الموضوع: ايديال سبيد سينيور

المشاركة الأصلية كتبت بواسطة sala7

حضرتك تقصد لمبة EPC ولا لمبة CHECK ENGIN ؟؟؟؟

لو لمبة epc يبقا ممكن فعلا يكون العيب زي ما الراجل قالك و هو هيفحص الدفيرة و يشوف .. و هنحدد كلامنا اكتر هنقول انه هيفحص الكيبل الخاص ب (بلف السلانسيه) ، بمعنى ان ممكن يكون فيه شورت معين في كيبل التغذية ده او في الدفيرة و هو ده اللي بيؤدي الى عدم القرائة الصحيحة للهواء الداخل الى غرفة الاحتراق و دي مالهاش دعوة بقا بانك تعمل اسكانر او الكلام ده .. اللمبة دي مخصوصه فقط للموضوع البوابه و المانفول ... و خلافه ..

انما بقا لو لمبة check ... ملكش حل يا برنس الليالي غير انك تعمل اسكانر و زي الكمبيوتر ماهو مسجل انت هتصلح في المكان اللي محدده الكمبيوتر

اولا هي لمبه ال epc
ومفيش لمبه اعطال غيرها
تقصد ايه بالكابل الخاص ببلف السلانسيه

المشاركة الأصلية كتبت بواسطة sala7

باشا هو البوابة مش عندك كهربا ؟؟؟؟؟
لو البوابة عندك كهربا يبقا التحكم كله عن طريق الكهرباء يعني فيه كبلات بتغزي الميكانزم بتاع البوابة
يعني الراجل لما قالك هبصلك على الدفيرة يبقا الراجل بيتكلم صح ...... ده لو هو قالك كدا و لو الراجل فاهم اصلا هو بيعمل ايه ...

و بعدين ازاي عندك لمبة epc و معندكش غيرها يعني ايه الكلام ده ..... ههههههههه ايه يا عمونا عربيتك متطورة للدرجادي مافيهاش لمبة check engine يعني ده معناه ان لو حصل عطل الكنترول هيصلحة من تلقاء نفسه ؟؟؟!!!

بصراحة انا اول مره اسمع الموضوع ده
على كل حال علشان ما نخرجش عن سياق الموضوع حضرتك هتروح للي هيصلها ايا ما يكون .. هيفحصلك البوابة و كبلات التغذية اللي بتغذي الميكانزم بتاع البوابة بالكامل .. جوة البوابة بتاع حضرتك بلف السلانسية اللي بيحدد نسبة دخول الهواء مع الوقود لو فيه خلل في كيبل التغذية الخاص بالبلف هو ده اللي يخلي لمبة ال epc تنور عندك .. ممكن بقا الخلل يطلع تماس او يكون في فقد مستمر في الاتصال بمعنى اسلاك التغزية مع حركة الموتور بتتحرك من مكانها مش راكبه كويس .... الخ

و الله المستعان

السلام عليكم

ازيك با ابو صلاح عامل ايه ؟
يا صديقي العربية دي كمبيوتر الأعطال فيها مع اي خطأ بيحدث و بيتسجل بتنور لمبة ال epc زيها بالضبط زي نظام الكنترول عندك انت !!!! هو انت عندك check engine ؟

ثانيا عربيته زيها زي عربيتك بالضبط ككنترول او نقدر نقول قريبه كثيرا و بوابتها كهرباء ولا يوجد بها بلف سلانسيه كله تحكم بالبوابة زيك بالضبط

المشاركة الأصلية كتبت بواسطة sala7

ايهاب باشا صديقي الصدوق مساء الورد
يا جدعان انتو هتجنوني ليه ... انا عندي اللبمتين كل واحده ليها وظيفة .. انا مش فاهم ايه علاقة الكنترول و تسجيل الاعطال بمشكله الراجل اساسا
اللمبة اللي منوره عنده دي بالظبط زي لمبة طلمبة الزيت لو الطلمبة بايظة بتنور اللمبة
و بعدين ازاي عنده لمبة epc و معندوش check engine ???????????????
معلش يا جماعة حد يفهمني .. ازاي عربية متطورة كدا و مافيهاش لمبة check

ايه .. عربية فضائية ذاتية اصلاح الاعطال ؟؟؟؟
يعني ازاي فيها كنترول يا ايهاب باشا و مافيهاش check ؟؟؟؟؟؟؟؟؟
يعني مافيهاش حساس كرنك ؟؟؟ يعني مافيهاش حساس اكسجين ؟؟
يعني لو الحساسات دي فيها مشكلة لمبة epc هتنور ؟؟ طب ازززززاي اللمبة دي ملهاش علاقة خالص بالمشكلة اللي عند الراجل

انا عندي لمبة epc الصبح اول ما اجي ادور العربية تنور ثانية و تفصل يعني كده الحرق تمام و كله ماشي على ما يرام

مع العلم ان لمبة check عندي منورة اساسا على طول لان عندي مشكلة في حساس الاكسجين و علبة التلوث ....

ها ؟؟؟؟ لسه مقتنع بردوا ان دي اللمبة الوحيدة اللي بتبين اعطال حساسات اخرى و ان مافيش check ؟؟؟
على فكرة بقا معلومة للناس لمبة epc ملهاش علاقة بالبوابة اذا كانت كهرباء او wire

يعني المفروض بقا لو هنقول لو ظهر عيب يبقا المفروض لمبة check و epc ينورو مع بعض و ده طبعاً مش كلام صح لان كل واحده الكنترول بيتحكم فيها على حدى

الكلام وصل يا ايهاب باشا ... ؟
ان شاء الله الراجل ده مشكلته في توصيل البوابة و كنترول .. عيب دفيرة يعني
و الدليل على كدا ان الراجل صلحا قبل كدا و فصلت شوية و رجعت اشتغلت تاني .. الراجل فكها و عرف فيها ايه و علشان كدا لما رجعله تاني قاله هتجبهالي علشان اشيك على الدفيرة و انا بصراحة شايف انه كلامه منطقي جدا .
الا اذا بقا الكنترول بتاعه فيه مشكلة .. و ده بقا موضوع تاني
هيضطر يشوف كنترول يجرب عليها لو اللمبة اتطفت يبقا عيب كنترول لو لا يبقا هيراجع على الدفيرة برضوا لحد ماهي واصلة للبوابة

الله المستعان

يا صديقي لا يوجد عنده لمبة check engine و اي شيء بيحدث عنده او اي خطأ بيتسجل بتظهر لمبة epc زيها زي كنترول الابيزا 2000 بالضبط
ابقي اسأل بقي المصنعين ليه عملتو كنترولات كده

ممكن يكون عندك مختلف لكن اللي واثق تمام الثقة منه هو عدم وجود check engine لكثيييييييييير من انظمة الكنترول و عند ظهور اي مشكلة في احدي حساسات المحرك تظهر لمبة epc و ياريت تراجع افضل موضوع في القسم لشهر اكتوبر موضوع احمد مبارك و شوف هو غير حساس ايه و لمبة ايه اللي ظهرت عنده

و ياريت تركز معانا في حل الموضوع و دعك ايه اللي بيظهر مش دي المشكلة خالص ... المشكلة ان فيه حاجه بتحصل و مش لاقيين فيها حل و تم فيها مراجعة الضفيره و الكنترول و الحساسات و تغييرهم و تغيير البوابة و كل حاجه اتجربت ما عدا اننا نغير العربية او ضفيرتها كلها

يا مسهل الحال اهو لقينا حد يشاركنا الحديث عقبال البقية