اقتباس المشاركة الأصلية كتبت بواسطة mado4ever مشاهدة المشاركة
الف شكرا يا رجالة على المتابعة
بس كنت عايز اعرف هى ضريبة الماكينة بتبقى فى حدود كام فى السنة واستهلاكها للبنزين بيبقى كام كيلو فى الصفيحة
وهو انا ممكن بالنظر اعرف اذا كان مغير عفشة وفرامل جولف عشان اتأكد ولا هو الموتور مش حيسقط غير بالحاجات دى اساسا
وهى العربية مافيهاش زجاج كهرباء ومن برة نضيفة بس رفرف واحد محتاج رش
يعنى كلام حضرتك يا استاذ سيد انها عالحالة دى حتبقى فى حدود 26 اخرها ؟؟
اذا كان هو لو مغير عفشة وفرامل تبقي مشكلة
و لو ماكنش مغير عفشة وفرامل (ورا وقدام) تبقي مشكلتين

اكيد لازم مغير

ومش مسألة 26 او 27

العربية المسقطة مشكلتها انك مش عارف قصتها ايه ؟؟
يعني مش عارف هو جايب عفشة ايه وفرامل ايه واتسقطت ازاي والكهرباء ايه نظامها

ولو انت قبلت بالسعر دة - لما هتيجي تبيع لا قدر الله - غيرك مش هيقبل بالسعر دة

انت لازم حاجات تشيل حاجات
يعني نظافة العربية وان مافيهاش مصروف يعوض معاك خسارتك في العربية اثناء البيع ويقلل عليك مصاريف تانية

فهمت قصدي ؟؟؟

يعني 26 يجيبولك عربية مافيهاش مشاكل وبموتور استوك بدون تكييف او باور
لكن هتبقي مستريح نفسيا وهتعرف تبيع بدون خسارة
ولو ركبت تكييف وروشتها - هتلاقي فلوسك اللي دفعتها وهتطلب فيها 28 و 30 كمان

فهمت قصدي ؟؟؟