تجربة سيئة مع السبع موتورز
انا كنت عملت موضوع عن صوت الصفارة اللى عامل زى الاتوبيس او التريلا حجزت ميعاد عند السبع و كنت فرحان ان مركز الصيانة قريب من البيت ومش هاظطر اضرب مشوار ابو رواش و كنت ناوى اعمل الصيانات كلها بعد الالف هناك المهم فضلت قاعد مستنى المهندس فترة و بعدين لما جه مكانش خلص اللى معاه و لا يوجد ادنى اهتمام فالمهندس اللى جنبه خد لورق و سمع الشكوى و قالى انها الصاجة بتاعه التيل الخلفى و هادخل اشوفها موجودة و لالا دخل و جه قالى ان الموجود محجوز باسم ناس و انحنا هنعمل اوردر بالقطعه و لما تتوفر هنكلمك بس برضه هنشيك على العربية و نشوف لو الصوت من حاجة تانيه طب الوقت اد ايه يابشمهندز قالى ساعه و ربع طلعت الاستراحة وانى اشوف العربية داخلة الصيانة مفيش و بعد نص ساعه تقريبا قالولى العربية جاهزة رحت لقيتها فى مكانها زى مهى ماتحركتش قيد انملة كشفتوا عليها ياباشمهندز كشفنا و كلوا تمام انا قلت يمكن الرجل مهذب جدا و مش ممكن يكدب ,روحت عشان استلم المفتاح دوخونى بين الكشكين بتوع الاستلام و بعدين الرجل بيقولى استاذنك تستنى شوية عشان الغسيل قلتله غسيل ايه العربية ماتحركتش من مكانها قعد يدور فى المفاتيح وانا عرفت مفتاحى من الميداليه كانوا حاطين عليه رقم غلط المهم اثناء دا كله لقيت رجل محترم قاعد فى الارض ووقف الطريق بعربيته نيسان صنى القديمة وجالوا الناس كلها عشان يحرك العربية حلف ما يتحرك و قعد يقول ايه التوكيل الجميل ده استلم عربيتك و محدش كشف عليها المهم جالوا مدير الصيانة و قالوا محدش كشف عليها عشان انا قولتلهم انااللى هكشف عليها بنفسى دخل العربية يابنى على جوة.اظن اللى حصل ده مايتقالش عليه غير عيب احنا مش اطفال معاهم يضحكوا علينا و يمشونا و عطلة على الفاضى امال توكيل ايه بقى