الموضوع: ابعد عن المقطورة ! مدعم بالصور والفيديو للأمان أثناء التخطي

بسم الله الرحمن الرحيم


من يومين قرأت هنا عن زميل عزيز تعرض لموقف مؤسف في عربيته بسبب التصادم مع عربية نقل, وكان السبب الرئيسي وقوعه في منطقة لا يعلم انها غير مرئية لقائد العربية النقل أو المقطورة


وكتير من الناس لا يعلم المناطق دي وبيعتبر انه لما يكون موجود فيها ان سواق النقل شايفه بس بيستعبط وبيرمي عليه (ده مايمنعش ان معظمهم بقى حشاشين ومساطيل وفعلاً بيرموا ويكسروا ويرتكبوا جرايم) ... لكن خلينا دايماً مانحطش نفسنا تحت رحمة الصدفة ونعمل المصيبة ونقول "ربنا يستر" .. لأ نقول "اعقلها وتوكل"


علشان كدة حبيت اوضح المناطق والنقط غير المرئية واللي بيسموها الأمريكان Dead Points أو Blind Spotsأو No - Zone

ونبدأ بالصور الأول:

زي ماهانشوف تحت , فيه صورتين بتوضح الأماكن اللي ماتتوقعش انها تكون غير مرئية لكنها بالفعل خطيرة, فلما تلاقي نفسك محطوط فيها جنب عربية نقل أو مقطورة ...حاول تخرج منها قدر الإمكان



ودي كمان بشكل أوضح




وبالنسبة للتواجد أمام وخلف العربية النقل.... الصورة دي أوضح شئ بيقوللك هو مش شايفك فين:



ونلاحظ المناطق المظلله بالبرتقالي...هو عمره ماهايشوفك هنا




وبالنسبة للأماكن الأقرب من كدة, خلينا نشوف من موقع سواق النقل.... هو بيبقى شايف إيه




لكن في الواقع .... ممكن يبقى جنبه كل ده وهو مش شايفه !!!





امتى بقى تقدر تطمن انه شايفك؟؟ لما تشوف عينه ... بمعنى انك تبقى شايف وشه في المراية اللي جنبه.... أو : لما تكون قدامه ...يبقى كل الزجاج الأمامي لعربيته ظاهرلك في مرايتك زي الصورة دي





وربنا يسلم طرقنا جميعاً ...أي نعم لا يغني حذر من قدر وكل واحد فينا له معاد وأجل, لكن ربنا أمرنا بالتوكل واننا نعطي الطريق حقه... وأتمنى لنا جميعاً قيادة آمنة ومريحة والسلامة في البر والبحر والجو



أسيبكم بقى مع بعض الفيديوز اللي بتوضح الموضوع بشكل أكبر


Truck Safety - Stay out of Truck Blind Spots - YouTube



California DMV - Sharing the Road #4 - The "No Zone" - YouTube



TfL Lorry Blind Spots Film - YouTube


وده إعلان تحذيري كانت عاملاه شركة شل علشان التوعية بأمان الطريق

....l Oil Blind Spot - YouTube



سلام الله عليكم

---------------------
تم استبدال لينكات الصور بالصور نفسها
لتكون أكثر وضوحاً للإفادة العامة
مشرف القسم ب2
11:05 am
4-11-2012