الموضوع: قسم هوندا الاعزاء انا طالب المساعدة فى الشراء

المشاركة الأصلية كتبت بواسطة mmbadroo

اليوم بس بفكر جدية فى شراء هوندا سيفك 2008 أو 2009
واتمنى ان اوفق فى شراء سيارة من مالك اول - عداد كيلو متر قليل يعنى لو كسر زيرو يبقى ممتاز
يسلام كمان لو أطمع فى اللون ويكون لون فيرانى
يعنى من الآخر عايز عربية تكون حالتها محترمة ممكن أعثر على حاجة زى كده - والأسعار المناسبة إيه

وبعدين فى ناس مخوفنى جدا من المغالاه فى قطع الغيار
وكمان مخوفانى من ان السيار ة وطية أكثر من اللازم وبتحك فى كل المطبات

انا أول مرة ادخل قسم هوندا ياترى هتسعدونى

تقريبا مفيش حد هنا عارض عربيته للبيع

الاسعار المناسبه فى ال Lxi من 110 ل 130 و دى بتبقى عربيه فابريكه بره و جوه و كل الصيانات فى التوكيل و عامله كيلو متر قليل

ال Vti الاسعار المناسبه ليها فى الموديل ده هو 140 لحد 145 دى بتبقى كامله Hi line

حته الاسعار الغاليه دى مش هتحتاجها لان قطع غيار الهوندا معمره بشرط انك تكون شارى حاله نضيفه

حته ان العربيه بتحك دى مفيش حد بيشتكى منها خااااااااااااالص

لان العربيه بيبقى فيها صدادات على المساعدين بتخليها متهبطش زياده عن اللزوم لو انت محمل

عيوب العربيه

قعده الموتور و دى ب 900 جنيه

و علبه الدركسيون و دى بتعمل 3000 جنيه

و الكلام ده من التوكيل طبعا

و بعد تغيير علبه الدركسيون و القعده انساهم نهائى

يارب اكون قدرت افيدك و يوقعك فى حاله نضيفه

^_^

المشاركة الأصلية كتبت بواسطة mmbadroo

ربنا يبارك لمعاليك
افدتنى ايه ؛؛؛؛؛؛؛؛؛؛ ده كفاية زوقك الرقاى والله انا ما عارف اشكرك ازاى
واول مرة اعرف ان فى قسم ممكن الاقى فيه الرد بالسرعة دية
وانا المشكلة عندى انى من سنوات طويلة لم اتعامل فى مستعمل وخايف اقدم على الخطوة دية ولاكن انا فوجئت ان معظم السيارات زادت اسعارها خاصتا الكورى لآنى من عاشقيه
وطرحت علي اليوم هذه الفكرة طبعا على طول دخلت القسم لأعرضها عليكم
وخالص شكرى وتقديرى لشخصك الكريم ولكل القائمين على هذا القسم

متقلقش لو ركبت الهوندا مش هتنزل منها

و احنا تحت امر حضرتك فى اى وقت

تحياتى

^_^

المشاركة الأصلية كتبت بواسطة mmbadroo

ان شاء الله انا قررت والتدابير لله

وفى بعض الأصدقاء نصحونى مركبش اقل من 2009 علشان فى اختلاف للأفضل فى العفشة الكلام ده صحيح
والحاجة الثانية فى أختلاف كبير بين lxi , vti يستحق الفرق فى السعر
وشاكر جدا لأهتمامك

لاء مفيش اختلاف فى العفشه خالص بين ال 2007 و ال 2009

بس 2009 علشان تاخد عربيه ماشيه كيلو متر قليل

و زى ما قلتلك ال Vti دى الهاى لاين كامله بفتحه سقف

اما ال Lxi بدون فتحه سقف

و طبعا فرق السعر يستحق لانك هتاخد عربيه كامله متكامله فيها كل الاوبشن اللى تتخيله

^_^

المشاركة الأصلية كتبت بواسطة mmbadroo

طيب ممكن اطمع فى سؤال تانى وكرم اخلاق حضرتك بصراحة مطمعنى
موضوع الرعشة فى التكييف دى مشكلة فعلا محسوسة؟
وتحياتى لمعاليك

الهوندا يعنى يابانى

يعنى مفيش حاجه اسمها رعشه مع التكييف

الا لو كانت العربيه مش مظبوطه

بص يا باشا اركب العربيه قبل ما تشترى و جرب كل اللى انت بتسألنى عليه ده

هتلاقى ملوش اى اساس من الصحه الا العيوب اللى قلتلك عليها فى الاول

غير كده مش هتلاقى اى حاجه

توكل على الله و مش هتندم

تؤمرنى يا باشا فى اى وقت

^_^