الموضوع: يوم 2 / 11 / 2012 يوم لن ينسى من ذاكرتى - موضوع خاص بيا

واذكر نفسى و اياك بحديث الرسول صل الله علية و سلم
داوم مرضاكم بالصدقات

المشاركة الأصلية كتبت بواسطة amrgamal1

انا لولا اني اعرفك كويس يا عم طناني ماكونتش صدقت الكلام دا والله !!!!
كل اللي اقدر اقولهولك ان اعصابك حدييييييد بجد ماشاء الله عرفت تتصرف علي قد ما ربنا قدرك
ربنا يقومهم بالسلامة يارب والبنت مايبقاش فيه مضاعفات ليها بعد كدا ولا لأمها
وابقي طمنا بالله عليك يا شيخ
ربنا معاك ولو احتجت اي حاجه احنا خواتك مش كلام وخلاص يعني

ربنا يكرمكم
والله لا حديد و لا حاجة كنت تشوفنى و انا باعيط زى العيال الصغيرين
بس انا كنت قدام اختيارين
انى افقد اعصابى و افقد الأم و البنت
او اتحامل و امسك اعصابى
و اتكل على الله و اعمل اللى يقدرنى عليه ربنا
و ربنا ادانى القدرة على التصرف
و الناس اللى حواليا عملوا حاجات لا يمكن حد يتخيلها
الستات اللى جم لمراتى بعد ما رحنا المستشفى
غسلوا السجاجيد و غسلوا الغسيل كله
و جابوا غساله تانى بالرغم ان عندى اتنين اتوماتيك
و نضفوا الشقه
و جهزوا اكل لمراتى من بيوتهم مش من عندى
ربنا يوقف لهم ولاد الحلال
و الرجاله اللى كانوا معايا كانوا بيحطوا فلوس فى جيبى عشان المصاريف
بالرغم ان كان فى جيبى بتاع 8000 جنيه
ربنا يقومهم بالسلامه

المشاركة الأصلية كتبت بواسطة ayman-ahmed

لا حول ولا قوة الا بالله.فكرتنى ب10 ايام مريت بيهم من سنتين لما ابنى اتولد ودخل المحضن فى مستشفى كان كل همهم شفط ما يمكن شفطه مننى والحمد لله انها بتيجى على الفلوس.انصحك باستشارة طبيب اطفال من برا المستشفى او تجيبه معاك يشوف البنت ويتابع حالتها لو تقدر وياريت يكون طبيب ثقة او معرفة شخصية على الاقل ليطمئن قلبك.

عاوز اقول لحضرتك اننى وصلت لمرحلة اننى كنت بتابع حالة الولد بنفسى وقريت مراجع وكتب طبية على النت كتير.وده كله عشان الاستشارى مكنش بييجى غير مرة فى اليوم ويقول من يخرج ومين يقعد وياما كنت بنام فى الشارع واستنى لما يجى عشان اساله ابنى عامل ايه.او الحالة اسمها الطبى ايه.

معلش طولت عليك وحاسس بكل حاجة انت بتمر بيها لاننى كنت فى مكانك وبجد وبعيدا عن اى مجاملات لو محتاج اى حاجة قولى.

ربنا يطمنك عليهم يارب بامره واسال الله العلى القدير ان يشفيهم.

انا عارف الكلام ده
و ان شاء الله بكرة هاشوف استشارى اطفال صاحبى او معرفه لدكتور عندى
يتابعلى الحاله مع المركز
لأنهم سفاحين و تجار دم و دى انا متأكد منها

ربنا معاك يا طنانى وبأذن الله تطمئن عليهم