الموضوع: تجربة سيئة مع السبع موتورز

المشاركة الأصلية كتبت بواسطة land_cruiser

لأ مع احترامى ده مش حال توكيل نيسان خالص و إذا كانت فى حاله فرديه هما بيعالجوا الموضوع و ما بيخبوش أي حاجه و الكلام ده بنشوفه بعيننا و احنا فى التوكيل و بنقراه من زملاؤنا فى القسم مش كلام دعايه و لا تحيز و لما بنلاقى مشكله او اقتراح بنوصله للتوكيل عن طريق المنسق او احيانا اجتماعات مع الاداره و زيارات للمصنع لان فيه اهتمام واضح بالعملاء و هو ده اللى بيخللينا نشكر فيه مش دعايه لكن دى الحقيقه فعلا و ده مش بشهادتى لوحدى لكن ممكن حضرتك تبص على الموضوعات و تشوف و تحكم بنفسك. لو حضرتك عندك مشكله مع توكيل عربيتك او فى اكتر من حد عنده مشكله مع نفس ألماركه دة اللى يبقى توكيل سىء و ما ينفعش نعمم فى الموضوع ده على كل التوكيلات عامه و نيسان على وجه الخصوص .بالمناسبهة انا ملاحظ ان فى معظم تعليقات حضرتك من ساعه ما اشتريت الاسبورتيج انها فيها دائماً مقارنه مع القشقاى و محاوله إثبات ان الاسبورتيج هى الأفضل و ان هى اللى منتشره اكتر و ان هى الأحسن و دلوقتى حضرتك داخل تقول كل التوكيلات وحشه و حد يكابر؟ حضرتك فى قسم نيسان و الأعضاء هنا كلهم مالكين لعربيات نيسان و ممكن تعرف منهم او تبص فى المواضيع بتاعه القسم قبل أضافه التوكيل لقائمه التوكيلات السيئه

يا اخى العزيز بلاش تعصب انا والله لم انتبه انى فى قسم نيسان مع خالص تقديرى واحترامى للجميع
وبعدين انا الحمدالله مفيش اى مشكلة بينى وبين اى توكيل ولم اتكلم من فراغ ان بتكلم بناء على عدة مشاكل سواء فى المنتدى او خارج المنتدى
وبعدين السبع زى ما هو بيصين النيسان برضو بيصين الكيا
واخر حاجة ممكن اقولها ليك لولا نشاط واحد زى أ / أحمد مصطفى والذى عرفته عن قرب
قد إيه قدر يكون همزة وصل فعالة بين مركز الصيانة والعملاء وبعلاقاته قدر يتدخل ويحل مشاكل كثير . يعنى لازم يكون فى همزة وصل
وبعدين ياسيدى متزعلش نفسك توكيل نيسان احسن توكيل فى مصر
برضو مش ده إللى انا قصده - انا بتكلم عمتا فى مصر وعلى مستوى أى سلعة كبر حجمها أو صغر ما فيش حاجة عندنا اسمها خدمة ما بعد البيع بكل ما تحمله هذه االعبارة من معنى وده من وجهة نظرى المتواضعة وممكن تتغير لما الواحد يلاقى توكيل بمعنى الكلمة يكون فاهم شغله غير توكيلات نيسان ياعمنا طبعا علشان متزعلش