مبروك على العربية واضح من كلامك انى فيها عيوب تقفيل وصيانة تتديها كام من عشرة فى التقفيل ومركز الصيانة والثبات والسحب واخيرا شايف انها تستهل المبلغ ده ولا الافيو احسن
رقم العضوية : 17146
تاريخ التسجيل : 25Aug2008
المشاركات : 1,424
النوع : ذكر
الاقامة : egypt
السيارة: getta
السيارة[2]: gen2
الحالة :
طبعا بعد السلام عليكم ورحمة الله وبركاته
اللي مش فاضي مايبدأش لاني مطول شويتين حتى تعم الفائده وانا الحمد لله من الاعضاء اللي مش بفتي ولا بحب اجامل حتى افيد غيري بكل الثقه
انا اشتريت عربيتي جين 2 موديل 2008 من اوتو ماجد يوم 20 / 8 / 2008 يعني من 3 شهور تقريبا واناوهي طبعا اوتوماتيك سبورت باكيدج
كانت عامله 40 كلم تماما وانا بستلم جربت كل حاجه في العربيه وتمام كله شغال
واخدت العربيه وسافرت بها الى بلدي والتي تبعد عن القاهره 200 كلم
طبعا اخدت الطريق كله 100 او 90 او 110 بدون كبس الا مرتين كده اتزنقت
وواول ماطلعت على الطريق لقيت العربيه فيها خشانه بتيجي عند الار بي ام 3000 وتروح بعد مااعدي النقطه دي في الار بي ام
قلت يمكن العربيه دي كده علما باني كنت في الخليج وسقت سيارات بعدد شعر راسي بكل الفئات
وحاليا اخي معاه جيتا 2008 وكان ماشي قدامي على الطريق اليوم ده وعلى فكره انا كان معايا افيو 2008 قبل الجين 2 وماكملتش معايا 5 شهور ونصف ومشيت بيها 25000 كلم وبعتها والحمد لله
المهم
وصلت بيتنا
وتاني يوم طلعت اكمل تليين لاني مش بحب اكون محكوم في سرعتي وبحب القرص والجري جداااا
وكان عندي طبعا ملاحظات منها الخشانه دي وصوت المسمار بتاع الكنبه والعربيه كانت سفاحة بنزين في التليين وده اللي ضايقني لاني كنت بلين وبتاكل كده امال لما هقرص بقه هتعمل ايه
المهم خلصت تليين ورحت الصيانه 1000 كلم
وقلتلهم على الحاجات دي
ردوا عليا ان الاستهلاك هو كده بتاع العربيه
وصوت المسمار بتاع الشنطه عملوه
والخشانه قاللي الجلده مش موجوده وطبعا دي ضمان ومن حقك وغيرت زيت 5000 وفلتر وتوكلت على الله ودفعت تقريبا 180 جنيه
مشيت بالعربيه رجعت بلدنا على 170 و180 والتكييف كان شغال وقرصت على الغيارات
وكله كان تمام ورجعت البيت
ومشيت تمام بالعربيه يوم ورا يوم لقيت استهلاك البنزين زي ماهو كانت بتعمل 160 كم في الصفيحه-20 لتر- طبعا ده ادمااااااان بنزين من العربيه
قلت مش مشكله وقلت لنفسي بجملتي الشهيره
الرفاهيه مش ببلااااااش
المهم رحت صيانة ال5000 بدون اي عيوب اخرى
وغيرت زيت وفلتر وسألت على الجلده بتاع الخشانه دي قاللي لسه ماجاتش
ومشيت ودفعت يومها اعتقد280 جنيه والله مش فاكر
المهم على 7000 كلم كده بدأت اسمع صوت تزييق بيجي من الابواب مع الفرامل ومع انطلاق السياره
وبيجي بمزاجه وبيروح بمزاجه وهو مش عالي صوت واطي جدا تكتكه كده في البيبان
وكمان لقيت ان في صوت تزييق وانا بركن في حته فيها مطبات وده من جوه الصالون بس في علبة الدريكسيون بس بسمعه فين وفين
وكمان لقيت ان استهلاك البنزين بدأ يقل فعلا ووصل معايا حاليا 10 كلم في اللتر
يعني 200 كلم في الصفيحه وعلى سرعات عاليه
انا بقول ده راجع اني فهمت ادوس امتى واريح امتى على دواسة البنزين
طبعا كمان ظهر صوت هوا بيدخل من الابواب الخلفيه او من الشنطه مش متاكد
وكمان لقيت الرفرف الامامي يمين ادوس عليه يتكتك وارفعه بايدي يتكتك
المهم رحت بقه صيانة ال10000 كلم وهناااا بدأ الزعل
واللي حصل اني رحت وذكرت العيوب دي
قالولي ان صوت الهوا الخلفي ده مش بيروح ده طبيعي
والبيبان هنظبطها
وجلدة الخشانه جات
ومفتاح المرايا كان تقيل شويه غيروه
وصوت التزييق في علبة الدريكسيون هنعمله والرفرف هنربطه
المهمطلعت العربيه قالولي كله اتعمل كانت الساعه 5 مسااااءا
طلعت بالعربيه وراجع بيتنا العربيه اولا تقلت على الارض اكتر من الاول
ولكن 90 وطالع غربله بتزيد في العربيه لاتطاق تنمل رجلك
والتزييق بتاع البيبان موجود والرفرف بيتكتك
والدريكسيون زي ماهو
والعربيه بتحدف شمال
رجعتلهم بعدها بيومين تاني مانا فااااااااااضي جدا اصلي ماوريش شركه ولا حاجه ولا معرض
سلمت العربيه واعجبوا بيا جداااا لاني كنت عندهم من يومين ( على فكره انا بحترم كل من في التوكيل من مهندسين لانهم اصحابي جدااا من بره الشغل اساسا)
وقلتلهم الخشانه راحت بس جات غربله على طول بعد 90 كلم
والبيبان هي هي والدريكسيون ماذكرتوش لانه مش بسمعه كتير ومش هيتعبني
وزودت بقه ان في حتت في دهان الكبوت بتقشر بس صغيره جدا في اماكن موزعه وان في تلميس في الكاسيت بيفصل السماعات اليمين ولازم اقفله واشغله تاني
المهم قاللي نظبط زوايا قلتله ماشي وقاللي نرصص كاوتش قلتله ماشي وقاللي عملنا البيبان والرفرف تاني
قلتله ماشي ولكن وضحتله ان العربيه ماتقلبش حالها الا بعد الجلده اللي ركبت
قاللي لاااا مالهاش دعوه هي دورها تشيل الخشانه قلتله ماشي
المهم دفعني ترصيص بس 118 جنيه
وقاللي الزوايا علينا
قلتله من عينيا
ومشيت اجرب بقت الغربله بعد 120 بدلا من 90 كلم وزادت بقه عن الاول
قلت اروح لبتاع كاوتش اقلب الفرد اللي قلبوها يمكن في جنط في حاجه
قلبت نفس الحكايه وقلت خلاص بقه نخليها على كده لحد ماتعدي السنه ديا وابيعها لاني زهقت
وفجأه والدتي قالتلي تعالى وديني القاهره بعدها بيوم
وماشي على الطريق 130 و140 وراحت والدتي قالتلي العربيه دي فيها حاجه مش كويسه ومش مريحه مع انها لاتفقه شيء في السيارات ولا تعرف حتى كلمة غربله دي
رديت وقلتلها مش كده بردوا انا قلت يمكن انا بهلوس
المهم وصلتها القاهره وقلت والله هروح التوكيل تاني بكره
تاني اعجبوا بيا جداااااا بقه المرادي
وقلتلهم انا مش عاوز اي حاجه غير ان العربيه ترجع ماتغربلش تاني انتوا قلتوا زوايا وترصيص وعملت كل اللي انتوا عاوزينه قالولي طيب
اكدتلهم ان الموضوع ماظهرش الا بعد جلدة التوازن دي
مافيش فايده
المهم قاللي هنرصص تاني
قلتلهم اعملوا اللي تعملوه
المهم صص وظبط زوايا تاني
وقاللي تعالى نجرب
جربت وهي هي
المهم رد المهندس مصطفى اله يباركله وقاللي انت عارف ياحمد ده الكوبلن اليمين هو اللي عامل الغربله دي
وفعلا رفعوا العربيه وغيروا الكوبلن اليمين ومن غير جلدة توازن وجربنا تماااااام ولكن خشانة الار بي ام 3000 موجوده قاللي هنركب الجلده
قلتلوا ماشي ده طبعا رد المهندس هاني الله يباركله من الناس اللي تعبت معايا في الموضوع ده
المهم
انا تعبت من الكتابه
المهم بجد انهم ركبوا الجلده والكوبلن اليمين وراحت الغربله وان كانت العربيه خشنه شويتين عن الاول بس كناااااا فين وبقينااا فين
والبيبان طبعا بتكتك ومش هعملها لانهم مش واصلين لها لحل
والدريكسيون احيانا بيزيق ومش هعمله بردوا وثوت الهوا اللي من ورا مالوش بردوا حل
ودهان الكبود قالولي هاتها بعد العيد نرش الكبوت ضماان قلتلهم ماشي
بس انا طبعا مش هرشه لانهم 5 بقع صغيرين جدا مش باينين اساسا
وكده كله تماااااام من يومها على العيوب الطفيفه دي
وطبعا اخر مره غيرت زيت توتال 9000 وفلتر ودفعت 480 جنيه
وطبعا الباقي كله كان ضمام ماعدا الترصيص الولاني اللي انا اتلسعت فيه ده لانهم ماصدقونيش
انا بقه استنتاجي ان الفني المحترم الاولاني وهو بيركب الجلده دي خبط على الكوبلن عشان هي بتركب جواه فعوجه فغربل العربيه
الله يسامحه طبعا
ولكن حاليا البنزين زي ماقلت 200 كلم في الصفيحه سرعات عاليه وقرص مستمر 4000 اربي ام
السياره تمام معايا ربنا يكرمني بيها ويحرصها وانا من النوع ياجماعه اللي بسافر كتير وطبعا سرعات عاليه دايما 140 الطبيعي واحيانا بطول شويه 170 وخطفتين كده 185 وده اخر العربيه على فكره مش بتجيب اكتر من كده لو زقيتها حتى مع ان الدواسه فيها كتير
ولكن في المطبات بحسس على العربيه فعلا ومش بتاع امريكاني والكلام ده
اتمنى ربنا يكون قدرني وشرحت شرح واااااااااافي للجميع ودي كانت تجربتي مع الجين 2 حبيبتي
والسلام عليكم ورحمة الله وبركاته
ومع تمنياتي لكم بالخير دائما في سياراتكم ولاتنسوني من صالح الدعاء
اخوكم في اي استفسار
تويتي
رقم العضوية : 11333
تاريخ التسجيل : 23May2008
المشاركات : 141
النوع : ذكر
الاقامة : cairo
السيارة: golf 2
السيارة[2]: golf 2
دراجة بخارية: لا
الحالة :
مبروك على العربية واضح من كلامك انى فيها عيوب تقفيل وصيانة تتديها كام من عشرة فى التقفيل ومركز الصيانة والثبات والسحب واخيرا شايف انها تستهل المبلغ ده ولا الافيو احسن
رقم العضوية : 23951
تاريخ التسجيل : 02Nov2008
المشاركات : 394
الحالة :
mofid gedan gedan
w 3ala fkra ana mstnih mn badri w manmtsh b sababk :D
el 7mdoelalh en el 3rbya mri7ak
ra3'm en el aswaat el fiha di ktir
bs el 7mdolelah
3o2bal ma rabna yorz2na kda isa b genaia s3'ira
enta ra2ik eih genaia wla grand puntohaia??
سابانى حبك يا فخر الرتب.....موسى رأكِ عَجب من عَجب.....و الاناديل فضــه بتضوى و الصلبان دهب
دا مدحى للباتول ذاد قلبى فرح.....و اللى يمدحها علطول قلبو ينشرح.....ياقبة موسى يا مريم يا شورية هارون
رقم العضوية : 25532
تاريخ التسجيل : 18Nov2008
المشاركات : 75
الحالة :
اولا شكرا للتقرير وربنا يباركلك في العربية ..بس انا مستغرب انك عملت 13 الف في 3 اشهر يعني 4 الاف في الشهر ده معدل عالي قوي اكيد من السفريات الكتير بقي ...
موضوع الجلدة ده انا مهمتوش هو ده في 2008 بس ولا برده 2009 محتجاه
انصحك تاخد العربية مرة لحد بره التوكيل تكون تعرف انه كويس ويكشفلك علي العربية بس مش لازم يغير اي حاجة مجرد كشف عشان متخرجش بره الضمان لاني بصراحة حسيت انهم هناك معندهومش خبرة جامدة لسا شباب صغير
ةحاجة ثانية لو عندك فرصة تبدل 2008 ب2009 دوس في الموضوع ده لاني حاسس انها احسن من 2008 بكتير
وشكرا مرة ثانية علي التقرير الوافي
رقم العضوية : 23951
تاريخ التسجيل : 02Nov2008
المشاركات : 394
الحالة :
mina
aih el far2 benhom??
سابانى حبك يا فخر الرتب.....موسى رأكِ عَجب من عَجب.....و الاناديل فضــه بتضوى و الصلبان دهب
دا مدحى للباتول ذاد قلبى فرح.....و اللى يمدحها علطول قلبو ينشرح.....ياقبة موسى يا مريم يا شورية هارون
رقم العضوية : 5914
تاريخ التسجيل : 18Feb2008
المشاركات : 715
الاقامة : Up the tree
الحالة :
tweety26980
الكبيــــــــر كبيـــــــــر برضــــــــــــة .... معداش ســواد الليل إلا و كان وفي بوعـــدة
و كدة كسبنا تقرير كمــــــــــان في المنتدي عقبال الباقي
طبعــــــاً ها نتجاوز عن الصور لان الدنيــــــــــا ليل
لكن معاك فترة سمــــــــــاح و ها تشحن ها تشحن
شكـــراً tweety علي التقرير انا نفسي استفدت من قصة الغربلة و الكوبلن
روووووووووح يا شيخ ربنا ما يغـــلب لك كوبــلن :D
[align=center]http://img114.imageshack.us/img114/1091/maz2ot9.jpg[/align]
[align=center][/align]
رقم العضوية : 20232
تاريخ التسجيل : 26Sep2008
المشاركات : 2,000
النوع : ذكر
الاقامة : Ca!ro
السيارة: So0N
السيارة[2]: Gen.2
دراجة بخارية: ........
الحالة :
اشكرك بشده وبتعصب عالتقرير
ربنا يحفظهالك يارب وان شاء الله مش هيكون في مشاكل تاني
واذا حصل مشاكل اقرف التوكيل ولايهمك
قولهم بفلوسي
افدتني جدا
شكرا جزيلا
إلى القمهmusiccairo سابقا
رقم العضوية : 26519
تاريخ التسجيل : 30Nov2008
المشاركات : 22
النوع : ذكر
الاقامة : egypt
السيارة: honda
السيارة[2]: gen 2
دراجة بخارية: steed 400
الحالة :
مبروك على العربية يا تويتى
انا نازل اجيب واحدة الاسبوع ده ان شاء الله يعنى قبل العيد تقريبا ومحتار اجيب 2008 ولا 2009 من الكلام اللى اتقال ف المنتدى عن الحاجات الناقصة ف موديل 2009
حد يفهمنى اجيب ايه وايه الاحسن
ودى اول عربية ليا
اخوكم
اياد 20 سنة
رقم العضوية : 17146
تاريخ التسجيل : 25Aug2008
المشاركات : 1,424
النوع : ذكر
الاقامة : egypt
السيارة: getta
السيارة[2]: gen2
الحالة :
طبعا اشكر الجميع والعفو ياجماعه على ردودكم الجميله ودعواتكم
ولكن طبعا هرد على بعض اسئلة الاخوه ومنها موضوع الخشانه ده هتعرفوا ازاي
لو انت بيجي الار بي ام عند 2900 تحديدا بتحش بخشانه في العربيه كلها وتختفي مجرد ماتعدي من 3000 لفه يبقى فيها الموضوع ده ولكن لو طبيعي يبقى تمام
وانا من رأيي والله انه لو حد عنده المشكله دي مايعملهاش ان اللي انا فهكته متاخر ان ده عيب صناعه وهما هنا في التوكيل بيعالجوه بالجلده دي يعني دي فتوى مننا وليست قانونيه واثرت عندي على نعومة العربيه وثباتها والله كمان
وطبعا مش عارف بقه العيب ده في 2009
واما موضوع الاصوات دي في كل الجين 2 ياجماعه بس انا لماااااح شويتين
ده طبعا من عيوب التقفيل
ولكن مميزات العربيه بتغطي على العيوب الهايفه دي
طبعا كمان انا كده كده مستني 2010 بأمر الله وهغير جين 2 موديل 2010 بس طبعا لو نزلت الكامله مش زي 2009
وامااااا هخلع من الجين 2 لو جات ناقصه
واهو بالمره يكونوا ظبطوا موضوع الاصوات ده وشالوا شويه من الاشباح اللي في البيبان والطابلوه
عموما توكيل العربيه انا بحترمه وبحبه ولكن العيب في بعض الفنيين هناك
وثانيا ماليزيا راميه الحمل كله على الفنيين هنا المفروض متابعه واستمراريه منهم مش يومين وعدوا
ثالثا الافيو لاتقاااااااااارن بالجين 2 ابدا
الافيو عجله مش عربيه ولا اي كماليات ولا ثبات ولا فرامل ولا اي صاج اساسا
ميزتها الوحيده توفير البنزين فقط لاغير
وتوكيلها سيء جدااااااااااااااااااااااا
الجين 2 عربيه حلوه ولكن تقفيلها مش مخدوم يعني اديها في التقفيل 3 من 5
سحب محترم جدا
ثبات تمام
توكيل بيفي بضمانه
ربناااااااااااا يكرمنا جميعا
واسيبكم لاني مسافر حالا
السلام عليكم ورحمة الله وبركاته
رقم العضوية : 6201
تاريخ التسجيل : 22Feb2008
المشاركات : 12,866
النوع : ذكر
الاقامة : cairo
السيارة: nissan sunny ex 2008
السيارة[2]: Sonata 2013
دراجة بخارية: لا
الحالة :
شكرا للتقييم ومبروك على العربية
بس فى سؤال
هو دة تقييم ولا بتتكلم عن العيوب اللى واجهتك من العربية
م/ احمـد عـزت
المفضلات