الموضوع: ايديال سبيد سينيور

حضرتك تقصد لمبة EPC ولا لمبة CHECK ENGIN ؟؟؟؟

لو لمبة epc يبقا ممكن فعلا يكون العيب زي ما الراجل قالك و هو هيفحص الدفيرة و يشوف .. و هنحدد كلامنا اكتر هنقول انه هيفحص الكيبل الخاص ب (بلف السلانسيه) ، بمعنى ان ممكن يكون فيه شورت معين في كيبل التغذية ده او في الدفيرة و هو ده اللي بيؤدي الى عدم القرائة الصحيحة للهواء الداخل الى غرفة الاحتراق و دي مالهاش دعوة بقا بانك تعمل اسكانر او الكلام ده .. اللمبة دي مخصوصه فقط للموضوع البوابه و المانفول ... و خلافه ..

انما بقا لو لمبة check ... ملكش حل يا برنس الليالي غير انك تعمل اسكانر و زي الكمبيوتر ماهو مسجل انت هتصلح في المكان اللي محدده الكمبيوتر

المشاركة الأصلية كتبت بواسطة hugan

اولا هي لمبه ال epc
ومفيش لمبه اعطال غيرها
تقصد ايه بالكابل الخاص ببلف السلانسيه

باشا هو البوابة مش عندك كهربا ؟؟؟؟؟
لو البوابة عندك كهربا يبقا التحكم كله عن طريق الكهرباء يعني فيه كبلات بتغزي الميكانزم بتاع البوابة
يعني الراجل لما قالك هبصلك على الدفيرة يبقا الراجل بيتكلم صح ...... ده لو هو قالك كدا و لو الراجل فاهم اصلا هو بيعمل ايه ...

و بعدين ازاي عندك لمبة epc و معندكش غيرها يعني ايه الكلام ده ..... ههههههههه ايه يا عمونا عربيتك متطورة للدرجادي مافيهاش لمبة check engine يعني ده معناه ان لو حصل عطل الكنترول هيصلحة من تلقاء نفسه ؟؟؟!!!

بصراحة انا اول مره اسمع الموضوع ده
على كل حال علشان ما نخرجش عن سياق الموضوع حضرتك هتروح للي هيصلها ايا ما يكون .. هيفحصلك البوابة و كبلات التغذية اللي بتغذي الميكانزم بتاع البوابة بالكامل .. جوة البوابة بتاع حضرتك بلف السلانسية اللي بيحدد نسبة دخول الهواء مع الوقود لو فيه خلل في كيبل التغذية الخاص بالبلف هو ده اللي يخلي لمبة ال epc تنور عندك .. ممكن بقا الخلل يطلع تماس او يكون في فقد مستمر في الاتصال بمعنى اسلاك التغزية مع حركة الموتور بتتحرك من مكانها مش راكبه كويس .... الخ

و الله المستعان

انا مقتنع كل الاقتناع ان EPC ليس لها علاقة باظهار الاعطال لباقي حسسات الكنترول
epc = Electronic Power Control
يعني ايه الكلام ده .. يعني اي حاجه لها علاقة كهربياً ... بدواسة البنزين / الخانق و غرفة الخلط (البوابة) و متعلقاتها فقط
عاوز حد يثبت لي عكس الكلام ده .. و يفدني ... انا لا ادعي العلم بالباطل ،، يمكن فعلا زي ما م/ ايهاب قالي اني اروح اسأل اللي صنعوا العربيات دي ليه ماعملوش كنترولات غير بالطريقة دي !!

انا تركت اصل المشكلة اللي عند الاخ صاحب الاسبرانزا .. ووجهت نفسي اني افهم ما هي علاقة EPC بباقي الاعطال الاخرى ..
كلام م/ ايهاب معناه ان الاسبرانزا مافيهاش غير EPC ك مبين اعطال عام .... و في الحقيقة انه مينفعش يبقا مبين اعطال عام لانه خاص لستبيان الاعطال لمنطقة واحده بس اللي هي ..
1- throttle body
2- accelerator cable from the gas pedal to the throttle valve

خلاص مشكلة الراجل اتحلت هيفحص الكيبل اللي خارج من البدال لانه البوابة عنده كهربا و ان شاء الله تتحل المشكلة او لو مش من الكيبل ده يبقا هيفحص الكيبل اللي بيغذي البوابه و انتهينا

سؤالي
س: لو حصل عطل في حساس ما في ماكينة (اسبرانزا) ايه المبين اللي هيظهر عندك في المقصورة ؟؟؟؟

س: ما هو موديل الاسكودا اكتافيا اللي مافيهوش CHECK ENGINE ؟؟؟

بعد اذن اصدقائي اللي هيجاوبوني لو عندهم وقت يردوا عليا انهم يدوني اثباتات على خطأ اقتناعي و يفيدوني لاني عاوز افهم و استفيد ...
هي دي معلوماتي عن EPC كما ذكرت سابقا .. لو فيه معلومه تانية اضافية بتقول ان EPC يبين باقي اعطال الكنترول (بالدلائل) يبقا كتر الف خير الناس و ربنا يجازيهم خير

الله المستعان