زيادة أسعار الإلنترا 2013

**devil_storm** · 10-11-2012 04:41 PM

هو فعلا اسعار الهيونداي بقي مبالغ فيها بغبا بس هو الهيونداي فارس ناس كتير قوي كد!!!
عموما غبور حر و مدام في بدايل يبقي مفيش احتكار و يا ريت الناس تبص علي البدايل الاول و بالذات بيجو ٥٠٨ عربيه حكاية و اللي شايف ان الالنترا كويسة علي سعرها ربنا يباركلة و هي فعلا عربية جميله رغم انف الحاقدين

**dozo** · 10-11-2012 09:12 PM

المشاركة الأصلية كتبت بواسطة se_coralsea

مش عارف أضحك :c_laugh[1]: و لا أبكي

ان ممكن اطفش من البلد و اعتقد فيه ناس كتير بتفكر نفس التفكير اهو الواحد يروح اى بلد يركب النترا او اى عربيه بمواصفات و سعر غير الارف اللى احنا فيه

**dozo** · 10-11-2012 09:15 PM

[QUOTE=BuNsH_FoX;3874627236]

اتكلم فى اى حاجة وبلاش موضوع طائر النهضة بدل ما يضرب علينا

!

+ هوة لية اى موضوع محتواة (النترا ام دى / اتش دى / فيرنا / هيونداى ) تلاقى اقبال جماهيرى ومشاركات ؟!

احبيبتى النتـــــــــرا

ههههههههههههه و الله عندك حق ده ممكن يفرقع فى وشنا
اقبال جماهيرى عشان هى عليها اقبال جماهيرى

**Ultramisho** · 10-11-2012 11:03 PM

خبر الموسم صحيح في زيادة لضريبة المبيعات وكام
ده كده كل العربيات هتقفز وطبعا التوكيلات هتزود في الزحمة

وقال كان في ناس فاكرة ان الجمارك هتقل او تتلغي كمان

مش بعيد يجي بتاع ان الناس تقعد كلها في اودة واحدة علشان ترشيد الكهربا ويقولك عربية واحدة للاسرة او شركة بين اسرتين

حسبي الله ونعم الوكيل
استرها يارب

**A.Adel** · 11-11-2012 12:15 AM

المشاركة الأصلية كتبت بواسطة SE_coralsea

أنا بقي عايز أسأل كل اللي محروقين من زيادة سعر الالنترا أوي كده ..

ماحدش ليه أتحرك و أتضايق لما تويوتا رفعت أسعار عربياتها (الكورولا - الياريس) لمجرد تغيير الشكل face left و أصبح السعر مبالغ فيه لعربية شكلها قديم و أمكانياتها هيا هي

دوروا في السوق هاتلاقوا عربيات كتير زادت بدون مبرر و برضه مش عاملين عليها الضجة دي كلها

و عموما زي ما قولت قبل كده و بأقول .. زيادة الاسعار لباقي العربيات جاية جاية ماتقلقوش بس هانشوف ساعتها هاتقولوا أيه و هاتعملوا أيه

هو أنا مش محروق ولا حاجة ,هههههه :)

بس انا هقول لحضرتك ليه :)
عشان سعرها زاد 3 مرات
دي زادت 12000 في سنة واحدة
و لان أساسا سعرها عالي قبل ما تزيد

على فكرة أنا برده شايف إن الكورولا غالية
بس اللانترا دلوقتي بقت over قوي

**A.Adel** · 11-11-2012 01:02 AM

المشاركة الأصلية كتبت بواسطة ultramisho

خبر الموسم صحيح في زيادة لضريبة المبيعات وكام
ده كده كل العربيات هتقفز وطبعا التوكيلات هتزود في الزحمة

وقال كان في ناس فاكرة ان الجمارك هتقل او تتلغي كمان

مش بعيد يجي بتاع ان الناس تقعد كلها في اودة واحدة علشان ترشيد الكهربا ويقولك عربية واحدة للاسرة او شركة بين اسرتين

حسبي الله ونعم الوكيل
استرها يارب

فعلا بيحملوا الخير لمصر ههههههه

**A.Adel** · 11-11-2012 01:06 AM

المشاركة الأصلية كتبت بواسطة devil_storm

هو فعلا اسعار الهيونداي بقي مبالغ فيها بغبا بس هو الهيونداي فارس ناس كتير قوي كد!!!

عشان ناجحة
هي مش فكرة فارسه ,بس كده فعلا بقت زيادة قوي زي ما حضرتك قلت

المشاركة الأصلية كتبت بواسطة devil_storm

عموما غبور حر و مدام في بدايل يبقي مفيش احتكار و يا ريت الناس تبص علي البدايل الاول و بالذات بيجو ٥٠٨ عربيه حكاية و اللي شايف ان الالنترا كويسة علي سعرها ربنا يباركلة و هي فعلا عربية جميله رغم انف الحاقدين

هههههه
ما هو ده اللي فارس التوكيلات التانية
إنه عمال يغلي و بيبيع أكتر

أحسن توكيل ك marketing بصراحة

**bakkarahmed** · 11-11-2012 02:22 AM

المشاركة الأصلية كتبت بواسطة formulator

لكن "لكن مازالت ارخص من مثيلاتها في الماركات الاخري المنافسة" ده كلام مغلوط
ليــــــــــــــه؟؟
دلوقتى مثيلاتها إتغيروا.. أصبحوا: الفوكاس والفلوينس والأسترا والإمبريزا والسيفيك وحتى الكورولا!!
ودول قطع غيارهم ألمانى-إيطالى-فرنساوى-يابانى.. بوش و delphi وماريللى وsachs ووو...etc
- طبعا ولا كلمة فـ الأداء والعمر اللإفتراضى؟؟!!!

ولا هتقوللى المساعد ول تيل الفرامل الماندو بتاع الإلنترا md.. هيعيش (ولا أداؤه) أحسن من المساعد الـzf اللأمانى ولا التيل البوش؟؟!!!

ياعم بس يحلوا مشكلة التنطيط والتعويم وبعدين يتكلموا فـ المساعدين؟!! Lol
هههههههههههههههههه

مع احترامي الشديد لكلام حضرتك
اولا انا وناس كتير راكبين كوري مقتنعين ان الزياده في هيونداي غير مبرره وان العربيه اغلي من تمنها..
بس حضرتك بتقول جوده قطع الغيار ....العربيات الاوروبي (وليست الياباني) بصفه عامه بالرغم من جوده قطع الغيار انما مشاكلها كتيره جدا واعطالها متكرره وقطع غيارها نادره ..ولما بتفتح بقها بتخرب بيت الواحد وكمان بتفرهد في الحر والصيف..يبقي ليه الناس تحوي نفسها من الاساس مع عربيات فيها تكنولوجي بس في نفس الوقت كومبليكاتيد وقطع غيارها قليله وغاليه وشكلها مش ماشيه مع الاجواء الحاره اللي عندنا اضف الي ذالك نقطه مهمه جدا جدا ..القاهره والجيزه ممكن الواحد يلاقي فيهم قطع غيار الاوروبي انما عندك كل الاقاليم استحاله تلاقي فيها مسمار واحد لعربيه اوروبي يعني اللي بيحب يشتري حتي فيلتر زيت بيضطر ينزل مصر..طب ده كلام ينفع ؟؟؟؟؟
النقاط دي مهمه جدا للمستهلك والموضوع لازم يكون بنظره شموليه اوسع ( سلعه استهلاكيه معقوله + توافر مستلزماتها باسعار معقوله ) افضل بكتير من سلعه استهلاكيه ممتازه ينقصها توفر مستلزماتها وصعوبه صيانتها
كل ده ليه علشان تبقي ثابت بعد 120 والواحد ياخد غرزه حاده وقلبك ميت ...
اجواء مصر وطرقها وشعبها اساسا محتاجين عربيات عمليه..وطالما العربيه سلعه استهلاكيه يبقي الافضل هو الارخص والابسط...وجهت نظر

**Formulator** · 11-11-2012 03:58 AM

المشاركة الأصلية كتبت بواسطة devil_storm

و يا ريت الناس تبص علي البدايل الاول و بالذات بيجو ٥٠٨ عربيه حكاية

508؟؟؟!!!!!!

أيه اللى جاب سيرة الـ508؟؟!!!

ياجدعان الـ508 دى بتتقارن بالباسات والمونديو فـ الحجم؟!! وبالـ320 e90 فـ الأداء، وبالـC180 فـ البرستيج والشياكة!! Lol

لو -لو- فيه عربية فـ هيونداى هتتقارن بيها يبقى السوناتا 2.0 مش إلانترا؟!!!
(بصرف النظر عن الجمرك والضريبة الـweird بتاع الـ2000cc، ماليش فيه طالما فيه 1.6T تديها بالـ...)؟؟!!!

المشاركة الأصلية كتبت بواسطة bakkarahmed

مع احترامي الشديد لكلام حضرتك
اولا انا وناس كتير راكبين كوري مقتنعين ان الزياده في هيونداي غير مبرره وان العربيه اغلي من تمنها..

بس حضرتك بتقول جوده قطع الغيار ....العربيات الاوروبي (وليست الياباني) بصفه عامه بالرغم من جوده قطع الغيار انما مشاكلها كتيره جدا واعطالها متكرره وقطع غيارها نادره ..ولما بتفتح بقها بتخرب بيت الواحد وكمان بتفرهد في الحر والصيف..يبقي ليه الناس تحوي نفسها من الاساس مع عربيات فيها تكنولوجي بس في نفس الوقت كومبليكاتيد وقطع غيارها قليله وغاليه وشكلها مش ماشيه مع الاجواء الحاره اللي عندنا

هنا بقى أختلف معاك..!!
- أولا: آخر عربيات أوروبى كانت بتسخن الأوبل والفيات والفورد بتاع أواخر التسعينات-أوائل الألفين؟؟!!!
كلنا عارفين ان الشركات دى كانت بتعمل عربيات للمستهلك الأوروبى والطرق-الأجواء الأوروبية..
بس برضه لازم نعترف ان الـspecs إتغيرت؛ دلوقتى لو مابيعملش مواصفة للـmiddle-east.. بقوا يعملوا حاجة world-class بأعلى capacity للتشغيل..
والسوفوير بيضبط أداء الأجزاء حسب المكان: بنزين-حرارة-ضغط جوى-إرتفاع...etc

الكلام ده مثلا فـ طلمبات الزيت والـcoolant اللى بتشتغل On-demand و After-run
(ياجماعة التكنولوجى وصلت لمرحلة من التعقيد... انها بقت simple أكثر مما يتخيلوا)

عايز أقولك مثال صغنن -بس مهم للمصريين: التكييف
الأول كان كل الأوروبى بينزل بكمبريسور Bosch Climatronic (وده كان رغم الـdual-zone والكفاءة.. بس كان متوسط الأداء)،
دلوقتى غيروا لكباسات Denso يابانى أو Delphi بتاع الـhard-climate

اضف الي ذالك نقطه مهمه جدا جدا ..القاهره والجيزه ممكن الواحد يلاقي فيهم قطع غيار الاوروبي انما عندك كل الاقاليم استحاله تلاقي فيها مسمار واحد لعربيه اوروبي يعني اللي بيحب يشتري حتي فيلتر زيت بيضطر ينزل مصر..طب ده كلام ينفع ؟؟؟؟؟

عندك حق فـ دى..
والصراحة أنا بقيت حريص جدا فـ أى recommendation بعربية لحد فـ الأقاليم؟!!
عشان مايلبسش فـ الحيط

بس برضه -اليابانى موجود وليه أفضلية -فـ رأيى!

النقاط دي مهمه جدا للمستهلك والموضوع لازم يكون بنظره شموليه اوسع ( سلعه استهلاكيه معقوله + توافر مستلزماتها باسعار معقوله ) افضل بكتير من سلعه استهلاكيه ممتازه ينقصها توفر مستلزماتها وصعوبه صيانتها
كل ده ليه علشان تبقي ثابت بعد 120 والواحد ياخد غرزه حاده وقلبك ميت ...
اجواء مصر وطرقها وشعبها اساسا محتاجين عربيات عمليه..وطالما العربيه سلعه استهلاكيه يبقي الافضل هو الارخص والابسط...وجهت نظر

أيوه بس بفرض -جدلا- ان قطع الغيار الكورى أسعارها مناسبة (هى مابقتش كده) ومتوفرة.. لسه القاعدة الأساسية: العمر الإفتراضى؟!!

- ومش بتكلم عـ القطع الكورى المضروبة؟؟ أنا بتكلم عـ الـoem أو الـaftermarket المحترمة؟!!!
(عشان محدش يقوللى التيل بتاع الوكيل بـ650.. بس فيه برا بـ250)؟؟!!! Lol

btw: أنا برضه مش بتكلم عـ الأداء والهاندلينج والثبات -زى ما البعض عايز يصور انى مش ببص إلا الحته دى؟!!!

مش محتاج أقول هى محسومة أصلا بفرق كبيييييييييير من زماااااااااااااااان

أنا بتكلم على عمر-إفتراضى مقارنة بالأداء والسعر؟؟
ماينفعش حد يقوللى تيل فرامل الإلنترا بيعيش أكثر من بتاع الجيتا؟؟!!

الكلام ده يتقال لو أداء (القطعة اإستهلاكية) واحد أو متقارب حتى.. لكن دا الفرق ضخم ياجدعان!
مثال تانى: الهيونداى معروف انه مابيعيشلوش عفشة -سوست ودامبرات ومقصات مثلا؟!!
ههههههههههه

تعليق أخير على نقطة "يبقي الافضل هو الارخص"
ما أحنا متفقين انه مبقاش أرخص،
بالعكس بقى: دا اللى إحنا بنتكلم فيه ان الكورى لا بقى أرخص كـ value for money..
ولا كـ مقارنة مع العربيات اللى الإلنترا مثلا حشرت نفسها معاهم وهى أقل منهم inferior فـ كل حاجة.
آه: وأنا لسه ماتكلمتش عن أمان وراحة ركوب -التنطيط

وكفاءة تشغيل؟!!!
ولا عن الفكر الخطأ المنتشر عن قطع غيار الأوروبى وتوافرها.. وتعقيد العربيات، مش هيبقى زى الألفاروميو والـT-JET والـTSI اللى بنلاقى كل حاجتهم توكيل وبرا وإستيراد.
وزى ماقولتلك: بسعر معقول بالنظر لأداء القطعة وعمرها الإفتراضى، وبرضه مقارنة بالكورى
حضرتك تيل الإلنترا يتباع بثمن تيل الجولف والبرافو والـ308 ليـــــــــــه؟؟ بتاع أيه؟!! دا ششششششيت بالنسبالهم؟؟؟!! كـ قطعة vs قطعة بقى مش عربيات!

(مش بالنظر لسعر العربية المسروق فيه زى الإلنترا والريو مثلا) بيستهبلوا؟؟!!! ههههههههههه

Rgds لحضرتك، ووجهة نظرك تحترم طبعا