب الأوردر بتاع دخول السيارة وشاف ان السيارة دخلت الساعة 2.15 ظهرا يعنى بعد ساعتين وربع من المعاد اللى جيت فيه وشاف ملاحظاتى على السيارة بعد ما خرجت وكنت دفعت فلوس الصيانه وكانت حوالى 400 جنيها عمل حاجة غريبة ولكن محترمة جدا انه عمل خصم 100% على المصنعية وكانت حوالى 150جنيها والأحلى من كده كمان انه اعتذر لى بطريقة غاية فى الأدب ومن يومها أصبح صديقى وأخى ولقيت على مدار 4سنوات من التعامل معاهم انه فيه تطوير دائم للمركز والمهندسين والفنيين الموجودين هناك وكذلك الإمكانيات المستخدمة والدليل أن المركز حصل على مدار 3سنوات على المركز الأول من ضمن سلسلة مراكز الخدمة المعتمدة من مصنع نيسان مصر ولو ليك أى شكوى تؤخذ فى الإعتبار فورا على فكرة والله انا عميل عادى جدا ومش قريب اى حد هناك والله بس للأمانة وجبت هذه الشهادة فى غيابهم
أخوكم فى الله خالد شاهين
إدعوا لمصر ربنا يحفظها برحمته وقدرته
عاشت مصر عزيزة مكرمة بأبنائها
ده كلام محترم جدا وأنا أيضا من خلال تجربتى معاهم بعد أستلامى النيو صنى ب 48 ساعة كان مفتاح التكيف بايظ وصوت تكتكة بالسى دى روحتلهم وقلت لمهندس الأستفبال على المشكلتين دول وكنت عامل بالعربية 80 كم صلحوا العربية 100% وغسلوها ومدفعتش جنية وشكرت مهندس الأستقبال أللى كان ذوق جدا جدا ومشيت وأتصلوا بى تانى يوم عن أنطباعى عن المركز وجودة الخدمة المقدمة وسجلت أنطباعى وشكرى ليهم المهم الموقف أللى حصل للزميل العزيز ممكن يكون موقف عارض نتيجة الضغط على مركز السبع وطبعا لا يعفيهم هذا من المسئوليه ورأيى أن حضرتك تسجل شكوتك عند الأتصال بيك او لو حتى متصلوش أتصل حضرتك بيهم وأنا متأكد أن حضرتك هتأخد حقك 100% أنشاء الله وما ضاع حق وراءه مطالب ولك تحياتى :36_1_37[1]:
الموضوع يا فندم مفيهوش اى تعصب خالص و انا ذكرت فى تعليقى ان نيسان بتسمع للملاك كويس عن طريق احمد طبعا و كمان بتهتم انها تتكلم بعد كل صيانه و تطمن ايه أخبار الصيانه و اللى بيتكلم هنا الوكيل اللى عملت معاه الصيانه و بعده نيسان مصر بتتكلم هى كمان . المقترحات اللى بنقولها بيسمعوها و بينفذوا الممكن منها . اى حاجه بايظه بيغيروها لوحدهم حتى لو كان فاضل شهر و العربيه تخرج بره الضمان . لسه عاملين برنامج لتبديل الصنى القديمه بالجديده. لما بيكون فى مشكله عامه ظهرت حتى بره بيعلنوا عنها و يستدعوا السيارات من ذات الموديل للكشف عليها. بيتواجدوا معانا فى الاجتماعات الكبيره و بيجيبوا الموديلات الجديده وناس من التوكيل و المصنع يشرحولنا الجديد و ده اكيد بالتنسيق مع احمد والمنسقين المساعدين و بيعملوا زيارات للمصنع للاعضاء لرؤيه المنتجات الجديده و حاجات زى كده و هو ده اللى بيخلينى احترمهم و الواحد قبل كده جرب ماركات عربيات كتير و أتعامل مع توكيلات تانيه و شاف الفرق و باتكلم من المنطلق ده . انا مش شريك فى نيسان و لا بتاع مبيعات علشان اتعصب لها و لو شفت حاجه غلط ما باسكتش عليها حتى بص على تعليقى فى الاول قلتله يعمل ايه و الناس إللى بتضرب فى بعضها :) تقبل تحياتى و أرجو ان تكون الصوره قد اتضحت. على فكره بالمناسبه انا ذكرت فى مشاركه سابقه لى ان السبع مش متمكن من كيا زى نيسان فى موضوع الصيانه ده و فى فرق واضح و كنت قلت ساعتها انه جائز لقله خبره الفنيين فى التعامل مع كيا بس الموضوع ده فعلا صحيح و حصل قدامى و انا شفته فقلته عادى
اولا .. ياريت صاحب المشكلة يكلمهم شخصيا .. ويبلغهم .. بالمشكلة اللى حصلت معاه .. وبدون تدخل منى
وشوف هما هيتموا ولالا
ثانيا .. اى مكان ناجح بيهتم بعملائه ويهمه سمعته .. ووارد يحصل خطا .. بس المهم انهم مش ينكروا ويتعملوا بهنجهية زى باقى المراكز او التوكيلات المنافسة ..
ثالثا .. معلش مع احترامى للجميع .. مش مشكلة فردية .. يبقا اصدر حكم كلى على اى مكان .. وخصوصا لو كان ناجح .. لان زى ما قولت وارد الخطا .. المهم ان المكان ده يصلح من اخطاءه وسلبياته .. وده اللى بنشوفه
احنا فى قسمنا لما واحد يجيب موبيل جلاكسى ويطلع فيه عيب او عشرة .. من ضمن الافات معاها التليفون وكويس .. بنفتكر ان الموبيل ده فيه عيب .. فبلاش ننظر الى تجربة فى مكان مهما كان سمعته واصلة زى نايل موتورز الى ان المشاكل اللى فيه تبقا مشكلة مسمعة فى مصر كلها .. فعشان كدا لازم نقيم الامور بعقل وبهدوء
احنا عندنا منبر مهم وكلمته مقروءة .. فلازم لما نقيم نقيم للصالح العام .. ونقيم بمتهى الهدوء والعقل .. مش نصدر كلام ونقول ان الكل سيئ وان بلاش تروحوا المكان الفلانى عشان تجربتى فيه سيئة .. لازم اشوف تجارب الاخرين .. لان احنا معندناش تصفية حسابات مع حد .. وفى المقام الاول بنعمل عشان صالح الاعضاء
اخيرا ....
انا معملتش حاجة ولا همزة وصل ولا حاجة .. فى ناس كتيررر جدا بتروح مراكز خدمة نيسان وبدون اى تدخل منى .. ولا حتى انهم اعضاء من نايل موتورز ولا استيكر ولا يحزنون .. وبياخدوا خدمة فوق الممتاز .. والتقارير موجودة هنا اللى بتثبت كلامى ..
لو مكنش المراكز دى ناجحة فى سياستها ومحترمة .. صدقونى مهما تدخلت مش حعرف اعمل حاجة
واتمنى ان صاحب المشكلة ميستناش لما يتصلوا بيه .. ويبغلهم بالمشكلة .. ويقولهم انا بقدم شكوى
او لو حداتصل بيه من المركز يسالوا على الصيانة .. يبلغوهم بردوا انه بيقدم شكوى
وان شاء الله حتشوف تصرفهم حيكون ايه معاك .. وباذن الله تتحل كل مشاكلك
تحياتى للجميع
على فكرة الموقف اللى حصل معايا كنت هاعديه و مش هادق انا اللى غاظنى الكدب و حتى محاولوش يغيروا مكان العربية بس لما لقيت الرجل اللى قفل الطريق و قعد فى الارض لغاية مجالوا مهندس الصيانة عرفت انه مش موقف فردى و على فكرة الجل ده كان مهندس و حوالى فى الخمسينات و يمكن عربيته مشكلته اكيد اكبر من مشكلتى.انا ماجبرتهمش يكشفوا على العربية انا اكتفيت بقول المهندس ان ده من الصاجة الخلفية للتيل و كنت هاروح انما الاشتغالة و نكشف و ساعه و ربع و اتفضل انتظر .الصدق اهم شىء فى التعامل و انا مش بسوء سمعته انا بقول اللى حصل بالظبط وانا عارف و متاكد ان توكيل نيسان من احسن التوكيلات فى مصر بس بامانة التعامل فى اوتوا ايجيبت حاجة تانية
اكيد اللى حصل بيسيب انطباع سيئ عندك .. ولكن زى ما الاعضاء قالولك وفهموك .. وارد من كثرة الضغط عندهم .. المهندس افتكر ان العربية اتحركت واتعملت .. بسبب كمية العربيات اللى عنده .. لان استيعاب السبع عدى دلوقتى ال100 عربية فى اليوم
ولكن مايشفعش ان فى غلط .. واكيد حيعالجوه .. ولما يتعاملوا معاك اكيد ساعتها حتغير رايك .. لان انا اعلم انه مركز محترم .. ولو عنده خطا بيعترف بيه .. وحتشوف حيعملوا معاك ايه
على فكرة حتى اوتو ايجيبت ومودرن واى مكان وارد ان يكون فيه خطا .. زى ما قولتلك المهم .. تدارك الخطا والسلبيات والاعتراف بيها وتحويلها الى ايجابيات والاستفادة منها هو ده الاهم
انا نفسى كنت فى مركز خدمة محترم وكبير .. وعملت ظبط زوايا .. والعربية خرجت الطارة معوجة جداااااااا
وسلمولى العربية وقالولى تمام .. واتظبطت .. ولما جيت اسوق .. لانى مطمن طبعا .. لقيت الطارة مش مظبوطة خالص
وتانى يوم روحتلهم .. وظبطوا العملية .. واعترفوا بالخطا .. واهتموا بالكواليتى كنترول وقتها فى المراجعة ورا اللى بيظبط زوايا
ان شاء الله خير .. بس زى ما قولتلك .. لازم تبلغهم .. لما يكلموك او لما تكلمهم
تحياتى
اخى الكريم
صاحب المشكله
اخوانى الاعزاء
تابعت باهتمام المشكله وردودكم عليها مابين مهاجم ومعارض ومدافع ولك منا يدلى برأيه اما من خلال تجربه شخصيه او ان طريق الصيت والانتشار
انا ليس مع او ضد
ولكن انا مع الحق وضد الباطل
انا من المتعاملين مع السبع من وقت شراء السياره اى مايقرب من العامان
فالخطاء وارد فى كل الاحوال والخطاء هنا هو الخطاء الغير مقصود او متعمد
والخطاء غير التجاهل
فالتجاهل هنا اخطر من الخطاء ذاته
ومن حكم تعامل مع فريق العمل بمركز السبع بزهراء المعادى انفى عنهم التجاهل لانه لو موجود لاأحسست به منذ اول لقاء لى فى هذا الصرح ورغم ان الخطاء وارد الا انه ولله الحمد لم يحدث معى حتى تاريخه
( علما بانى كنت فى السبع اليوم وبدون حجز وبدون ميعاد وتصلت بالمهندس اسلام لمساعدتى فى حل لمشكله واجهتنى مع الريموت) فما كان من الرجل الا انه طلب منى الحضور الى المركز وقام بحلها دون ادنى مشكله او عائق او اى تكاليف تذكر __ مع العلم لو انه تحجج بانه مش فاضى او وراه شغل او انه يلزم حجز ميعاد لبحث هذه المشكله وهذا من حقه الا انه اصر على حضورى الى المركز لحلها )
وهذا يعنى ان فريق العمل هناك حريصا كل الحرص على راحه العميل مع العمل على حل مشكلته فى اسرع وقت وان امكن بدون ان يحمله تكاليف
ومن هذا المنطلق اوجه كلمه لصاحب المشكله
كان لزاما علي حضرتك الا تخرج بسيارتك من المركز طالما ان ماسجل فى امر الشغل لم يتم تنفيذ كما ينبغى ( احيانا صادفنى ذلك ودخلت العربيه مره اخرى)
اتفق مع الساده الاعضاء فى ضروره الرجوع الى السبع عن طريق خدمه العملاء وعرض مشكلته
ومن خلال تجربتى مع السبع وخدمه العملاء سيلقى متابعه واهتمام لحين التأكد من حل المشكله
اخيراً ليبس معنى ان صادفت شخصاً سيئاً فى هذا المكان ان يكون كل مابه سئ
تحياتى لكم جميعا ولصاحب المشكله
وارجو ان لاينظر لكلامى على انه تحيز لآحد او انه موجه ضد احد
تقبلوا منى مرورى على موضوعكم العطر