زيادة أسعار الإلنترا 2013

**Formulator** · 10-11-2012 02:07 AM

المشاركة الأصلية كتبت بواسطة AshTurbo

مفيش عربية عرفت تعلم على الألنترا في نفس فئتها ( علشان منعرضهاش ) ماعدا الفوكس بصراحة اللي أتوقع أنها تعمل شغل عالي مع الألنترا فمش مقتنع تماماً بحتتة الكورولا اللي علمت عالألنترا وأقدر بكل أقتناع ( على الأقل لنفسي ) أقولك أنه عيب سواق .

أهو انت كده بقيت AshNormal-Aspirated مش تربو ولا سوبر حتى؟!! ههههههههههههه

ياباشا الكورولا كل مرة عيب سواق؟؟!!!
ومنهم مرة أنا اللى نافخها،

وخد بالك أنا بتكلم عـ الجنوب أفريقى 2009 الـMMT
- وانت عارف سواقين الهيونداى: مابيصدقوا يلاقوا حد يجروا معاه.. بس بيزعلوا فـ الآخر؟؟!!! ههههههههههههههه

شوف أنا مبحبش لا دى ولا دى.. والعربيتين مش بتوع جرى أصلا!! Lol
أنا مش عايز أخرج برا موضوع النقاش، بس حبيت أوضح ان اللى بيشترى إلانترا عشان جرى وسرعة.. يبقى فاهم غلط!!

المشاركة الأصلية كتبت بواسطة SE_coralsea

و علي فكرة ... الالنترا مازال عليها طلب و اقبال كبييييييييير جدا بالرغم من أسعارها و ماحدش يقول أن الناس دس مش بتفهم في العربيات لأ .. الناس دي فاهمة كويس أوي هيا بتجيب ايه و بلاش استخفاف بعقلية المستهلك المصري أكثر من كده

ههههههههههههه
هو مين اللى بيستخف بعقلية المستهلك المصرى؟؟؟!!!!!!!!!
أعضاء المنتدى -اللى بيقولوا ماتستاهلش ثمنها، ولا غبو اللى بياخد 12 ألف جنيه زيادة عـ الـ25-30 ألف اللى هو واخدهم أصلا -قبل ماتغلى؟!!!

هههههههههههههههههههههه

- ماتقلقش انت بس عـ "المستهلك المصري" هو ضايع لوحده؟!! هههههههههههه
وماتخافش عـ الـresale بتاعك.. هتتباع برضه! Lol

المشاركة الأصلية كتبت بواسطة SE_coralsea

مع ملاحظة ان قطع غيار الألنترا md مختلفة تماما عن الألنترا hd من حيث النوعية و العمر الأفتراضي و ده سبب أنها غالية مقارنة بمثيلاتها في هيونداي لكن مازالت ارخص من مثيلاتها في الماركات الاخري المنافسة

e Respect لحضرتك.. كلام مش مضبوط طبعا؟؟!!!

- مختلف فـ النوعية إزاى إذا كانت معظم القطع الميكانيكية مش فارقة عن السيراتو والإلنترا القديمة؟!! ومن نفس الـSuppliers؟؟
وهو أصلا معندوش غير ماركتين Mando و Tycho وHella (صينى-كورى).. ولما ينظف أوى بيجيب Mobis

- وعرفت منين العمر الإفتراضى للقطع وهى العربية مابقالهاش غير سنة واحدة فـ السوق؟!!

(الله يرحم طقم السيور بتاع الإلنترا hd اللى كانت بتقطع وتجيب valvetrain، وطلمبة البنزين اللى كانت بتضرب مع تغيير الفلتر.. والفتيس اللى كان بيجيب مجموعة)!! Lol

وطبيعى جدا انه يضبط الزبون فـ أسعار قطع الإلنترا md مقارنة بالـhd
هو مش بايعها بـ150-170 ألف والقديمة كان آخرها 121 ألف؟؟!!! ههههههههههههههههه

لكن "لكن مازالت ارخص من مثيلاتها في الماركات الاخري المنافسة" ده كلام مغلوط
ليــــــــــــــه؟؟
دلوقتى مثيلاتها إتغيروا.. أصبحوا: الفوكاس والفلوينس والأسترا والإمبريزا والسيفيك وحتى الكورولا!!
ودول قطع غيارهم ألمانى-إيطالى-فرنساوى-يابانى.. بوش و Delphi وماريللى وSachs ووو...etc
- طبعا ولا كلمة فـ الأداء والعمر اللإفتراضى؟؟!!!

ولا هتقوللى المساعد ول تيل الفرامل الماندو بتاع الإلنترا md.. هيعيش (ولا أداؤه) أحسن من المساعد الـZF اللأمانى ولا التيل البوش؟؟!!!

ياعم بس يحلوا مشكلة التنطيط والتعويم وبعدين يتكلموا فـ المساعدين؟!! Lol
هههههههههههههههههه

**Youssef.Awad** · 10-11-2012 11:15 AM

المشاركة الأصلية كتبت بواسطة se_coralsea

شكرا علي الجدول ده و كان نفسي يكون فيه أسعار قطع غيار الالنترا علشان نقدر نقارن أسعار قطع غيارها بباقي السيارات الاخري في نفس الفئة ,

العفو يا فندم ..
لكن الجدول مقارنة بين العربيات اليابانية فقط .. عشان كده الالانترا والسيراتو وغيرها مش موجودين

**A.Adel** · 10-11-2012 01:53 PM

المشاركة الأصلية كتبت بواسطة SE_coralsea

أنت نسيت أو بتنسي أو بتتناسي أني أحد مالكي الالنترا md منذ أكثر من سنة و لحد دلوقتي في الصيانات ماغيرتش غير الزيت و فلتر الزيت , حتي فلتر البنزين غيرته خطأ و علي سبيل التجربة و أني أحاول أعرف شكله عامل أزاي و أهو موجود و بحالته عندي , العربية دي بالورقة و القلم و من خلال مراجعة كل الفواتير القديمة الموجودة عندي ارخص بكتييييييييييييييييير في أستهلاكاتها للبنزين و قطع الغيار من تويوتا (مع أحترامي الشديد جدا جدا لماركة تويوتا)

أنا مع حضرتك بس إنت مشيت كام ألف كيلو ؟؟
20000 أظن
دي مش فترة تقدر تحكم فيها على نوعية وجودة قطع الغيار

أه قبل ما أنسي و بمناسبة تويوتا أحب أقولك و أبشرك أني قبل كده مرمطتها كذا مرة مش مرة واحدة علي طرق السويس و الأسماعيلية بالألنترا اللي مش عاجباك (كورولا بكل أشكالها و فئاتها - ياريس)

هو قصده ال MMT مش العادية

**Samir Elshahawy** · 10-11-2012 02:36 PM

[frame="1 80"]
أنا مع حضرتك بس إنت مشيت كام ألف كيلو ؟؟
20000 أظن
دي مش فترة تقدر تحكم فيها على نوعية وجودة قطع الغيار
[/frame]

20000 كم دي كانت من 6 شهور تقريبا , العربية عاملة دلوقتي أكثر من 30000 كم
و فيه عربيات تانية عدت ال 60000 كم (مع 2 زملائي في الشغل) و مش عايز أقول لك علي المعاملة اللي بيعاملوا بها العربيات دي (معاملة قاسية و غير أدمية هههههههه)
و مافيش و لا صيانة و لا تغيير زيت و لا حتي الهوا
و مع ذلك العربيات الحمد لله و نمسك الخشب ماشية زي الفل و لا أتغير فيها حاجة غير الزيت مرة أو مرتين مش فاكر

أما الكورولا mmt كانت معايا برضه لمدة حوالي 3 شهور كانت عربيتي الياريس وقتها وافقة بسبب أنتهاء الرخص و قيام الثورة , العربية دي (الكورولا) قطعت بيها بي أم 318 علي طريق أسكندرية و مافيش عربية عرفت تعدي مني يومها بس عايز اقول لك الجري مش كل حاجة في العربية , ماهي نفس العربية دي دخلت التوكيل أكثر ما كانت بتمشي معانا لأن أتغير لها فتيس 3 مرات ده غير أستهلاك البنزين مش عايز أقول لك كانت بلاعة عايزة محطة بنزين وراها علي طول

**Samir Elshahawy** · 10-11-2012 02:43 PM

المشاركة الأصلية كتبت بواسطة ashturbo

ايوة عيب سواق لو أخدنا بالفيديوهين دول من موقع تويوتا بالعربية هتعرف أنه عيب سواق حتى مع الست نقلات بتاعة فتيس الألنترا المحرك هو الأنشط والأسرع :

أنا بقي عايز أسأل كل اللي محروقين من زيادة سعر الالنترا أوي كده ..
ماحدش ليه أتحرك و أتضايق لما تويوتا رفعت أسعار عربياتها (الكورولا - الياريس) لمجرد تغيير الشكل face left و أصبح السعر مبالغ فيه لعربية شكلها قديم و أمكانياتها هيا هي

دوروا في السوق هاتلاقوا عربيات كتير زادت بدون مبرر و برضه مش عاملين عليها الضجة دي كلها

و عموما زي ما قولت قبل كده و بأقول .. زيادة الاسعار لباقي العربيات جاية جاية ماتقلقوش بس هانشوف ساعتها هاتقولوا أيه و هاتعملوا أيه

**dozo** · 10-11-2012 03:25 PM

المشاركة الأصلية كتبت بواسطة se_coralsea

أنا بقي عايز أسأل كل اللي محروقين من زيادة سعر الالنترا أوي كده ..
ماحدش ليه أتحرك و أتضايق لما تويوتا رفعت أسعار عربياتها (الكورولا - الياريس) لمجرد تغيير الشكل face left و أصبح السعر مبالغ فيه لعربية شكلها قديم و أمكانياتها هيا هي

دوروا في السوق هاتلاقوا عربيات كتير زادت بدون مبرر و برضه مش عاملين عليها الضجة دي كلها

و عموما زي ما قولت قبل كده و بأقول .. زيادة الاسعار لباقي العربيات جاية جاية ماتقلقوش بس هانشوف ساعتها هاتقولوا أيه و هاتعملوا أيه

ابشرك يا بشمهندس و ابشر كل الناس فى الاهرام النهارده مكتوب زياده ضريبه المبيعات على بعض السلع و من ضمنها سيارات الركوب ( بشائر مشروع النهضه بدأت تظهر )

**Samir Elshahawy** · 10-11-2012 03:40 PM

المشاركة الأصلية كتبت بواسطة dozo

ابشرك يا بشمهندس و ابشر كل الناس فى الاهرام النهارده مكتوب زياده ضريبه المبيعات على بعض السلع و من ضمنها سيارات الركوب ( بشائر مشروع النهضه بدأت تظهر )

مش عارف أضحك

و لا أبكي

**BUNSH** · 10-11-2012 03:41 PM

المشاركة الأصلية كتبت بواسطة dozo

ابشرك يا بشمهندس و ابشر كل الناس فى الاهرام النهارده مكتوب زياده ضريبه المبيعات على بعض السلع و من ضمنها سيارات الركوب ( بشائر مشروع النهضه بدأت تظهر )

اتكلم فى اى حاجة وبلاش موضوع طائر النهضة بدل ما يضرب علينا

!

+ هوة لية اى موضوع محتواة (النترا ام دى / اتش دى / فيرنا / هيونداى ) تلاقى اقبال جماهيرى ومشاركات ؟!

احبيبتى النتـــــــــرا

-

الموضوع: زيادة أسعار الإلنترا 2013

LinkBack

أدوات الموضوع

عرض

-

-

-

-

-

-

المواضيع المتشابهه

تأثير زيادة أسعار التراخيص وإرتفاع البنزين على أسعار السيارات الجديدة والمستعملة

مشكلة فى إنذار الإلنترا 2013

أسعار ومواصفات الإلنترا الخليجى 2012

لا زيادة في أسعار السولار والبنزين ....

الكلمات الدلالية لهذا الموضوع

المفضلات

المفضلات

ضوابط المشاركة