زيادة أسعار الإلنترا 2013

**Hosam_Optrawy** · 05-11-2012 11:40 PM

المشاركة الأصلية كتبت بواسطة mohab.nabil

يا ريت يا حسام باشا تنزلنا تقرير المبيعات ده لأنه بيبقى مفيد و ممتع بصراحة

ان شاء الله

انا قولت بس استنى اخر السنه بدل ما اقعد اعمل موضوع كل شهر :)

**Formulator** · 06-11-2012 12:43 AM

New hunting..New ....bilities

**SAMEH_FOUAD** · 06-11-2012 09:27 AM

المشاركة الأصلية كتبت بواسطة ahmad--ezzat

متفرحش اوى كده ههههههههه
برضه غاليه
ومتبصش للالنترا لان سعرها سرقه علنى

لو بصيت على السوبارو هتعرف ان سعر السيفيك زباله

والله ياباشا انا مش شايف ان السيفيك تمنها خرافى اوى كدة على الاقل واخد كل اوبشن الامان والحماية , السوبارو كويسة وكل حاجة بس كأداء محرك مش هتيجى زى السيفيك , اعادة بيع مش زى السيفيك , توافر قطع الغيار مش زى السيفيك , لكن الثبات اعتقد هتكون افضل من السيفيك الجديدة , وبردة فيها اوبشن كتير بس دة مايمنعش ان حاجاتها غالية اوى ومش اى حد بيقدر على تمن قطع الغيار السوبارو

**SAMEH_FOUAD** · 06-11-2012 09:43 AM

يعنى معلش ادفع 170 الف جنية فى عربية مافيهاش immoplaizer ولا ebd , وعفشتها torison beam , وعربية بتخف بعد 140, وسعر قطع غيارها غالى , وعربية خاماتها بلاستيك , وسوست ضعيفة وبتتنطت مع مطبات الهواء وبتحدف مع الفواصل , gear box مش فاهم طريقة , عربية فيها عيوب وانت ونصيبك , فرامل متوسطة الاداء سواء ب abs او من غير abs

هية دية بقى الالنترا اللى صفقة رابحة وب170 الف جنية وفيها كل العيوب دية

**محمد بدر** · 06-11-2012 10:31 AM

مش كده وبس الإلنترا محققة مبيعات خرافية مقارنة بأى عربية تانية سواء أسيوى أو أوربى أو المانى
والناس زمان كانت تقتنى الكورى علشان كان فيه جاب كبيرة فى السعر
ولاكن الآن الأسعار اقتربت من بعض ومازال السحب على الكورى ما شاء ياريت محدش يقول الناس مش فهمة حاجة بالعكس انا شايف ان أى حد فينا بيعمل دراسات موسعة قبل ما يضع نقوده فى حاجة ملهاش لزمة
ده الواحد فينا عند شراء قطع غيار أو كمليات بندور ونسأل وبناخد وقت كبير فى الموضوع ده ونكتشف الأفضل وفى الآخر ننفذ
طبعا الزيادة الغير مبررة دية شئ مجحف ويزعل
بس نفسى الناس تاخد بلها ان الكورى زى ما يفاجئ الناس بزياده الأسعار يفاجئ ايضا بتطور هائل وانا اعتقد لو استمر على هذا المنوال ممكن اسعاره تعدى سيارات أكثر اعتمادية فى الوقت الحالى دون المساس بحجم المبيعات لأن اعتقادى ان خلال وقت قريب سوف تتربع الصناعات الكورية على العرش وكل الدلائل تثبت هذا الكلام
هتقول ازاى اقول لك ان فى سيارات كورى حتى الأن مبتنزلش مصر ويكتفوا بتوزيعها فى أوربا وامريكا لو نزلت مصر العربيات دية وطبعا الأمثلة كتير سعرها هيكون مرتفع ولاكن شكل وتكنولوجيا واعتمادية الله اكبر

**A.Adel** · 06-11-2012 11:56 AM

المشاركة الأصلية كتبت بواسطة mmbadroo

بس نفسى الناس تاخد بلها ان الكورى زى ما يفاجئ الناس بزياده الأسعار يفاجئ ايضا بتطور هائل وانا اعتقد لو استمر على هذا المنوال ممكن اسعاره تعدى سيارات أكثر اعتمادية فى الوقت الحالى دون المساس بحجم المبيعات لأن اعتقادى ان خلال وقت قريب سوف تتربع الصناعات الكورية على العرش وكل الدلائل تثبت هذا الكلام

أنا مع حضرتك إنه اتطور جامد بس هو أساسا غلى سعرها في الاول
يعني سعر ال md أول فئة أول ما نزلت كانت بتمن ال hd هاي لين
يعني هو محاسبك على فرق التكنولوجيا اللي فيها أساسا

مفيش أي مبرر لرفع السعر 12000

**A.Adel** · 06-11-2012 12:05 PM

المشاركة الأصلية كتبت بواسطة SE_coralsea

بمقارنة بسيطة في الاسعار لربع سيارات حديثة في السوق المصري و هي التي قد يفكر فيها أي مشتري و مع مراعاة تساوي الامكانيات (عوامل الامان و السلامة) و تثبيت نقاط المقارنة الاخري مثل (الثبات و الاتزان و قطع الغيار و مراكز الخدمة و غيره)

يا ريت تدخل معاهم ال astra وال focus

**A.Adel** · 06-11-2012 12:15 PM

المشاركة الأصلية كتبت بواسطة semsem kane

والله ياباشا انا مش شايف ان السيفيك تمنها خرافى اوى كدة على الاقل واخد كل اوبشن الامان والحماية , السوبارو كويسة وكل حاجة بس كأداء محرك مش هتيجى زى السيفيك , اعادة بيع مش زى السيفيك , توافر قطع الغيار مش زى السيفيك , لكن الثبات اعتقد هتكون افضل من السيفيك الجديدة , وبردة فيها اوبشن كتير بس دة مايمنعش ان حاجاتها غالية اوى ومش اى حد بيقدر على تمن قطع الغيار السوبارو

معلش حضرتك بس هي سعرها عالي جدا الصراحة
هي كده دخلت في شريحة مش بتاعتها خالص

لو اتكلمنا عن أول فئة
بقت بتمن ال octavia و أغلى من ال astra وال focus

نيجي بقى للهاي لين بتاعها اللي بـ 200 ألف
أسيب ال بيجو 508 أو c5 أو استرا تربو كل دول بـ 210 واجيبها هي
طب إزاي يعني

حتى اللي ركيب ياباني عنده بديل كتير غيرها
شارك
مازدا 3
كورولا

حتى لو مش هيدوني نفس المستوى ,بس هيبقى أحسن بكتير كقيمة مقابل سعر
و أبسط دليل على كلامي مبيعاتها قبل و بعد زيادة السعر (الشكل القديم والجديد يعني )