Bmw الفئة الأولى في مصر (تقرير كامل بالصور)

**Ahmed Samy** · 12-07-2008 12:50 AM

المشاركة الأصلية كتبت بواسطة Xpert

يا جدعان .. انا مش فاهم انتو عاملين القلق ده كله ليه ..
مواتير ال 4 سلندر في البي ام معموله للاستخدام اليومي .. وبالتالي التسارع بتاعها مش طياره .. بتبقي موفره في البنزين و حركتها خفيفه .. و بتفول التانك بيقعد معاك ..
مواتير ال 6 سلندر في البي ام معموله للautobahn و للسفر و الجري ..
مواتير ال mpower معموله للريسينج ..
هاتفهم مبداء النصنيع هاتفهم العربيه عامله كده ليه ...
بي ام مش بتانفس .. بس ام بتصنع بمبداء ...

يا عيني يا بيشو يا رافع معنوياتي
بس في استفسار
هو السفر بتاعنا ده و الطلاق اللي بنجيب فيها 140 و بنكون منتظرين مصيبة , تتحسب سفر برضه ؟؟؟

**Xpert** · 12-07-2008 12:55 AM

المشاركة الأصلية كتبت بواسطة Ahmed Samy

يا عيني يا بيشو يا رافع معنوياتي
بس في استفسار
هو السفر بتاعنا ده و الطلاق اللي بنجيب فيها 140 و بنكون منتظرين مصيبة , تتحسب سفر برضه ؟؟؟

nope
مش سفر .. ده تسالي علي الاسفلت .. هناك الاوتوبان مفتوح السرعه ...

**cobraa2008** · 12-07-2008 12:58 AM

bmw BMW bmw BMW bmw

بصراحة من افضل العربيات اللي بتتركب

وعلى فكرة موش لازم ان التسارع بتاعها يبقى كويس بس زي ما احنا عارفين ان الاوتماتيك بيخنق اي عربية طبعا المهم

ده bmw يا عني عربية بتاعة كل حاجة شد بتشد من اجعها عربية في نفس القوة

**SAbuhashem** · 12-07-2008 01:14 AM

المشاركة الأصلية كتبت بواسطة Ahmed Samy

و طبعا لم تصمد السيارة تحت وطأة المبيعات الساحقة الغير مسبوقة لسليلة عائلات السيات و ربيبة قصور فولكس و مملوكة اللورد "الشريف"

سيات ليون

__________________
نقلا عن مجلة سيد اوتو الصادرة بالحلمية :)

يا سلام
لأ الفئة الأولى واللا ال-A3 هما إلي مقطعين شوارع مصر من كتر المبيعات :)

تصدق
إلي يشتري BMW زي الفئة الأولى في مصر يبقى إرتكب غلطة كبيرة في حق نفسه
دي عربيات معمولة للدليفيري بمواتير ال-١٦٠٠ دي لو الأولى١٢٨ ولا ١٣٥ ماشي أهي نمشيها سبورتس كار
انما تشتريها علشان الإسم وبالسعر ده تبقى غلطان

أنا في واحد قريبي خلاص كان رايح يجيب الفئة التالثة الكوبيه الجديدة ٣١٦ أي
وكان واخد معاه الفلوس علشان يحجزها وكان متخيل انها طلقة ورياضية و كل ده علشان كوبيه بس الحمد لله تدخلت في أخر لحظة و- لحقته علشان ميرجعش يعيط زي التاني بتاع الفئة الأولي إلي بيقول عليها بطيئه و مش عجباه

لأني عارف البافارية في مصر بيبيعوا الإسم ومضطرين يجيبواال-١٦٠٠ علشان الجمارك بغض النظر عن أداء أو غيره لكن بالسعر ده اعذرني

وحاسس في كلامك بإهانة لليدي ليون
حاسب على نفسك بقى الإيام اللي جاية :)

Thanks
Eng.Sherif Shaker

**Chicco** · 12-07-2008 03:21 AM

المشاركة الأصلية كتبت بواسطة Ahmed Samy

دكترنا الكبير هشام بك
ده يا فندم من تعليمنا على ايديكم :)
طبعا السيارة لم تحقق ماتتمناه منها BMW و ذلك بسبب المنافسة من الـــHot Hatches الأخرى وخاصة الجولف ز طبعا الأودي A3

و لكن جميع الريفيوز المكتوبة عنها تتشارك في نقطة ثابته
متعة القيادة (اكثر من الجولف تحديدا)و أرجعوا ذلك الى الدفع الخلفي و نظام التوجيه و التعليق المتطور

في مصر انا ركبت الـAudi A3 sport ولم اتمكن من قيادتها للأسف
بالنسبة لي ..مازالت أودي تتفوق في الكماليات و تنافس في الأداء

و لكن لـــBMW مذاق خاص مش كده برضه :)

الصراحة يا باشا واضح أن عندك مواهب صحفية ....بتكلم جد و الله ....احنا نيجي إيه جنبك يا جميل

أنا بصراحة ما شفتش لسه الموديل الهاتشباك ....السيدان حلو قوي ....خصوصا الجنوط ....من أحلى الجنوط اللي شفتها بجد :)

أسم BMW ليه تمن طبعا ....سواء وافقنا علي كده و لا لأ بس هي ديه الحقيقة ....

طبعا ما يمنعش أن السيات ليون أجمد عربية في الفئة ديه لتميز ملاكها و ذوقهم العالي قوي قوي .....براءة أنا بقى يا شريف باشا

**Ahmed Samy** · 12-07-2008 06:03 PM

المشاركة الأصلية كتبت بواسطة SAbuhashem

يا سلام
لأ الفئة الأولى واللا ال-A3 هما إلي مقطعين شوارع مصر من كتر المبيعات :)

تصدق
إلي يشتري BMW زي الفئة الأولى في مصر يبقى إرتكب غلطة كبيرة في حق نفسه
دي عربيات معمولة للدليفيري بمواتير ال-١٦٠٠ دي لو الأولى١٢٨ ولا ١٣٥ ماشي أهي نمشيها سبورتس كار
انما تشتريها علشان الإسم وبالسعر ده تبقى غلطان

أنا في واحد قريبي خلاص كان رايح يجيب الفئة التالثة الكوبيه الجديدة ٣١٦ أي
وكان واخد معاه الفلوس علشان يحجزها وكان متخيل انها طلقة ورياضية و كل ده علشان كوبيه بس الحمد لله تدخلت في أخر لحظة و- لحقته علشان ميرجعش يعيط زي التاني بتاع الفئة الأولي إلي بيقول عليها بطيئه و مش عجباه

لأني عارف البافارية في مصر بيبيعوا الإسم ومضطرين يجيبواال-١٦٠٠ علشان الجمارك بغض النظر عن أداء أو غيره لكن بالسعر ده اعذرني

وحاسس في كلامك بإهانة لليدي ليون
حاسب على نفسك بقى الإيام اللي جاية :)

العربية مش تسارع بس يا باشا
في حاجات تانية كتير
الثبات و الأمان و راحة القيادة و متعتها و تميز العربية
و الثقة في الصانع و جودة الخامات
ده كفاية بس الواحد يبقى ماشي و شايف المروحتين على الدركسيون :)

ده غير اننا جميعا في هذا البلد الفقيد :( يجب الا نقارن من جانب التسارع لأنه كما تعلم ..كل السيارات المصرية تلعب في ملعب الأطفال 1600 و من يريد ان يتطور لازم يشخشخ جيبه (يفرتكه بمعنى اصح) او يسقط مكن و ده صعب و غالي في الموديلات الحديثة

يبقى خلينا جنب الحيط ...نقيمها بالنسبة للبلد بتاعتنا بس الــ135i بقه دي موضوع تاني تاني تاني

____________________________
عملا بقواعد العمل الصحفي المتميز
تقدم مجلة سيد اوتو الصادرة بالحلمية :) عميق الأسف و تظهر كل معاني التعاطف
و الاعتذار لملاك السيات الليون (الذين يعدون على أصابع اليد) و ذلك لشعورهم باهانة كريمتهم في العدد السابق ..

و المجلة اذ تبدى اسفها فهي تعلن عن رأيها الأصيل في السيارة انها من تحف مجموعة سيارات الشعب . و عدم انتشارها لا يزيدها الا رونقا و تألقا و جمالا

و كان الله بالسر عليما
محرر صفحة الاعتذارات - سيد اوتو
____________________________

**Ahmed Samy** · 12-07-2008 06:06 PM

المشاركة الأصلية كتبت بواسطة Chicco

الصراحة يا باشا واضح أن عندك مواهب صحفية ....بتكلم جد و الله

أخجلتم تواضعنا

بجد والله ......ربنا يخليك

المشاركة الأصلية كتبت بواسطة Chicco

أسم BMW ليه تمن طبعا ....سواء وافقنا علي كده و لا لأ بس هي ديه الحقيقة ....

رفع المعنويات ده ليه تمن برضه

**meza** · 12-07-2008 06:24 PM

عملا بقواعد العمل الصحفي المتميز
تقدم مجلة سيد اوتو الصادرة بالحلمية :) عميق الأسف و تظهر كل معاني التعاطف
و الاعتذار لملاك السيات الليون (الذين يعدون على أصابع اليد) و ذلك لشعورهم باهانة كريمتهم في العدد السابق ..

و المجلة اذ تبدى اسفها فهي تعلن عن رأيها الأصيل في السيارة انها من تحف مجموعة سيارات الشعب . و عدم انتشارها لا يزيدها الا رونقا و تألقا و جمالا

و كان الله بالسر عليما
محرر صفحة الاعتذارات - سيد اوتو

هههههههههههه ... أسلوبك رهيب

و على كده الأستاذ سيد أوتو متخصص إعتذارات و بس :D..... على فكرة لو عملوا باب للإعتذارات فى الصحف المصرية يبقى مش هنخلص و هيبقى أكبر باب

**CryptonX** · 12-07-2008 07:08 PM

المشاركة الأصلية كتبت بواسطة SAbuhashem

يعني مش active وخنيقة

ودة الطبيعي في الاوتوماتيك مع الألماني لو الموتور ١٦٠٠ أو ١٥٠٠
يمكن علشان إلي قاللي دة شاب صغير جداً فمش عاجبه وعايزها طلقة

وبيني وبينك أكيد في تهنيج في الفتيس علشان الوزن والدفع الخلفي بموتور ١٦٠٠
يفضل فيها المانيوال

Thanks
Eng.Sherif Shaker

اظن ده كان انا :)

انا فعلا عملتلها TEST DRIVE
في التوكيل الي في الدائري و لم اعجب بيها نهائيا !

كشكل - خارجيا خطوطها الجانبية و الخلفية جميلة جدا و لكني لم اعجب بالواجهة الامامي نهائي .

من الداخل .
يمكن دي افقر bmw شفتها - طبعا خامات و تقفيل غير موجود في الجولف حتى و لكن شكله bland جدا و الوانه قاتمة جدا مش باين .

الي جربتها كانت اوتومايتك
الطلعة كانت اشبه بطلعة اوتوبيس ... بطيئة جدا !

دنا حسيت في ساعات ان سيارتي الب 1242 سي سي اسرع منها

نيجي للمزايا

انا وصلت بيعا لحد 160 صوت الموتور مش موجود اصلا
و لا في صوت ناموسة حتى باين !
العزل ممتاز جدا و السيارة لازقة في الارض مش ثابتة بس !
العفشة ممتازة
القعدة وراء تقارن بالسيارات " الاقل " فئة مش بالجولف و الليون و البرافو مثلا .

الشنطة معقولة بس مش كبيرة .

حوض السيارة و تقفيل الموتور و الحاجات دي طبعا عيب اني اعيب لآنه تقريبا مفيش عيب واحد !

باختصار شديد هي BMW زيرو للفقراء :)
فيها من راوئح ال BMW بس مع تذكرتك انك فقير و مشترتش 3 Series
.

اعتقد حرام اي سيارة BMW بموتور 1600 .

-

الموضوع: Bmw الفئة الأولى في مصر (تقرير كامل بالصور)

LinkBack

أدوات الموضوع

عرض

-

-

-

-

-

المواضيع المتشابهه

تقرير كامل بالصور- كيا سول- 2011

عربية 408 الفئة الأولى أوتوماتيك

تقرير كامل بالصور عن k9 كيا 2013

الفئة الأولى الجديدة كليا 2012

تقرير كامل بالصور عن بريليانس fsv

الكلمات الدلالية لهذا الموضوع

المفضلات

المفضلات

ضوابط المشاركة