الموضوع: تجربتى فى غسيل دورة التبريد فى الابيزا 98

السلام عليكم
وكل سنه وانتم طيبين
اللهم بلغنا ليلة القدر
ونسأل الله العلى العظيم ان يبلغنا هذه الليله المباركة
وان يوفقنا الى قيامها على الوجه الذى يرضيه عنا
وصلى الله على نبينا محمد وعلى آله وصحبه وسلم

انا بداءت اعمل حاجة حاجة فى شغل السرفيس للعربية الابيزا 98 .. وكان مهم عندى موضوع الردياتير لان صاحبها لسه كان مغير الردياتير قبل ما اشتريها بس كان بيحطلها مياه من الحنفية !! والحرارة كانت الحمد الله مفيهاش مشكلة معايا يعنى الموشر على النص
فا قلت الحق اعمل غسيل للردياتير والقربه قبل ما ميه الحنفيه والاملاح اللى فيها تأكل الردياتير ...

كنت فى كرفور ولقيت مياه رابيدو ( خضراء - حمراء - زرقاء ) بصراحة انا قلت اجرب المياه الزرقاء .. مش لاقى تجربه لحد مع المياه الزرقاء فحابيت اكون اول واحد يقول تجربته مع المياه الزرقاء رابيدو

علشان مطولش عليكم توكلت على الله وجبت جيركن 5 لتر وكان بـ 25 جنيه وكان معاه كمان مزيل الصداء رابيدو هديه ..
ورحت بنزينه شل اللى فى المعادى مصر حلوان الزراعى بصراحة ممتازة البنزينه دى وقلت عاوز اغسل الردياتير ..
كنت متوقع بقى ان المياه اللى هتنزب من الردياتير هتبقى صفراء بس الحمد الله المياه نزلت بيضاء زى الفل ودة طبعا علشان الردياتير جديد لسه ... وبعد كدة حط مزيل الصداء ومانع الصداء وغسل بيه الردياتير وبعد كدة بداء يضغط هواء بمياه فى القربة والردياتير علشان لو فى اى سدد فى الدورة !!

وغسل القربة كويس وبعد كدة حطينا المياه الزرقاء انا كنت متوقع ان الجركن هيخلص وازود بمياه مقطرة بس استغربت ان الدورة كلها اخدت حوالى 4.5 لتر ..

مش عارف دة معناه ايه ؟؟؟؟

المهم دفعت 30 جنيه للغسيل .. والحمد الله هو مفيش فرق فى سخونه العربية بعد ما عملت الغسيل ودة لان الردياتير جديد بس وقاية لان الاملاح هتأكل الرديايتر

ومؤشر الحرارة الحمد الله على النصف على طول وعامل حوالى 300 كيلو لحد دلوقتى والمياه مبتنقصش الحمد الله

بس بجد ..

30 جنيه غسيل + 25 مياه ردياتير = 55 جنيه

دة مش حاجة للوقاية من مشاكل السخونه وصداء الردياتير يعنى بجد المفروض كل صيف يتم عمل غسيل للدورة وتغير المياه


والحمد الله اهو بقزقز فى سرفيس العربية كل شويه حاجة

دعواتكم وكل سنه وانتم طيبين

وشكراً للقائمين على المنتدى على مجهودهم الرائع

وخصوصاً الاستاذ سيد