السلام عليكم

عندى الكاوتش عامل 45 ألف وكنت باظبط نتروجين من كام يوم لقيت صاحب الورشة بيقوللى العجل ده خلاص بيجيب أخره ولازم يتغير.. قعدت أقاوح فيه ياعم ده بريدجستون يابانى وبيعمل لحد 60 ألف ونقشته لسه باينة ما اتمسحتش جامد راح قعد يورينى داير الفردة من الجنب ويدوس عليه ويقوللى الفردة شققت وانت ممكن تمشى بيها جوه البلد بس اياك تسافر بيها وبصراحة قلقنى جامد .. كنت عايز أعرف من رجالة المنتدى كام حاجة :
أولا ياترى الكلام ده صح ولا بيفتى..خصوصا انى أعرف التيوبلس مابينفجرش والعربية ماشية زى ماهو خوفنى من السفر بالكاوتش

ثانيا هو لما أغير ال5 فرد اللى راكبه دول بيتباعوا ولا ايه نظامهم ؟ ولو بيتباعوا بيبقى فين ويعملوا كام؟

أخيرا : السؤال التقليدى ايه أحسن نوع مايعملش صوت وتبقى فردته ناعمة؟ بينصحونى بالبريدجستون سوبر سايلانت بس غالى قوى..ياريت اللى مجرب كاوتش نضيف يدلنى

وشكرا مقدما للجميع