الموضوع: الحمدلله استلمت الرينو داستر

السلام عليكم
كنت عايز اعرف يا جماعه هل فى حد يعرف سعر تركيب باركنج سنسور و وحدات رفع فى التوكيل كام؟ و هل فى عتب بيتركب اكسسوار على العتب الرفيع اللى بيبقى فيها و يكون شكله كويس؟

المشاركة الأصلية كتبت بواسطة rhct2010

السلام عليكم

انا سألت فى التوكيل سعر تركيب باركينج سينسور 150 جنية وانت بتجيب الجهاز من برة
وبردة سألت على العتب الى بيركب على الرفارف الاربعة الى لونها اسود سعر الواحد 575 بدون تركيب يعنى الاربعة 2300 جنية بدو تركيب

شكرًا جزيلا على الرد يا فندم . كويس قوى أنهم بيسمحوا ان الواحد يشترى النوع اللى عايزه من الباركنج سنسور و هما بيركبوه بمعرفتهم لان فى التوكيلات التانيه بيبقى عندهم نوع معين فى الاغلب صينى و بيفرضوا على الناس تركيبه و اعتقد انه من الحاجات المهمه لان أبعاد العربيه من ورا بالذات صعبه خاصه لو فى عربيه صغيره راكنه وراك تقدير المسافه بيحتاج مجهود شويه و كده حتى الواحد ممكن يشوف حاجه من اللى بتشتغل وايرلس. بالنسبه للعتب انا كان قصدى العتبتين اللى بيستخدموا للصعود للسيارة نظرا لارتفاعها عن الارض و بيبقوا على شكل اسطوانه لان العتب اللى فى العربيه فيبر زى ما حضرتك عارف و شكله تعبان شويه فده اللى كنت عايز اعرف سعره. على فكره بالنسبه للشنطه سبير كار عنده نوع من المشمع كويس قوى بيتفرش عليها و مقاوم للمياه و سعره ٥٠ جنيه و انا سألت على دواسه الشنطه فى شارع دمشق النهارده لقيت تمنها ١٣٥ جنيه بس الراجل قاللى لازم تبقى العربيه معاك علشان نطمن ان المقاس مضبوط لانه احتمال يطلع صغير لان الدواسات الكبيره اللى عندهم اللى متأكدين من مقاسها بتاعه الكارينز و التيجو بس

مبروووك الف مبروك وشكلك شبراوي زيي ربنا يبارك لك فيها