بص يا ياسر باشا ....
العربية مخبوطه ... لو مش مسمعه جوه او رشه جوه ....ولو معموله صح ... ومش واخده معجون كتير .....ومش عمله بارومه .....يبقى ماشى تعدى بس تقلل من السعر
فيه كماليات حضرتك بتقول انها متركبلها .... زى المالتى فانكشن و المثبت السرعه ... هل دا معناه انها مش كماليات الفابريقه؟؟؟ لو كده يبقى التمن يقل حتى لو معموله صح..
موضوع البطاحات المشرخه ده.... مفيش حاجه اسمها كل البى ام كده ....العيب ده موجود فى بعض السيارات فى بعض الموديلات وبيبقى ليه حل وقائى زى التقويات اللى بتتعمل للشاسيه يعنى الحل ده قبل ما تشرخ ...يعنى ده برضه يقلل من السعر
اسعار قطع الغيار.... مش عايز ابقى مبالغ .... بس عايز اقولك انها تقريبا بسعر قطع غيار الكورى الجديد ... و متوفره جدا ..... باختصار شديد مش هتغلب
الموتور القديمm43 كويس بس تكنولوجيا اقدم شويه فاستهلاكه للبنزبن اعلى سنه حوالى 170 km فى الصفيحة داخل البلد و 220km على الطريق...... الفتيس الجديد كويس جدا لان القديم كان بيبوظ ...
انا رأيى انك لو اخدتها ب 90000 يبقى تمام ... و برضه اسئل الناس اللى هنا هيفيدوك اكتر منى لان هما فاهمين اوى